Астана халықаралық қаржы орталығының басқарушы директоры Қайрат Келімбетов

"Біз үшін үлкен сын-қатер": Келімбетов мұнай бағасына қатысты пікір білдірді

502
(Жаңартылды 11:11 22.05.2020)
"Астана" қаржы орталығының басшысы бұрынғы баға, яғни 60 доллар тек келесі жылдың соңында болады деген болжам жасап отыр

НҰР-СҰЛТАН, 22 мамыр – Sputnik. "Астана" халықаралық қаржы орталығының басқарушы директоры Қайрат Келімбетов Brent маркалы мұнайдың бағасына болжам жасады, деп хабарлайды Sputnik Қазақстан.

"Қаржы-экономикалық және эпидемиологиялық дағдарыс алғаш рет қатар келіп отыр. Меніңше, бұрынғы баға, яғни 60 доллар тек келесі жылдың аяғында ғана болатын шығар. Соның өзінде өте қолайлы жағдай болуы керек. Әлі есімде, 2014-2015 жылдары біз бір баррельдің 100 долларға қай кезде көтерілетінін талқылаған едік. Енді, 60 доллардың өзін қанағат етіп отырмыз", - деді Келімбетов РИА Новости агенттігіне берген сұхбатында.

Оның айтуынша, дағдарыстың салдарынан мұнайға деген сұраныс күніне 20 миллион баррельге азайып қалды. Әлемдік экономиканың даму көрсеткіштері күрт төмендеп кетті. Қазіргі болжам бойынша Brent маркалы мұнайдың бағасы 30 доллардан аспайды.

"Қазақстан мен Ресей табиғи ресурстарға бай. Ал мұнай бағасы түсіп кеткеннен кейін кәдімгідей есеңгіреп қалды. Себебі экспорттық табыс азайды, бюджетке және ұлттық әл-ауқат қорларына ақша аз түсе бастады. Біз үшін бұл – үлкен сын-қатер", - деп атап көрсетті Келімбетов.

Қаржы орталығы басшысының сөзіне қарағанда, мұнай бағасының күрт құлдырауына ең алдымен коронавирус пандемиясы себеп болды. Себебі сұраныс төмендеп кетті. Ал шикізатты сақтау қоймалары толып тұр. Осы саладағы бәсекелестік факторы да бар.

Оқи отырыңыз: Үкімет келесі жылы мұнайдан түсетін табысқа иек артпайды – вице-премьер 

"Мысалы, бұрын ОПЕК үстемдігі басым болды, көбінесе осы консорциумының шешімдері мұнай бағасын реттеп отырды. Артынан ОПЕК+ болып кетті. Оған Ресей қосылды. Қазақстан да бақылаушы болып кірді. Енді тақтатас мұнайының факторы қосылды. Естеріңізде болса, АҚШ-та мұнайдың осы түрі алдымен 4-5 миллион баррель болды. Сосын күніне 11 миллион баррельден артық өндіріле бастады. Бұның барлығы мұнай бағасына әсер етеді. Осындайда сұраныс пен ұсыныстың балансын табу оңай емес. Бұл – өте нәзік жұмыс", - дейді Келімбетов.

502
Кілт сөздер:
мұнай бағасы, Қайрат Келімбетов
Тақырып бойынша
Мұнайдың қымбаттауы теңге бағамына қалай әсер етті
Отандық мұнайдың қаншаға сатылып жатқаны айтылды
Brent мұнайының бағасы көтерілді
Азық-түлік бір айда 1,9 процентке қымбаттады – Ұлттық банк төрағасы  
Ақорда ғимараты

Тоқаев мемлекеттік комиссия құру туралы жарлыққа қол қойды

121
(Жаңартылды 19:06 27.05.2020)
Мемлекет басшысы жаңа экономикалық ахуал жағдайында экономикалық өсуді қалпына келтіру жөнінде ұсыныстар әзірлеуді тапсырды

НҰР-СҰЛТАН, 27 мамыр – Sputnik. Қазақстанда экономикалық өсуді қалпына келтіру жөніндегі мемлекеттік комиссия құрылды. Қаулы Ақорда сайтында жариялаған.

"Жаңа экономикалық ахуал жағдайында экономикалық өсуді қалпына келтіру жөнінде ұсыныстар әзірлеу мақсатында мемлекеттік комиссия құруды қаулы етемін", - деп жазылған ақпаратта. 

Премьер-министр Асқар Мамин комиссия төрағасы болады.

Үкімет басшысының бірінші орынбасары Әлихан Смайылов комиссия төрағасының орынбасары.

Ал Ұлттық экономика бірінші вице-министрі Әсет Ерғалиев комиссия хатшысы болады.

Жаңа құрылған комиссия құрамына енген шенеуніктердің толық тізімі Ақорда сайтында жарияланды.

Тағы оқыңыз: Тоқаев шенеуніктерге: ақша мен уақытты босқа жұмсауды доғару керек

Жарлық қол қойылған күнінен бастап қолданысқа енгізіледі.

121
Кілт сөздер:
экономика, жарлық, Қасым-Жомарт Тоқаев
Тақырып бойынша
Тоқаев митинг туралы заңға қол қойды
Бөлінген қаржы қалай игерілуде: Тоқаев есеп комитетінің басшысын қабылдады
Тоқаев дәрі-дәрмек туралы: импортқа тым тәуелдіміз
"Жауапқа тарту қажет": Тоқаев оқулықтардың сапасы өте төмен екенін айтты
Тоқаев қазақ тілін тиімді оқытудың әдісін тапты
Бос жұмыс орындарының жәрмеңкесі, архивтегі сурет

Мұнай саласында үш жарым мың адам жұмыссыз қалды министр

157
(Жаңартылды 14:49 27.05.2020)
Мұнай мен мұнай өнімдеріне сұраныстың төмендеуі қызметкерлердің жұмыссыз қалуына себеп болып отыр

АЛМАТЫ, 27 мамыр – Sputnik. Мұнай компанияларында 3,5 мың адам жұмыссыз қалды. Бұл жайында халыққа есеп беру барысында энергетика министрі Нұрлан Ноғаев мәлімдеді, деп хабарлайды Sputnik Қазақстан тілшісі.

Министрдің айтуынша, қызметкерлердің жұмыссыз қалуына мұнайға деген сұраныстың төмендегені әсер етіп отыр.

"Біздегі мәлімет бойынша, мұнай сервисі саласында үш жарым мыңға жуық адам жұмыссыз қалды. Мемлекет қызметкерлер санының одан әрі қысқармауы үшін бар күш-жігерін жұмсайды", – деді министр.

Ноғаев маусымның соңына дейін ТШО мен басқа да сервистік компания қызметкерлерінен жалақы төленетінін айтты.

"Сонымен қатар мемлекет жүйе құраушы кәсіпорындарды қолдау және салық төлеуге жеңілдік беру бойынша шаралар қабылдап жатыр. Мұнай сервистік компаниялар осы шараларды пайдалана алады", – деді министр.

Оқи отырыңыз: Вирус салдарынан қанша адамның жұмыссыз қалатыны айтылды

Айта кетейік, Қазақстан мұнай өндірісін өткен жылмен салыстырғанда 4,5%-ке азайтуды жоспарлап отыр. Демек, 2020 жылы елімізде 86 миллион тонна мұнай өндіріледі.

157
Кілт сөздер:
жұмыссыздық, жұмысшылар, жұмысшы, жұмыс, мұнай өңдеу зауыты, мұнай
Тақырып бойынша
"Ата-анасы жұмыссыз" Министр 5 баласы бар отбасыны мысалға келтірді
Министр коронавирус салдарынан жұмыссыз қалған адамдарға не істеу керектігін айтты
Денсаулық сақтау министрі жұмыс тәртібіне қатысты кеңес берді
Қазақстанда қанша жас жұмыссыз жүр?
 "Алты ай төлемақы алуға болады": Министр жұмыссыз қалғандарға кеңес берді
Тұрғындар, жаз

Аптап ыстық болады - бейсенбіге арналған ауа райы болжамы

85
(Жаңартылды 23:33 27.05.2020)
Синоптиктер бейсенбі, 28 мамыр күні Қазақстанның алты өңірінде аптап ыстық болып, жел күшейетінін хабарлады

НҰР-СҰЛТАН, 27 мамыр - Sputnik. Қазгидромет синоптиктері бейсенбі күні ауа райы қандай болатынын айтты.

Елдің басым бөлігінде жауын-шашын болмайды. Солтүстік, солтүстік-батыста циклон әсерінен дауыл болып, жауын, бұршақ жаууы мүмкін.

Кей жерлерде жел күшейіп, оңтүстік, оңтүстік-шығыста - шаңды дауыл, солтүстікте - тұман.

Дабылды ескерту

28 мамырда Қызылорда облысында аптап ыстық болады, плюс 41 градус, желдің жылдамдығы - 15-20 м/с, шаңды дауыл.

Алдағы екі күнде Солтүстік Қазақстан облысында тұман болып, күн күркірейді. 29 мамырда күндіз бұршақ жауады, желдің жылдамдығы - 15-20 м/с.

Түркістан облысында шаңды дауыл болады, желдің жылдамдығы - 15-20 м/с. Күндіз сынап бағанасы 40 градусқа дейін көтеріледі.

Өңірлердегі ауа райы

Шығыс Қазақстан, Қарағанды, Қостанай облысында желдің жылдамдығы секундына 15-20 метрге дейін жетеді.

Түркістан, Қызылорда, Ақтөбе облысының оңтүстігінде, Атырау, Батыс Қазақстан, Маңғыстау облысында аптап ыстық болады.

Павлодар, Шығыс Қазақстан, Қызылорда облысында өрт қаупі жоғары болады. 

Ірі қалалардағы ауа райы

Елордада түнде плюс 8-10 градус, күндіз 24-26 градус жылы.

Алматыда түнде 17-19 градус жылы, күндіз сынап бағанасы 28-30 градусқа дейін көтеріледі.

Шымкентте түнде плюс 20-22 градус, күндіз 35-37 градус ыстық.

85
Кілт сөздер:
синоптиктер, ауа райы, мамыр