Экономика

Комиссия шешімі: 20 сәуірден бастап қандай кәсіпорындардың жұмысы жанданады

© Sputnik / Абзал Калиев Виды города Нур-Султан весной. Мост через реку Ишим
 Виды города Нур-Султан весной. Мост через реку Ишим - Sputnik Қазақстан
Жазылу
Мемлекеттік комиссия Нұр-Сұлтан мен Алматыда 20 сәуірден жұмысын бастай алатын кәсіпорындардың тізімін бекітті

НҰР-СҰЛТАН, 15 сәуір – Sputnik. Төтенше жағдайлар жөніндегі мемлекеттік комиссияның шешімімен Нұр-Сұлтан мен Алматы қаласында жұмысын бастайтын кәсіпорындар белгілі болды, деп хабарлайды премьер-министрдің баспасөз қызметі.

"20 сәуірден бастап Нұр-Сұлтан және Алматы қалаларында жұмысын бастайтын кәсіпорындар санитарлық-эпидемиологиялық шараларды қатаң сақтауы тиіс", - делінген хабарламада.

20 сәуірден бастап жұмысқа кірісетін қызмет түрлері

Нұр-Сұлтан қаласында:

  • өнеркәсіптік кәсіпорындар;
  • құрылыс және жол-құрылыс салаларының компаниялары, ірі құрылыс дүкендері;
  • көлік, қоймалау салаларындағы компаниялар, ауыл шаруашылығы мақсатындағы сервистік компаниялар;
  • автосалондар, көлікке техникалық қызмет көрсету станциялары, авто жуу, дөңгелек ауыстыру сервисі, автобөлшектер дүкендері, химиялық тазалау, кеңсе техникасын жөндеу;
  • екінші деңгейлі банктер сағат 9:00-ден 16:00-ге дейін штат санының 50%-ын шектеумен, нотаруистер алдын ала жазылу бойынша жұмыс істейді;
  • қоғамдық тамақтану нысандарының жұмысы тек өзімен алып кету және жеткізу қызметімен сағат 22:00-ге дейін ұзартылады.

Алматы қаласында:

  • өнеркәсіптік кәсіпорындар;
  • құрылыс және жол-құрылыс салаларының компаниялары, құрылыс материалдарының ірі көтерме базарлары;
  • нотариустер алдын ала жазылу бойынша;
  • тек бизнеске қызмет көрсету үшін халыққа қызмет көрсету орталығының бір бөлімшесі (Наурызбай ауданы, Шұғыла шағын ауданы, 347/1).

Еске сала кетсек, Қазақстанда төтенше жағдай режимі 2020 жылдың 1 мамыры сағат 07.00-ге дейін ұзартылған болатын.

Жаңалықтар
0