Мұнай өндіру құрылғысы

Мұнай бағасының құлдырауы рекордтық көрсеткішке жетті

1644
(Жаңартылды 11:14 21.04.2020)
Мамыр айының фьючерстерін сатудың соңғы күнінде америкалық мұнай 300%-ке құлдырады. Мұндай рекордтық көрсеткішті сарапшылар артық өндіру мен қоймалардың толуымен және сұраныстың төмендігімен байланыстырады

НҰР-СҰЛТАН, 21 сәуір – Sputnik. WTI маркалы мұнайдың бағасы тарихи рекордтық деңгейге төмендеп, барреліне минус 37,63 долларға дейін түсіп кетті. Бірақ бірнеше сағаттан кейін оның бағасы барреліне 2,21 долларға дейін көтерілді, деп хабарлайды РИА Новости.

Айта кетейік, екі апта бұрын ғана мұнайды экспортқа шығаратын елдер ұйымы ОПЕК+ әлем мұнайдың нөлдік құнын көрмейді деп болжаған болатын.

Дүйсенбі күнгі аукционда Brent маркалы мұнайдың маусымдық фьючерстері барреліне 25,38 долларға дейін төмендеді.

Сенсациялық құлдыраудың себебі, сейсенбі WTI мамыр фьючерстерін сатудың соңғы күні болуымен де астасуы мүмкін. Сонымен қатар, коронавирустық пандемияға байланысты сұраныс күрт төмендеді әрі мұнай сақтау орындары түгел толды десе де болады. Яғни, шикізат сақтайтын орын жоқ.

Оған қоса, ОПЕК+ мәмілесінің сәтсіздігі де баға құлдырауында маңызды рөл атқарды. Жаңа келісімге кеш қол қойылғандықтан ол нарықтағы бағаны тұрақтандыруға көмектеспеді. Енді ОПЕК пен Халықаралық энергетикалық агенттік артық шикізат аясында мұнайға сұраныстың рекордтық төмендеуін күтуде.

Мұнай нарығы саласындағы сарапшы Хужадж Бу Хедр РИА Новости-ге берген түсіндірмесінде WTI бағасының түсуі, ең алдымен АҚШ-тың проблемасы екенін атап өтті. Вашингтон өзіне қажет көлемде әрі экспорттауға қажет емес мөлшерде мұнай өндіреді.

Оның пікірінше, коронавирусқа байланысты шектеулердің кезең-кезеңмен алынуы, сондай-ақ экономиканың "ашықтығы" баға құлдырауын тоқтатуы мүмкін.

Худжадж Бу Хедрдің айтуынша, маусымның соңы мен шілде айының басында мұнай бағасы 40 долларға дейін көтеріледі.

Оқи отырыңыз: Жазға қарай мұнай бағасы 60 долларға жетуі мүмкін – экономист

Вашингтондағы Berkeley Research Group зерттеу компаниясының басқарушы директоры әрі АҚШ федералды энергетикалық реттеу комиссиясының (FERC) бұрынғы мүшесі Бранко Терзик WTI маркалы мұнай бағасының қалпына келуі америкалық экономика жанданғаннан кейін ғана мүмкін болады деп санайды.

"Экономика қашан қалпына келіп, баға қай кезде өсе бастайды? Біз қазір сақтаулы тұрған барлық мұнайды қолданамыз. Тек, содан кейін ғана жаңа мұнай өндіре бастаймыз. Негізінен мұнайды сақтау үшін де төлем жасау керектігін ұмытпаған жөн", – дейді ол.

Сарапшы америкалық билік ықпалының әлсіз болатындығын айтады. Ең жақсы деген жағдайдың өзінде америкалық мұнай компанияларының жартысы ғана өз қызметін жалғастыра алады.

1644
Кілт сөздер:
нарық, баға, мұнай
Тақырып бойынша
Теңге нығайды, алайда мұнай бағасы төмендеп жатыр
Мұнай бағасы қайта өсе бастады
Мұнай бағасы қанша болғанда Қазақстан экономикасына қауіп төнеді
Мұнай мен газ бағасы мың құбылды: жағдай қалай өзгереді
Мұнай бағасы мен баламалы энергетиканың құлдырауы кімге пайдалы
Нан

Қазақстанда ең қымбат және ең арзан нан қай қалада сатылатыны анықталды

67
(Жаңартылды 11:21 15.07.2020)
Республика қалаларының ішінде нан бағасының арзандауы жалғыз ғана Ақтөбе қаласында тіркелді

НҰР-СҰЛТАН, 15 шілде – Sputnik. Қазақстанда нан бағасы бір жылда орташа есеппен 10,5%-ке қымбаттады, деп хабарлайды Ranking.kz сараптамалық порталы.

Бірінші сұрыпты ұннан жасалған нан 9,2%-ке, жоғары сұрыпты ұн өнімі – 13,5%-ке, ал қара бидай ұнының наны – 12,6%-ке қымбаттады.

2020 жылдың маусым айында ел аумағындағы қалаларда бірінші сұрыпты ұннан жасалған бидай нанының бір килограмы орташа есеппен 151 теңге (жылына +9%), жоғары сұрыпты ұн нанының килограмы 289 теңге (+13,6%) және қара бидай нанының килограмы 249 теңгеге (+13,8%) бағаланды.

Ал ірі қалалар мен мегаполистер арасында бірінші сұрыпты ұннан жасалған нанның қымбат бағасы Атырау (килограммы үшін 178 теңге) мен Ақтауда (173 теңге) тіркелген. Ал ең арзан баға Алматы (килограммы үшін 132 теңге) мен Таразда (138 теңге) болды.

Соңғы айда Көкшетауда да нан бағасы бірден 5,6%-ке, килограмы 169 теңгеге дейін, ал Таразда бір жыл бұрынғы баға 27,8 процентке дейін едәуір қымбаттағаны байқалды.

Қара бидай нанының бағасы қанша?

Қара бидай нанының қымбат бағасы Нұр-Сұлтанда (килограмы 315 теңге), Өскеменде (314 теңге) және Семейде (313 теңге) тіркелген. Ал ең арзанын Ақтөбе мен Талдықорғаннан сатып алуға болады (187 теңге).

Бір ай ішінде қара бидай наны Көкшетауда (+4,3%), Оралда (+4%) және бір жыл ішінде Атырауда +39,1 процентке өскен.

Қазақстанда ақ нан неше теңге тұрады?

Ең жоғары сұрыпты бидай ұны Нұр-Сұлтан тұрғындары үшін килограмы үшін 414 теңге, одан кейін Өскеменде 376 теңге және Семей 337 теңге болған. Нанның ең арзанын Қызылорда (203 теңге) мен Тараздан (207 теңге) Нұр-Сұлтанға қарағанда екі есе арзан бағаға сатылуда.

Оқи отырыңыз: Тоқаев Қырғызстан мен Тәжікстанға 5 мың тоннадан ұн берілетінін айтты

Байқағанымыздай, бір ай ішінде жоғары сұрыпты бидай ұнынан жасалған нанның бағасы Қазақстан қалаларының арасынан Алматыда (+4,3%), ал Таразда (+21,1 процентке) қымбаттаған.

Нан бағасының арзандауы жалғыз ғана Ақтөбе қаласында тіркелді.

67
Кілт сөздер:
азық-түлік, нан
Тақырып бойынша
Мемлекет басшысы азық-түлік бағасына қатысты тапсырма берді 
Түрікменстанда бір адамға бір келі ұн, жарты келі қанттан ғана сатылып жатыр
Қазақстан астық пен ұн экспортына қойылған шектеуді алып тастайды 
Азық-түлік сатып алыңыздар: Нұр-Сұлтан қатаң карантинге оралады
Нұр-Сұлтанда нан бағасы 95 теңгеден аспайды
Банк карталары

Қазақстанның сегіз банкіне айыппұл салынды

261
Бірінші жартыжылдықта банктерге қатысты әкімшілік айыппұлдардың жалпы сомасы 47,6 миллион теңгені құрады

АЛМАТЫ, 15 шілде – Sputnik. Қазақстанның 8 банкіне 47 миллион теңге әкімшілік айыппұл салынды. Бұл жайында Finprom.kz хабарлады.

Басылымның хабарлауынша, 2020 жылдың мамыр айының соңына дейін Қазақстанда банк секторындағы қызметті екінші деңгейлі 27 банк ұсынды. Оның ішінде14 шетелдік банк бар. Елдегі екінші деңгейлі банктер активінің жалпы сомасы бір жылда 13%-ке артып, 28,2 триллион теңгені құрады.

"Активтердің және басқа да көптеген қаржылық көрсеткіштердің өсуіне қарамастан, 2020 жылдың бірінші жартыжылдығында банктерде қаржылық қызметтерді тұтынушылардың құқықтарын қорғауға қатысты 87 ықпал ету шаралары қолданылды. Оның ішінде әкімшілік айыппұлдар, қадағалап ден қоюдың ұсынымдық шаралары, жазбаша ұйғарымдар бар",– делінген ақпаратта.

Банктер көп жағдайда Қазақстан Республикасының банк заңнамасында, сондай-ақ Қазақстан ұлттық банкінің нормативтік құқықтық актілерінде белгіленген нормаларды сақтамаған. Оның ішінде банктік қарызға қызмет көрсету, төлемдер мен ақша аударымдары, банктік шоттарға қызмет көрсетуді орындауда белгіленген нормалар сақталмаған.

Осылайша, екінші деңгейлі сегіз банкке әкімшілік айыппұл салынды. 2020 жылдың бірінші жартыжылдығында банктерге қатысты әкімшілік айыппұлдардың жалпы сомасы 47,6 миллион теңгені құрады.

Әкімшілік айыппұлдың ең көп сомасы – 21,9 миллион теңге Asia Credit Bank-ке салынған, сондай-ақ, Ресей Сбербанкіне 11,1 миллион теңге, Capital Bank Kazakhstan-ға 7,8 миллион теңге айыппұл салынды. Tengri Bank 4,2 миллион теңге, Альфа банк 1,1 миллион теңге төлейді.

Оқи отырыңыз: Салық, айыппұл мен мемлекеттік қызметтерді QR-код арқылы төлеуге болады

Банктер "төлемдер және төлем жүйелері туралы" ҚР заңында белгіленген ақша төлемі және аударымы жөніндегі нұсқауды орындау мерзімін бұзу, Қылмыстық жолмен алынған кірістерді заңдастыруға (жылыстыруға) және терроризмді қаржыландыруға қарсы іс-қимыл туралы қаржы мониторингіне жататын операциялар туралы ақпаратты құжаттық тіркеу, сақтау және беру бойынша заңнаманы бұзуға жол берген.

261
Кілт сөздер:
банк, айыппұл, қаржы нарығы
Тақырып бойынша
Ұлттық банк Алматыдан Нұр-Сұлтанға көшті
Қазақстанда төтенше жағдай режимін бұзғаны үшін салынатын айыппұл 10 есе өседі
Нұр-Сұлтанда 40 млн теңге айыппұл төлей алмаған экс-басшы жеті жыл түрмеде отырады
Енді той өткізгендер де, тойға барғандар да айыппұл төлейді
Тоқаев: экономиканы әртараптандыру үшін жаңа реформаларды жүзеге асыру қажет
Гуманитарлық көмек, архивтегі фото

Қазақстанның Тәжікстанға көмегі дауға айналды: министрліктің жауабы қандай

0
(Жаңартылды 14:09 15.07.2020)
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Оқи отырыңыз: Қытайдан әкелінген маскаларға инфекция жұқтырылған - министрлік түсініктеме берді 

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

0
Кілт сөздер:
Тәжікстан, гуманитарлық көмек
Тақырып:
Коронавирус эпидемиясы
Тақырып бойынша
Түркиядан келген гуманитарлық көмек қысқа мерзім ішінде рәсімделді
Айнұр Тұрсынбаева желіде жазба жариялады - басы дауға қалған компания жауабы
Грузиядан Қазақстанға гуманитарлық көмек келді
Ешкімге сенбеңіз: еріктілер денсаулық министріне бейнеүндеу жолдады
Коронавируспен күрес: Қазақстан Тәжікстанға гуманитарлық көмек көрсетпек