Мұнай өндіру

Энергетика министрі эпидемия мұнай саласына қалай әсер еткенін айтты

81
(Жаңартылды 13:21 27.05.2020)
Коронавирус індетінен әлемдік экономика тұрақсыз даму жағдайына түсіп, мұнай өнімдеріне сұраныс төмендеген

АЛМАТЫ, 27 мамыр – Sputnik. Энергетика министрі Нұрлан Ноғаев коронавирус індетінің мұнай саласына қалай әсер еткенін айтты, деп хабарлайды Sputnik Қазақстан тілшісі.

Министрдің айтуынша, 2020 жылы мұнай өндірісі өткен жылмен салыстырғанда 4,5%-ке азайған. Бұл әлемде тараған коронавирус инфекциясының өршуімен байланысты.

"Сондықтан жылдық жоспарымызды әлемде қалыптасқан жағдайға сәйкес реттеп, біраз түзету енгіздік. Биыл 90 миллион тонна мұнай өндіру жоспарланған болатын. Алайда, мұнай бағасының құбылып, пандемия кезінде әлемдік экономиканың тұрақсыз дамуына байланысты өндіру көлемін 86 миллион тоннаға, яғни 4,5%-ке төмендеттік", – деді Ноғаев.

Өткен жылы мұнай және конденсат экспортының көлемі 77,2 миллион тоннаны құраған, ал биылғы көрсеткіш 67,5 миллион тонна.

Оқи отырыңыз: "Өте ауыр жағдайға түсеміз": мұнай саласының маманы коронавирустың салдары туралы айтты

Айта кетейік, биыл 17 миллион тонна мұнай өңдеп, 983 мың тонна битум өндіру жоспарланып отыр. Министрдің түсіндіруінше, бұл елімізде жүріп жатқан жол құрылысына үлкен демеу болады.

"Пандемияға байланысты өткен айларда елімізде мұнай өнімдерін тұтыну төмендеп, жанар-жағармайға да сұраныс азайды", – деді Ноғаев.

81
Кілт сөздер:
экономика, Нұрлан Ноғаев, мұнай өңдеу зауыты, мұнай
Тақырып бойынша
Мұнай дағдарысынан кейін газ нарығы қалай өзгереді?
Қазақстан ОПЕК+ келісімі бойынша мұнай өндіруді қысқартуды бастайды
Барреліне бір мың доллар: мұнай дағдарысы қалай аяқталады?
Жанармай импортына салынған тыйым мұнай өңдеу зауыттарына қалай әсер етті
"Біз үшін үлкен сын-қатер": Келімбетов мұнай бағасына қатысты пікір білдірді
құрылыс

Қазақстанда құрылысқа салынатын инвестиция азайды

30
Қазақстанның 13 өңірінде құрылысқа құйылатын инвестиция көлемі қысқарды, деп мәлімдеді сарапшылар

НҰР-СҰЛТАН, 22 қыркүйек – Sputnik. 2020 жылдың қаңтар-тамыз айларында Қазақстанда құрылыс саласындағы негізгі капиталға салынатын инвестиция көлемі 38,5 миллиард теңгені құрады. Бұл 2019 жылдың дәл осы кезеңіндегі көрсеткіштен 45,9%-ке төмен.

Сарапшылардың мәліметі бойынша, бұл осы уақытқа дейінгі ең төменгі рекордтық көрсеткіш болып отыр, деп хабарлайды FinProm.

Инвестицияның азаюы ел аумағының көп бөлігінде – 17 өңірдің 13-інде байқалады. Бірінші орында Атырау облысы тұр, мұнда инвестиция 69,8%-ке, яғни 7 миллиард теңгеге қысқарған.

Бұл ретте, құрылыс секторындағы ауқымды инвестиция Алматыда тіркелген: 7,7 миллиард теңге. Павлодар, Түркістан және Қостанай облыстарында, сондай-ақ, Алматыда инвестициялық өсім байқалған.

Құрылыс саласын қаржыландырудың негізгі көзі – бизнестің жеке қаржысы.

Бұған дейін Қазақстанның индустрия және инфрақұрылымдық даму министрлігі республикадағы құрылыс құнының төмендейтінін хабарлаған болатын. Бұл құрылыс және тұрғын үй-коммуналдық шаруашылық істері комитеті енгізген тетіктердің есебінен жүзеге асырылады.

30
егін ору

Қазақстан Қытайға бидай экспортын ұлғайтуы мүмкін

55
(Жаңартылды 10:17 22.09.2020)
Биыл елімізде 18 миллион тонна астық жиналады деп жоспарланып отыр. Орташа түсім - бір гектардан 12,2 центнер

НҰР-СҰЛТАН, 22 қыркүйек – Sputnik. Биыл Қазақстан Қытайға бидай экспортын ұлғайтуы мүмкін. Бұл туралы ауыл шаруашылығы министрі Сапархан Омаров мәлімдеді, деп хабарлайды Sputnik Қазақстан тілшісі.

"Жаңа маусымда қазақстандық бидай мен ұн дәстүрлі түрде Орта Азия елдері мен Ауғанстан нарығына жөнелтіледі. Астық сапасының жоғары болуынан Қытайға бидай (HI-Pro) экспорты артуы мүмкін", - деді Омаров үкімет отырысында.

Астық жөніндегі халықаралық кеңестің есебіне сәйкес, Ресейде, Канадада, Австралияда астық өндірісінің артуына байланысты 2020 жылы өнім көлемі әлемдік рекордтық деңгейде – 2,2 триллион тонна болады деп бағалануда. 2019 жылы 2,1 триллион тонна болған.

Қазір республикада егін жинау жұмысының 93 проценті аяқталды. Барлығы 18 миллион тонна астық жиналады деп жоспарланып отыр. Орташа түсім бір гектардан 12,2 центнерді құрады.

55
Кілт сөздер:
Қытай, бидай
Архивтегі фото

Коронавирустан бір аптада 28 адам қайтыс болды

22
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

22
Кілт сөздер:
коронавирус
Тақырып:
Коронавирус эпидемиясы
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды