Доллар, теңге

Демалыс күндері доллардың ресми бағамы қандай болады

282
(Жаңартылды 19:34 10.04.2020)
Бүгін Қазақстан қор биржасында теңге OPEC + келіссөзі аясында қалыпты түрде нығайды. Сондай-ақ, теңгенің долларға шаққандағы бағамы өткен жұмада айтылған қалыпты тұрақтылық тенденциясын жалғастырды

АЛМАТЫ, 10 сәуір – Sputnik. Жұмада Қазақстан қор биржасындағы (KASE) күнделікті сауда-саттық негізінде теңгенің долларға шаққандағы орташа бағамы 431,01 теңгені құрады, деп хабарлайды Sputnik Қазақстан.

Өткен сауда күнімен салыстырғанда ұлттық валюта 1,52 теңгеге нығайды. Бұл мөлшерлеме белгіленген тәртіппен ұлттық банктің 11, 12, 13 сәуірдегі ресми бағамы болады.

30 наурыздан бастап Алматы мен Нұр-Сұлтандағы айырбастау пункттерінің жұмысы карантин режимінің күшеюіне байланысты үкіметтің шешімімен тоқтатылды.

Теңгенің долларға шаққандағы бағамы өткен жұмада айтылған қалыпты тұрақтылық тенденциясын жалғастырды. Содан кейін экономистер бұл валюта нарығындағы жағдайды тұрақтандырудың көрсеткіші болуы мүмкін деген пікір білдірді.

Бейсенбі күні ОПЕК + елдері келіссөз қорытындысы бойынша мамыр-маусым айында мұнай өндіруді тәулігіне 10 миллион баррельге дейін азайтуға ниетті деген әңгіме расталған. Сондай-ақ жыл соңына дейінгі ОПЕК +-тің мұнай өндірісін түзетуі тәулігіне 8 миллион баррельді құрайды, ал 2022 жылдың 30 сәуіріне дейін – күніне 6 миллион баррель болады.

Алайда, осы шаралардың барлығы Мексика келісімімен ғана жүзеге асырылады. Бұған дейін хабарланғандай, Мексиканың энергетика министрі мұндай қысқартумен келіспейтінін білдіріп, 11 сағатқа созылған отырыс залын тастап кеткен.

Бейсенбіде, 23 ел мен ОПЕК +-тің күніне 10 миллион баррельге дейін қысқарту жөніндегі ұжымдық төмендету туралы мәлімдемесі нарықты тұрақтандыру үшін жеткілікті деген күмән аясында мұнай бағасы арзандады.

Оқи отырыңыз: Экономистер доллардың неге қымбаттап жатқанын түсіндірді

Лондонның ICE Futures биржасында Brent маркалы мұнайдың маусым айындағы жабылу бағасы барреліне 31,48 доллардан 4%-ке төмендеді.

Ал Нью-Йорк тауар биржасында (NYMEX) мамырдағы WTI фьючерстері 9,3%-ке төмендеп, баррелі 22,76 долларды құрады.

Өткен күндері мұнай келіссөзінің күтілуіне байланысты қара алтын бағасы қымбаттады. Жұма күні таңертең сауда-саттық өткізілмейді.

16 наурызда ұлттық банк орын алған шынайы жағдайларды ескере отырып, еркін айырбас бағамы саясатына сәйкес инфляциялық таргеттеу мен тепе-теңдік бағамын қалыптастыруға өз үлесін қосатындығын мәлімдеді. Осыдан кейін ұлттық валютаның долларға қатысты бағамы күрт құлдырады.

20 наурызда ұлттық банк валюта айырбастау пункттері арқылы жүргізілетін операциялар үшін шетел валютасын теңгеге сату бағамынан ауытқу шегін белгіледі: АҚШ доллары – 6 теңге, евро – 7 теңге.

Бұл ережелер елде төтенше жағдай режимі сақталғанда күшінде қалады. Мұндай шаралар қаржы нарығындағы ойыншыларға валюталарды сатып алу-сатуда белгіленген бағамдардың арасындағы маржаны негізсіз көтеруге жол бермеу үшін қажет.

282
Кілт сөздер:
мұнай, доллар
Тақырып бойынша
Нарықты бірге сақтаймыз: ОПЕК+ келіссөзі қандай нәтиже беруі мүмкін
Мұнай мен газ бағасы мың құбылды: жағдай қалай өзгереді
Мұнай бағасы қанша болғанда Қазақстан экономикасына қауіп төнеді
Мұнай бағасы мен баламалы энергетиканың құлдырауы кімге пайдалы
Нан

Қазақстанда ең қымбат және ең арзан нан қай қалада сатылатыны анықталды

97
(Жаңартылды 11:21 15.07.2020)
Республика қалаларының ішінде нан бағасының арзандауы жалғыз ғана Ақтөбе қаласында тіркелді

НҰР-СҰЛТАН, 15 шілде – Sputnik. Қазақстанда нан бағасы бір жылда орташа есеппен 10,5%-ке қымбаттады, деп хабарлайды Ranking.kz сараптамалық порталы.

Бірінші сұрыпты ұннан жасалған нан 9,2%-ке, жоғары сұрыпты ұн өнімі – 13,5%-ке, ал қара бидай ұнының наны – 12,6%-ке қымбаттады.

2020 жылдың маусым айында ел аумағындағы қалаларда бірінші сұрыпты ұннан жасалған бидай нанының бір килограмы орташа есеппен 151 теңге (жылына +9%), жоғары сұрыпты ұн нанының килограмы 289 теңге (+13,6%) және қара бидай нанының килограмы 249 теңгеге (+13,8%) бағаланды.

Ал ірі қалалар мен мегаполистер арасында бірінші сұрыпты ұннан жасалған нанның қымбат бағасы Атырау (килограммы үшін 178 теңге) мен Ақтауда (173 теңге) тіркелген. Ал ең арзан баға Алматы (килограммы үшін 132 теңге) мен Таразда (138 теңге) болды.

Соңғы айда Көкшетауда да нан бағасы бірден 5,6%-ке, килограмы 169 теңгеге дейін, ал Таразда бір жыл бұрынғы баға 27,8 процентке дейін едәуір қымбаттағаны байқалды.

Қара бидай нанының бағасы қанша?

Қара бидай нанының қымбат бағасы Нұр-Сұлтанда (килограмы 315 теңге), Өскеменде (314 теңге) және Семейде (313 теңге) тіркелген. Ал ең арзанын Ақтөбе мен Талдықорғаннан сатып алуға болады (187 теңге).

Бір ай ішінде қара бидай наны Көкшетауда (+4,3%), Оралда (+4%) және бір жыл ішінде Атырауда +39,1 процентке өскен.

Қазақстанда ақ нан неше теңге тұрады?

Ең жоғары сұрыпты бидай ұны Нұр-Сұлтан тұрғындары үшін килограмы үшін 414 теңге, одан кейін Өскеменде 376 теңге және Семей 337 теңге болған. Нанның ең арзанын Қызылорда (203 теңге) мен Тараздан (207 теңге) Нұр-Сұлтанға қарағанда екі есе арзан бағаға сатылуда.

Оқи отырыңыз: Тоқаев Қырғызстан мен Тәжікстанға 5 мың тоннадан ұн берілетінін айтты

Байқағанымыздай, бір ай ішінде жоғары сұрыпты бидай ұнынан жасалған нанның бағасы Қазақстан қалаларының арасынан Алматыда (+4,3%), ал Таразда (+21,1 процентке) қымбаттаған.

Нан бағасының арзандауы жалғыз ғана Ақтөбе қаласында тіркелді.

97
Кілт сөздер:
азық-түлік, нан
Тақырып бойынша
Мемлекет басшысы азық-түлік бағасына қатысты тапсырма берді 
Түрікменстанда бір адамға бір келі ұн, жарты келі қанттан ғана сатылып жатыр
Қазақстан астық пен ұн экспортына қойылған шектеуді алып тастайды 
Азық-түлік сатып алыңыздар: Нұр-Сұлтан қатаң карантинге оралады
Нұр-Сұлтанда нан бағасы 95 теңгеден аспайды
Банк карталары

Қазақстанның сегіз банкіне айыппұл салынды

464
Бірінші жартыжылдықта банктерге қатысты әкімшілік айыппұлдардың жалпы сомасы 47,6 миллион теңгені құрады

АЛМАТЫ, 15 шілде – Sputnik. Қазақстанның 8 банкіне 47 миллион теңге әкімшілік айыппұл салынды. Бұл жайында Finprom.kz хабарлады.

Басылымның хабарлауынша, 2020 жылдың мамыр айының соңына дейін Қазақстанда банк секторындағы қызметті екінші деңгейлі 27 банк ұсынды. Оның ішінде14 шетелдік банк бар. Елдегі екінші деңгейлі банктер активінің жалпы сомасы бір жылда 13%-ке артып, 28,2 триллион теңгені құрады.

"Активтердің және басқа да көптеген қаржылық көрсеткіштердің өсуіне қарамастан, 2020 жылдың бірінші жартыжылдығында банктерде қаржылық қызметтерді тұтынушылардың құқықтарын қорғауға қатысты 87 ықпал ету шаралары қолданылды. Оның ішінде әкімшілік айыппұлдар, қадағалап ден қоюдың ұсынымдық шаралары, жазбаша ұйғарымдар бар",– делінген ақпаратта.

Банктер көп жағдайда Қазақстан Республикасының банк заңнамасында, сондай-ақ Қазақстан ұлттық банкінің нормативтік құқықтық актілерінде белгіленген нормаларды сақтамаған. Оның ішінде банктік қарызға қызмет көрсету, төлемдер мен ақша аударымдары, банктік шоттарға қызмет көрсетуді орындауда белгіленген нормалар сақталмаған.

Осылайша, екінші деңгейлі сегіз банкке әкімшілік айыппұл салынды. 2020 жылдың бірінші жартыжылдығында банктерге қатысты әкімшілік айыппұлдардың жалпы сомасы 47,6 миллион теңгені құрады.

Әкімшілік айыппұлдың ең көп сомасы – 21,9 миллион теңге Asia Credit Bank-ке салынған, сондай-ақ, Ресей Сбербанкіне 11,1 миллион теңге, Capital Bank Kazakhstan-ға 7,8 миллион теңге айыппұл салынды. Tengri Bank 4,2 миллион теңге, Альфа банк 1,1 миллион теңге төлейді.

Оқи отырыңыз: Салық, айыппұл мен мемлекеттік қызметтерді QR-код арқылы төлеуге болады

Банктер "төлемдер және төлем жүйелері туралы" ҚР заңында белгіленген ақша төлемі және аударымы жөніндегі нұсқауды орындау мерзімін бұзу, Қылмыстық жолмен алынған кірістерді заңдастыруға (жылыстыруға) және терроризмді қаржыландыруға қарсы іс-қимыл туралы қаржы мониторингіне жататын операциялар туралы ақпаратты құжаттық тіркеу, сақтау және беру бойынша заңнаманы бұзуға жол берген.

464
Кілт сөздер:
банк, айыппұл, қаржы нарығы
Тақырып бойынша
Ұлттық банк Алматыдан Нұр-Сұлтанға көшті
Қазақстанда төтенше жағдай режимін бұзғаны үшін салынатын айыппұл 10 есе өседі
Нұр-Сұлтанда 40 млн теңге айыппұл төлей алмаған экс-басшы жеті жыл түрмеде отырады
Енді той өткізгендер де, тойға барғандар да айыппұл төлейді
Тоқаев: экономиканы әртараптандыру үшін жаңа реформаларды жүзеге асыру қажет
Оркестр, архивтегі сурет

Қазақстанда 16 шілдеде қандай маңызды оқиғалар болады

0
(Жаңартылды 15:41 15.07.2020)
Sputnik Қазақстан 16-22 шілде аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

16 шілдеге жоспарланған шаралар

09.00 – Жастардың 48 сағаттық хакатоны өтеді. Студенттер мүмкіндігі шектеулі жандарға арналған мобильдік қосымша әзірлейді. Хакатон 16-18 шілдеге жоспарланған. Онлайн-форматтағы хакатонға 16-22 жас аралығындағы студенттер, дизайнерлер, сарапшылар қатыса алады.  Өтініш 10 шілдеге дейін мына сілтеме бойынша қабылданады.

12.00 – "Астана Опера" театрының "Дружная семейка струнных инструментов" концерті (Трансляция на TengriTV).

17 шілдеге жоспарланған шаралар

19.00 – "Астана Опера" театры әртістерінің орындауындағы "Корсар" балеті (Трансляция  TengriTV)

19 шілдеге жоспарланған шаралар

18.00 - "Астана Опера" театрының "От Севильи до Неаполя" концерті (Трансляция  TengriTV)

22 шілдеге жоспарланған шаралар

19.00 - "Астана Опера" театрының "Қыз Жібек" операсы (Трансляция  TengriTV).

18.00 - "Астана Опера" театрының "Восемь времен года" концерті (Трансляция  TengriTV).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0
Кілт сөздер:
оқиғалар, шілде, Қазақстан