Архивтегі фото

Қазақстанда азық-түлікпен қамтамасыз ету бойынша ұлттық желі құрылады  

232
(Жаңартылды 10:25 28.04.2020)
Павлодар, Алматы және Түркістан облыстарында ауыл шаруашылығы тауарларын сақтауға бағдарланған 5 көтерме-тарату орталығы салынады

НҰР-СҰЛТАН, 28 сәуір – Sputnik. Азық-түлікпен қамтамасыз ету проблемаларын шешу үшін ұлттық тауар өткізу желісін құру ұсынылды. Бұл туралы сауда және интеграция министрі Бақыт Сұлтанов мәлімдеді, деп хабарлайды Sputnik Қазақстан тілшісі.

Министрдің айтуынша, ұлттық тауар өткізу желісі көтерме-тарату орталықтарының бірыңғай кешенінен құралады.

"Бұл – экожүйе өндіруші мен тұтынушыны жақындататын экономикалық кластер. Сондай-ақ бірыңғай тетікті құрай отырып, республиканың сауда инфрақұрылымына қосылады", - деді Сұлтанов үкімет отырысында.

Көтерме-тарату орталықтары өнімді сақтау және қайта өңдеу, тарату мен өткізуге дейінгі мамандандырылған қызметтерді ұсынады.

"Бұл инфрақұрылым өнімді жеткізудің тиімді көлік-логистика бағыттарын құруға мүмкіндік береді. Сондай-ақ, ЕАЭО, Орталық Азия және Қытайға экспорттық-импорттық операциялар жүзеге асырылады, бұл өткізу нарығын кеңейтеді", - деді министр.

Ол барлық өңірде көтерме-тарату орталықтарының желісін құру жоспарда бар екенін атап өтті. Тауар өткізу жүйесін 3 кезеңде жүзеге асыру ұсынылып отыр.

Оқи отырыңыз: Министр Сұлтанов азық-түліктің неге қымбаттайтынын айтты

Бірінші кезеңде ауыл шаруашылығы тауарларын сақтауға бағдарланған 5 көтерме-тарату орталығы Павлодар, Алматы және Түркістан облыстарында салынады.

"Келесі екі кезеңде, республикалық бюджеттің шектеулі мүмкіндіктерін, сондай-ақ, көтерме-тарату орталықтарының ауқымын ескере отырып, мемлекеттік-жекешелік әріптестік механизмін қолданамыз", - деді Сұлтанов.

Оның айтуынша, жоба құны 237,5 миллиард теңгені құрайды.

Объектілерді салуға отандық жобалау және құрылыс компаниялары тартылады.

"Біз әкімдіктермен алғашқы екі кезең үшін жер телімдерін бөлу мәселесін пысықтадық. Қалған 15 нысан бойынша қысқа мерзімде жұмыс жүргізіледі", - деді ведомство басшысы.

Құрылыс жұмыстары карантин аяқталғаннан кейін басталады.

232
Кілт сөздер:
азық-түлік
Тақырып бойынша
Назарбаев коронавирус пандемиясынан кейін не болатынын айтты 
"Адамдар аштықтан өледі": Танымал әнші Тоқаевқа видео үндеу жолдады
Төтенше жағдай кезінде азық-түлік қаншаға қымбаттады
Коронавирус салдары қандай болады - мамандар болжам жасады
"Қазір уақыт басқа": Сенаторлар жүйе құраушы кәсіпорындардың тізімін мақұлдамады
Ақша, теңге

Төтенше жағдай аяқталған соң 42 500 теңгені қалай алуға болады

7588
Төтенше жағдай аяқталғаннан кейін табыссыз қалған қызметкерлерге жұмыс берушілер ең төменгі жалақы мөлшерінде ақы төлеуі тиіс

АЛМАТЫ, 21 мамыр – Sputnik. Алматылық жұмыс берушілерге қызметкерлерге 42 500 теңге төлеу ұсынылды.

Егер басшылық оларға ақша төлеуден бас тартса, қызметкерлер әлеуметтік қамсыздандыру бөліміне жүгіне алады.

"Қазір жалақысы сақталмай, демалысқа кеткен қызметкерлер көп. Еңбек кодексінің 112-бабына сәйкес, жұмыстың тоқтап қалу уақытын рәсімдеп, соған сәйкес, қызметкерлерге ең төменгі жалақы – 42 500 теңге төлеуді ұсынамыз. Егер ұжымдық шартта үлкен сома көрсетілмеген болса", - деді Алматы қаласының бас еңбек инспекторы Айнұр Мұқажанова.

Басшылық 42 500 теңге төлегісі келмесе...

Егер басшылық жұмыс тоқтаған уақытқа қаржы төлеуден бас тартса, әл-ауқат басқармасына жүгіну қажет.

"Біз тексеру жүргіземіз. Егер жағдай дәлелденсе, онда айыппұл түрінде әкімшілік жаза көзделеді. Шағын бизнеске жалақыны төлемегені және кешіктіргені үшін 60 АЕК (1 айлық есептік көрсеткіш -2 778 теңге), орта бизнес 100 АЕК, ірі бизнес 150 АЕК төлеуі тиіс", – деп жауап берді Алматы қаласы әлеуметтік әл-ауқат басқармасының басшысы Рахат Шимашева.

Төтенше жағдай кезінде қызметін тоқтатқан компания не істеуі керек

Кәсіпкерлердің жұмыстың мәжбүрлі түрде тоқтап қалғанын рәсімдеуге байланысты біраз қиындық бар, деп атап өтті Алматы кәсіпкерлер палатасының директоры Нариман Әбілшайықов.

"Жұмыс кәсіпкердің кінәсінен емес, карантин режимінің салдарынан тоқтатылғанын түсіну керек. Біз бұл мәселені жүйелі түрде қарастырамыз", - деді ол.

Оның айтуынша, қызметкерлеріне жалақы төлеу үшін бизнеске жеңілдік кезеңі ұсынылуы мүмкін.

"Егер осы жыл ішінде жағдай тұрақтанса, кәсіпорын қызметкерлеріне дәл бұрынғыдай жағдай жасайды.  Яғни жеңілдіктер мен субсидиялар беру туралы ұсыныс жасалады. Еңбек министрлігі мәселені қарастыруда", - деді Әбілшайықов.

Іркіліс уақытында төлем жасау

Жұмыстың тоқтатылу уақытына ақы төлеу Еңбек кодексінің 112-бабында жазылған.

Жұмыс берушіге және жұмыскерге байланысты емес себептер бойынша іркілісті рәсімдеу тәртібі және жұмыстың тоқтап қалу уақытына ақы төлеу талаптары еңбек, ұжымдық шарттарда айқындалады. Жалақының ең төмен мөлшерінен кем болмайтын мөлшерде, ал жұмыс берушінің кінәсінен болғанда – жұмыскердің орташа жалақысының кемінде елу пайызы мөлшерінде белгіленеді.

7588
Кілт сөздер:
карантин, теңге, төтенше жағдай
Тақырып бойынша
Төтенше жағдай аяқталды: министр 42 500 теңгеге өтініш беру туралы айтты
Министр "халық аштан өледі" деген әншіге 42 500 теңгеге құжат тапсыруды ұсынды
42 500 теңге: министрлік әлеуметтік төлем алғандар саны көп үш өңірді атады
42 500 теңгені алғандарға мемлекеттік қолдау көрсетіледі
Үш миллионға тарта адам 42 500 теңгені екінші рет алды
Алматыдағы базар

Алматыда азық-түлік сатпайтын базарлар қашан ашылады

490
Қалада жабылған базарлардың қызметіне қойылған шектеулерді алу кезең-кезеңмен жүргізілетіні хабарланды

АЛМАТЫ, 21 мамыр – Sputnik. Алматыда 25 мамырдан бастап ХҚКО жұмысын бастайды, ал бұрын жабылған базарлардың қызметіне қойылған шектеулерді алу кезең-кезеңмен жүргізілетін болады. Бұл туралы Алматы қаласы кәсіпкерлік және инвестициялар басқармасының басшысы Еркебұлан Оразалин мәлімдеді, деп хабарлайды Sputnik Қазақстан тілшісі.

"25 мамырдан бастап, карантин режимін жеңілдетудің кезекті кезеңінің шеңберінде қаладағы барлық халыққа қызмет көрсету орталығының, сондай-ақ бұдан бұрын жабылған азық-түлік базарларымен әмбебап базарларының азық-түлік қатарларының қызметіне қойылған шектеулерді алу жоспарланып отыр. Ол үшін нысандарда санитариялық-эпидемиологиялық нормалар қатаң сақталуы қажет", - деді Оразалин.

Айтуынша, шектеулер алынғаннан кейін қалада 16 фронт-кеңсе жұмысын бастайды, оның ішінде бес арнайы халыққа қызмет көрсету орталығы, екі миграциялық қызметкөрсету орталығы, екі цифрлық қызмет көрсететін орталық бар. Соған сәйкес, 1 600 адам, оның ішінде клиенттермен тікелей байланыста жұмыс істейтін 933 қызметкер жұмысқа оралады.

"Нысандар ғимарат ішінде індетке қарсы санитарлық режимді қатаң сақтау, әлеуметтік арақашықтық және адамдар ағынын реттеу секілді шараларды сақтай отырып жұмыс істейтін болады", - деді басқарма басшысы.

Қай базар ашылады

Базарларды ашу қаладағы эпидемиологиялық жағдайға және нысандардың әзірлігіне байланысты кезең-кезеңімен жүргізілетін болады.

25 мамырдан бастап карантин басталғанда жабылған азық-түлік және әмбебап базарларына қойылған шектеулерді алу жоспарланып отыр. Алайда әзірге әмбебап базарлардың азық-түлік бөлігіне ғана жұмыс істеуге рұқсат беріледі.

Сонымен қатар азық-түлік сатпайтын базарлар 1 маусымнан бастап іске қосылады. Нысандарды ашу ол жердегі барлық талаптардың сақталуына, келушілерді қабылдауға әзірлігіне міндетті бағалау жүргізілгеннен кейін ғана жүзеге асады.

Оразалиннің айтуынша, Алматы облыста тұратын қызметкерлерге қалаға кіріп-шығуға рұқсат берілді. Қызметкерлердің жеке дерегі almaty.infokazakhstan.kz. базасына енгізілуі керек.

490
Кілт сөздер:
базар, азық-түлік, Алматы
Тақырып бойынша
Екі айға жуық үйде отырған астаналықтар шаштаразға лап қойды - видео
"Бала-шағам жейтін тамақ жоқ" дейді": полицейлер карантиндегі жұмысы туралы айтты
Бас санитар дәрігер карантин кезіндегі моншалардың жұмысы туралы айтты
Қазақстанда төтенше жағдай аяқталды - мешіттер қашан ашылады
Нұр-Сұлтанда орталық базар ашылды
Алматыда мас жүргізуші бақылау-өткізу бекетін бұзып өтпек болды

Алматы тұрғыны блок бекетті бұзып өтпек болды: полицей көз жұмды

61
Құқық қорғау органдарының мәліметінше, жол апатын жасаған жүргізуші мас болған. Сотқа дейінгі тергеу басталды

НҰР-СҰЛТАН, 25 мамыр – Sputnik. Алматыдағы блок бекеттердің бірінде жол апатынан полиция қызметкері көз жұмды, деп хабарлайды Polisia.kz.

Трагедия дүйсенбі таңертеңгі сағат 05:26-да Алматы облысы Қарасай ауданы Көксай ықшамауданында болды. Жаңа Ғасыр көшесімен қиылыста, Кожабекова көшесімен солтүстік бағытта келе жатқан "BMW" маркалы автокөліктің жүргізушісі, 1992 жылы туған А.есімді қала тұрғыны №4 бақылау-өткізу бекетіне соқтығысқан.

Оқи отырыңыз: Блок бекеттер әзірге алынбайды – денсаулық сақтау министрлігі   

Алдымен бетон қоршауға барып тиген, содан кейін инерциямен патрульдік көлікке соқтығысқан, оның салонында екі полиция қызметкері отырған. Өкінішке қарай, патрульдердің бірі, 42 жастағы Жалғас Жанғазиев алған жарақатынан жедел жәрдем келгенге дейін жан тапсырды. Оның әріптесі Дастан Абдықанов жақын жерде орналасқан ауруханаға өте ауыр жағдайда жеткізілді.

"BMW" жүргізушісі қамауға алынды. Бұл факті бойынша сотқа дейінгі тергеу басталды.  

61
Кілт сөздер:
жол апаты, полицей, Алматы
Тақырып бойынша
Нұр-Сұлтаннан шыға алатындар тізіміне тағы бір санат қосылды
СҚО-да карантинде кедергісіз жүру үшін полицей 1 миллион 300 мың пара алған
Нұр-Сұлтан айналасындағы блок бекеттер қашан алынады
Алматыдағы блок бекеттерге адамдардың не үшін жиналғаны белгілі болды