Безработица

Төтенше жағдай салдары: министрлік жұмыссыздыққа қатысты болжамын бөлісті 

181
Республикада төтенше жағдай жарияланғанға дейін жұмыссыздық деңгейі 4,8% шамасында болған. Министр бұл көрсеткіш жыл соңына дейін қаншаға өсетінін айтты

НҰР-СҰЛТАН, 11 мамыр – Sputnik. Қазақстанда жұмыссыздық деңгейі жыл соңына дейін 5,9%-ке дейін өсуі мүмкін. Бұл туралы еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Sputnik Қазақстан тілшісі. 

Министр еңбек нарығындағы ахуал, ең алдымен, карантиннің жеңілдеуіне және кәсіпорындардың іске қосылуына байланысты болатынын атап өтті. Сонымен қатар экономиканы жандандыру шаралары да өз ықпалын тигізеді. 

"Жұмыспен қамтуды қалпына келтіру процесінің өзі анағұрлым күрделі болады. Десе де, біз еңбек министрлігі деңгейінде болжам жасадық. Егер карантин шараларын жеңілдетудің негізгі көлемі маусым-шілде айларына түссе, жұмыспен қамту толығымен осы жылдың төртінші тоқсанында басталады. Жыл қорытындысы бойынша жұмыссыздық деңгейі 5,9% болуы мүмкін", - деді Нұрымбетов үкімет үйінде өткен онлайн брифингте. 

Тағы оқыңыз: Нұр-Сұлтан қаласында 12 мамырдан бастап қоғамдық көлік жүреді

Ол төтенше жағдай жарияланғанға дейін елімізде жұмыссыздық 4,8% деңгейінде болғанын айтты. 
Еңбек министрлігі биыл 1 миллион 200 мыңнан астам адамды жұмыспен қамтуды жоспарлап отыр.

181
Кілт сөздер:
еңбек және халықты әлеуметтік қорғау министрі, болжам, жұмыссыздық, төтенше жағдай
Тақырып бойынша
Президент төтенше жағдайдан кейін қандай өзгеріс болатынын айтты
Мемлекет басшысы кредит алғандарға қатысты тағы бір тапсырма берді
Тоқаев жоғары жалақы алатындардың салығын арттыруды ұсынды
42 500 теңгені алғандарға мемлекеттік қолдау көрсетіледі
Үкімет жанынан биологиялық қауіпсіздік кеңесі құрылады  
Қасым-Жомарт Тоқаев пен Ахметжан Есімов

Тоқаев Есімовті Ақордаға не үшін шақырды

250
(Жаңартылды 11:41 28.05.2020)
Ахметжан Есімов мемлекет басшысына компанияның қазіргі ахуалы, жекешелендіру бағдарламасының жүзеге асырылу барысы туралы есеп берді

НҰР-СҰЛТАН, 28 мамыр — Sputnik. Қазақстан президенті Қасым-Жомарт Тоқаев "Самұрық-Қазына" ұлттық әл-ауқат қоры" АҚ басқарма төрағасы Ахметжан Есімовті қабылдады, деп хабарлады Ақорда.

Ахметжан Есімов мемлекет басшысына компанияның қазіргі ахуалы туралы баяндады. Айтуынша, дағдарыс пен карантин басталғалы бері "Самұрық-Қазына" компаниялар тобына қарасты өндіруші кәсіпорындарда жұмыс орындарын қысқартуға, еңбекақыны кешіктіруге жол берілмеген.  

"Қор мен компаниялар тобының қаржылық тұрақтылығын күшейту жөніндегі бұған дейін жүргізілген шаралар өткен жылдарда жиналған сыртқы қарызды 8 миллиард долларға азайтуға мүмкіндік берді. Бұл 1 триллион теңге көлемінде қаржы шығынының алдын алуға мүмкіндік берді. Сонымен қатар 1 миллиард доллар болатын күрделі әрі операциялық шығындар оңтайландырылды", - деді Есімов. 

Ақорданың хабарлауынша, қор президенттің сатып алу жүйелері арқылы ел экономикасына қолдау көрсету жөніндегі тапсырмаларын орындайды. Биыл жыл басынан бері "Самұрық-Қазына" компаниялар тобы 250 мыңға жуық адам жұмыс істейтін отандық кәсіпорындарға 9 мың тапсырыс берген. Бұдан бөлек қазақстандық кәсіпорындарды қолдау және жаңа өндіріс орындарын ашу бағдарламасы жүзеге асырылып жатыр.

Кездесуде Ахметжан Есімов Қасым-Жомарт Тоқаевқа жекешелендіру бағдарламасының жүзеге асырылу барысы туралы есеп берді.

Оқи отырыңыз: Індет жұқтырғандар саны артып барады – Тоқаев

 

250
Кілт сөздер:
Ахметжан Есімов, Қасым-Жомарт Тоқаев
Тақырып бойынша
Тоқаев мемлекеттік комиссия құру туралы жарлыққа қол қойды
Тоқаев қазақ тілін тиімді оқытудың әдісін тапты
"Басқа да жігіттер түсінсін" Есімов соңғы кезде неге алаңдап жүргенін айтты
Есімов Назарбаевқа сыртқы қарыз 5,1 миллиард долларға азайғанын хабарлады
"Жауапқа тарту қажет": Тоқаев оқулықтардың сапасы өте төмен екенін айтты
Бизнес, құжаттар

Үйден шықпай-ақ жеке кәсіпкерлік жүргізуді қалай тоқтатуға болады

59
(Жаңартылды 10:30 28.05.2020)
Әлеуметтік төлем бойынша және салық қарызы жоқ азаматтар жеке кәсіпкерлік жүргізуді онлайн режимде тоқтата алады

НҰР-СҰЛТАН, 28 мамыр — Sputnik. Жеке кәсіпкерлер кәсіпкерлік қызметті тоқтатудың жеңілдетілген тәртібін қолдана алады, деп хабарлайды мемлекеттік кірістер комитеті.

Бұл үшін мемлекеттік кірістер комитетінің сайтында салық төлеушінің салық өтінішін толтыру керек.

Үйден шықпай-ақ жеке кәсіпкерлікті қалай жабуға болады

Жеке кәсіпкер не істеуі керек:

  • мемлекеттік кірістер комитетінің сайтында салық қарызын тексеру (бар болса, өтеу);
  • тұрғылықты жері бойынша мемлекетттік кірістер комитетінің аумақтық органдарына кәсіпкерлікті жою есебін электронды түрде беру;
  • кассалық аппарат бар болған жағдайда оны есептен алу туралы салық өтінішін толтыру; 
  • электрондық үкімет порталы арқылы салық өтінішін толтыру немесе тұрғылықты жері бойынша мемлекетттік кірістер комитетінің аумақтық органдарының электронды поштасына жіберу.

Жеке кәсіпкерлікті кімдер онлайн тоқтата алады

Жеңілдетілген режимді қандай кәсіпкерлер қолдана алады: 

  • қосымша құн салығын төлемейтіндер; 
  • бірлескен кәсіпкерлік формасы бойынша жұмыс істемейтіндер;
  • өнім өндірмейтіндер, сатпайтындар: бензин (авиациялықтан басқа), дизель отыны, этил спирті, алкоголь өнімі, темекі өнімі, сондай-ақ, ойын бизнесіне қатысы жоқ болса; 
  • салық және әлеуметтік төлем бойынша қарызы жоқтар.
59
Кілт сөздер:
әлеуметтік төлем, салық, жеке кәсіпкерлер
Тақырып бойынша
"Кетпеңізші деп жалынамыз": кәсіпкер депутаттар алдында жанайқайын жеткізді
Салық, айыппұл мен мемлекеттік қызметтерді QR-код арқылы төлеуге болады
Кәсіпкерлер 1 қазанға дейін салықтан босатылды
Жеке кәсіпкерлерге 6 проценттік кредит беріледі – министр
 Дариға Назарбаева министрге кәсіпкерлердің шағымын жеткізді
тұрғын үй, Нұр-Сұлтан

Әркім қалтасына қарай баспана алады - министрлік жаңа заң әзірлеп жатыр

35
(Жаңартылды 12:11 28.05.2020)
Адамдарды санатқа бөліп, баспанамен қамтамасыз етуден бас тартып, әркімнің жағдайына қарай сатылы жүйе енгіземіз, дейді вице-министр

НҰР-СҰЛТАН, 28 мамыр - Sputnik. Қазақстанда әрбір адамның жағдайына қарай баспана алу тетігі болады. Бұл туралы индустрия және инфрақұрылымдық даму вице-министі Қайырбек Өскенбаев айтты, деп хабарлайды Sputnik Қазақстан тілшісі.

Сенат отырысында депутат Нұрлан Қылышбаев халықты баспанамен қамтуға қатысты маңызды мәселені көтерді. Осы орайда ол индустрия және инфрақұрылымдық даму вице-министі Қайырбек Өскенбаевқа сұрақ қойды.

Оқи отырыңыз: "5-10-20" бағдарламасының шарттары

"Қолданыстағы тұрғын үйді беру ережелерінде "тұрғын-үй жағдайын жақсарту" деген механизм қарастырылған жоқ. Мысалы, жас отбасы, әсіресе, мемлекеттік қызметкерлер бір бөлмелі пәтер алады. Ал төрт-бес жылдан кейін балалары дүниеге келгеннен кейін бір бөлмелі пәтерді екі-үш бөлмеге ауыстыру үшін заңға сәйкес жол жоқ. Министрлік өз жұмысында осы механизмді қарастыру, оны енгізу жоспары бар ма?", - деді Қылышбаев.

Вице-министр Қайырбек Өскенбаевтың айтуынша, бүгінде үй құрылысына қатысты мәселелер "Нұрлы жер" мемлекеттік бағдарламасында қарастырылған. Алайда депутаттың көтерген мәселесі бойынша жаңа заң даярланып жатыр.  

"Сіз көтерген сұрақ бойынша біз жаңа заңды дайындап жатырмыз. Өйткені Қасым-Жомарт Кемелұлының таяуда берген тапсырмасы бар. Әр адам өз деңгейіне қарап, Қазақстан бойынша үй алуға мүмкіндік беретін механизмді табуымыз қажет. Өйткені барлығы бірдей емес. Біреудің жағдайы жақсы, біреудікі орташа. Сол себепті әр қазақстандық өз механизмін таңдауы керек. Ал біз ондай мүмкіндікті беруіміз қажет. "Сіздің жағдайыңызға қарай үй алуға осындай механизм бар, ал сіз үшін осындай" деген сияқты", - дейді Өскенбаев.

Оның сөзіне қарағанда, жаңа заң жобасы үкіметтің талқылауынан өткеннен кейін парламентке ұсынылады. 

"Қазір біз көпбалалы отбасы, мүгедектер деп санат бойынша бөліп жатырмыз ғой. Енді, ондай санаттан кетіп, әрбір адамның жағдайына қарай сатылы жүйені енгіземіз. Мысалы, жағдайы төмен адамдар бар, оларға кредит беруге болмайды. Өйткені табысы аз. Ондай адамдар жалдамалы үймен қамтылады. Ал орташа табысы барларға "Бақытты отбасы" жобасы аясында 2 проценттік кредиттер беріледі. Олардан жағдайы жоғары адамдар үшін 5 процентпен беретін механизмді іске асырамыз", - деп атап көрсетті Өскенбаев.

35
Кілт сөздер:
тұрғын үй, баспана
Тақырып бойынша
Елорда әкімдігі баспана алудың үш жолын атады
"5-10-20" тұрғын үй бағдарламасы шілдеде іске қосылады
Министр "5-10-20" бағдарламасы бойынша кімдер үй алатынын айтты
"5-10-20": отбасының табысы қандай болуы керек?
"5-10-20" жаңа бағдарламасы бойынша қалай үй алуға болады
"7-20-25" және "Баспана Хит" бойынша ипотека алғандарға төлемді шегеруге болады