НұрАлматы әуежайы

Нұр-Сұлтан мен Алматыдан бірқатар қалаға әуе қатынасы жанданды

249
(Жаңартылды 11:08 14.05.2020)
Қазақстанның көліктегі бас санитарлық дәрігері республиканың облыс орталықтарына тек солтүстік және оңтүстік астаналардан ғана ұшуға болатынын атап өтті. Қалған өңірлер арасында тікелей рейстер жоқ

АЛМАТЫ, 14 мамыр – Sputnik. Қазақстанның көліктегі бас мемлекеттік санитар дәрігері Сәдуақас Байғабылов Шымкент, Ақтау және Орал қалаларынан Нұр-Сұлтан мен Алматыға әуе рейстерін жандандыру туралы қаулы қабылдады.

Аталған үш қаладағы эпидемиологиялық жағдай тұрақты деп танылды, сол себепті елдегі екі ірі қаламен байланыс қайта іске қосылды.

Жолаушылардан әлеуметтік қашықтықты сақтау, бетперде тағу және дене қызуын тексерту үшін бақылаудан өтуі талап етілетін болады. Әуежай терминалдарына шығарып салушыларды өткізбейді.

Сәдуақас Байғабылов қайта іске қосылған барлық әуе рейс өңірлерді Нұр-Сұлтан мен Алматы қаласымен байланыстыратынын, бірақ өңірлер арасында тікелей ұшу жоқ екенін атап өтті. Егер азамат батыстан шығысқа барғысы келсе, оған кем дегенде бір рет басқа көлікке ауысып отыруына тура келеді. Бұл елдегі көлік ағынын тежеп, инфекцияның белсенді таралуына жол бермейді. 

Тағы оқыңыз: "Қымбатқа түсті": елордаға алғашқы карантиндік рейс ұшып келді - видео

Айта кетейік, 1 мамырдан бастап Алматы мен Нұр-Сұлтан арасында әуе рейсі іске қосылды. 5 мамырдан бастап Семей, Өскемен, Петропавл, Қызылорда; 11 мамырдан бастап Ақтөбе, Павлодар, Тараз, Қарағанды, Талдықорған, Көкшетау, Қостанай өңірінде ұшақтар қатынайтын болды. 
13 мамырдан бастап Шымкент, Ақтау, Орал,Жезқазған, Балқаш, Үржар және Зайсан қалаларына ішкі әуе рейстері ашылды.

Жолаушыларды төрт қазақстандық әуе компаниясы Air Astana, FlyArystan, SCAT және Qazaq Air тасымалдайтын болады.

249
Кілт сөздер:
әуе қатынасы, қала, Алматы, Нұр-Сұлтан
Тақырып бойынша
Қазақстанда пойыздар қашан жүре бастайтыны белгілі болды
Ұшу жолағындағы төтенше жағдай: ұшақ дөңгелегі жұлынып кетті
Енді ұшақ жолаушыларынан коронавирус анықтамасы талап етілмейді
Есмағамбетова: Ұшақта ешкім науқас адамның жанында отырғысы келмейді
Жасы 85-тен асқан ардагерлер пойызбен тегін жүретін болады
Портфель, архивтегі сурет

Қазақстандық депутаттың заңсыз әрекеті әшкереленді видео

1697
(Жаңартылды 17:55 18.09.2020)
Күдікті үйқамаққа алынды. Сыбайлас жемқорлыққа қарсы іс-қимыл агенттігі депутатты ұстау сәтінің видеосын бөлісті

НҰР-СҰЛТАН, 18 қыркүйек – Sputnik. Сыбайлас жемқорлыққа қарсы іс-қимыл агенттігі Тараз қаласында мәслихат депутатының парамен ұсталғанын мәлімдеді, деп хабарлайды Sputnik Қазақстан тілшісі.

Агенттіктің аса маңызды істер жөніндегі тергеушісі Данияр Биғайдаровтың айтуынша, Жамбыл облысы бойынша сыбайлас жемқорлыққа қарсы қызмет мәслихат депутаты әрі әкімдікке қарасты ЖШС директорына қатысты тергеу шараларын бастады.

"Ол құрылыс-монтаждау жұмыстары мен жалпы қамқорлығы үшін ақшалай қаражатты жедел аударғаны үшін заңды тұлға басшысынан қол астындағы қызметкері арқылы 1,5 миллион теңге сомасында пара алу күдігіне ілінді. Сот күдіктіге қатысты үйқамақ түріндегі бұлтартпау шарасын санкциялады", - деді Биғайдаров онлайн брифингте.

Бұдан бөлек, еңбек, әлеуметтік қорғау және көші-қон комитетінің Жамбыл облыстық департамент басшысына қатысты сотқа дейінгі тергеу басталды. Шенеунік өз орынбасарын қызметке тағайындауға жәрдем көрсеткені үшін 2 миллион теңге сомасында пара алды деп айыпталып отыр.

Тараз қаласының мамандандырылған тергеу соты күдіктіге қатысты үйқамақ түріндегі бұлтартпау шарасын қолдануға шешім шығарды.

1697
Кілт сөздер:
видео, депутат, Қазақстан
Тақырып бойынша
Алматы полициясының лауазымды тұлғасы қылмыс үстінде қолға түсті – видео
Ұлттық ұланның лауазымды қызметкері ұсталды – видео
Облыс әкімінің орынбасары ұсталды – агенттік түсініктеме берді
Нұр-Сұлтанда шенеунікті ұстау сәтінің видеосы жарияланды
Алматыда төрт лауазымды полицей қызметінен қуылды
Мұнай өндіру операторы, архивтегі фото

Қазақстанда мұнай-сервис компанияларына қатысты талаптар өзгеруі мүмкін

61
Осы мәселеге тікелей құзыретті министрлік бұйрық жобасын ұсынды, онда табиғи ресурстарды өндірушілерге арналған бірқатар талап алынып тасталды

НҰР-СҰЛТАН, 18 қыркүйек — Sputnik. Қазақстанда мұнай-сервис компанияларына қатысты талаптар оңтайландырылады. Осы мақсатта энергетика министрлігі тиісті бұйрықтың жобасын әзірледі.

Бұйрық "Тау-кен өндірісін (көмірсутектерді), мұнай-химия өндірісін жобалауға (технологиялық) және (немесе) пайдалануға, көмірсутектер саласындағы магистральды газ құбырларын, мұнай құбырларын, мұнай өнімдері құбырларын пайдалануға берілетін лицензия" деп аталатын мемлекеттік қызмет көрсету қағидалары туралы құжатқа өзгерістер енгізуге мүмкіндік береді.

Жаңа бұйрық бірақатар талапты жоюға негізделген. Оларға мұнай, газ, мұнай-газ конденсатын өндіру кезінде құбырлардың болуы, көмірсутекті кен орындарында зерттеулер мен геофизикалық жұмыстар кезінде екі немесе одан да көп ұңғымалы қондырғылардың болуы, көмірсутекті кен орындарында ұңғымаларды цементтеу кезінде цемент тасығыштың болуы, мұнай қабаттары мен  ұңғымалардың өнімділігін арттыру кезінде сұйықтықты дайындау, айналым және тазарту торабының болуы туралы талаптар жатады.

16 қыркүйекте жоба ашық нормативтік-құқықтық актілер интернет-порталында жарияланды.

61
Кілт сөздер:
мұнай
Зымыран

Ресейде Илон Масктің жобасына ұқсас зымыран жасалады

0
(Жаңартылды 15:50 19.09.2020)
Болашақта бұл әзірлемелер теңіздегі ғарыш айлағынан ұшырылатын орта класты зымыран тасығыштың өнеркәсіптік өндірісінде қолданылады

НҰР-СҰЛТАН, 19 қыркүйек – Sputnik. "Морской старт" қалқымалы ғарыш айлағына иелік ететін S7 компаниялар тобының даму орталығы бірінші сатыдан кері қайтатын жеңіл зымыран-тасығыш жасай бастады.

Бұл тәжірибе жүзетін ғарыш айлағы үшін жаңа зымыран жасауда пайдаланылатын болады деп жоспарланған.

"Біз бірінші сатыдан кері қайтатын екі сатылы сұйық отынды зымыран-тасығышын құруды бастадық", – деп мәлімдеді S7 компаниялар тобының баспасөз қызметі. Бұл туралы РИА Новости хабарлады.

Болашақта бұл әзірлемелер "Морской старт" ғарыш айлағынан ұшырылатын орта класты зымыран-тасығыштың өнеркәсіптік өндірісінде пайдаланылатын болады.

"Морской старт" ғарыш айлағы неліктен ракетасыз қалды

"Морской старт" ғарыш айлағы Украинада болған 2014 жылғы оқиғалардан кейін ракетасыз қалды. Бұл кезге дейін аталған айлақ "Зенит" ракетасымен қамтамасыз етіліп келген.

"Роскосмос" сол кезде "Зениттің" орнын басатын "Феникс" зымыранын (қазіргі "Союз-5" немесе "Иртыш") жасай бастады. Сондықтан да "Роскосмос" S7 тобына "Морской старт" ұшыру айлағын пайдалануды ұсынады. Ал Байқоңырдан ұшырудың алғашқы сынағы 2023 жылға жоспарланған.

Оқи отырыңыз: Ресей Байқоңырдағы жабдықтың бір бөлігін Қазақстанға қайтаруды ұсынды

Тамыз айында Ресей премьер-министрінің орынбасары Юрий Борисов теңіз ғарыш айлағы 2023-2024 жылдары ұшырылымды қайта бастауы мүмкін деп мәлімдеді.

"Морской старт" жобасы туралы не білеміз

"Морской старт" жобасы 1995 жылы құрылған. 2016 жылы оны S7 тобы сатып алды. Ал 2020 жылы аталған кешен АҚШ-тан Ресейге жеткізілді.

0
Кілт сөздер:
"Байқоңыр" ғарыш айлағы, зымыран
Тақырып бойынша
"Союз МС-15" кемесі Қазақстанға қонды
"Байқоңыр" ғарыш айлағы: жұлдыздар әлеміне апарар жол – фото
"Байқоңыр" мерейтойы - ғарыш айлағын дамыту жоспары туралы айтылды
Адамдар ғаламшарды қалай "өлтіріп" жатыр – жаға ұстатарлық 15 фото
Нұр-Сұлтанда Мамин мен "Роскосмос" басшысы Рогозин кездесті