Теңге, архивтегі фото

Стати ісі: Швед соты Қазақстанның пайдасына шешім шығарды

136
Швед сотының шешімі Ұлттық қор активтерінен 83 миллион долларға жуық сомада бұғауды алып тастауға мүмкіндік береді  

НҰР-СҰЛТАН, 17 маусым – Sputnik. Свеаландтың апелляциялық соты Анатол және Габриел Статиге қарсы іс бойынша Қазақстан тарапының пайдасына шешім қабылдады. Бұл туралы Ұлттық банктің баспасөз қызметі хабарлады.

"Швед сотының шешімі Ұлттық қор активтерінен 83 миллион долларға жуық сомада бұғауды алып тастауға мүмкіндік береді және Статидің Қазақстан Республикасына қарсы алқалық шешімді орындатуға тырысуына байланысты ұзаққа созылған соттағы маңызды бөлім болып саналады", - делінген хабарламада.

Бұдан бұрын Англия соты алқалық шешімді алу кезінде Стати тарапынан алаяқтық белгілерін анықтады. Соған қарамастан, Стати 2017 жылы Ұлттық қордың активтеріне бұғау салуға қол жеткізді.

Стати ісі: Брюссель соты ұлттық қор активтерінен бұғауды алып тастады

Швед соттарында істі қарау 2018 жылдан бастап жалғасты. Сотқа салмақты дәйектер мен дәлелдер, оның ішінде Ұлттық банк төрағасының орынбасары Әлия Молдабекованың куәгерлік айғақтары, сондай-ақ Англия, Швед және Қазақстан құқығы бойынша сарапшылардың қорытындылары ұсынылды.

Процеске қатысу үшін "Frank Advokatbyra" әйгілі заң фирмасы тартылды.

Процесс барысында Қазақстан Ұлттық банкі Стати дәлелдерінің негізсіздігін дәлелдеді және активтер БҰҰ-ның 2004 жылдың 2 желтоқсандағы Конвенциясында бекітілген халықаралық құқық қағидаттарына сәйкес абсолютті иммунитетпен қорғалғанын растады.

Швед соты Статиді Ұлттық банкке және Қазақстан Республикасына толық көлемде сот шығыстарын өтеуге міндеттеді. Мұндай шешім Скандинавия мемлекетінің сот тәжірибесінде өте сирек шығарылады.

Еске сала кетейік, 2020 жылдың 22 сәуірінде Англияның Жоғары соты Статидің дәлелдерін жоққа шығарып және Ұлттық банктің BNYM кастодианында Ұлттық банк алдында ғана Ұлттық қор активтеріне қатысты міндеттемелері бар екендігі туралы дәлелдерімен келісіп, Қазақстан тарапының пайдасына шешім шығарған болатын.

136
Кілт сөздер:
экономика, сот
Тақырып бойынша
Ұлттық қордағы 22 млрд долларға қойылған шектеудің күші жойылды
Мәжіліс депутаты Ұлттық қордың ақшасына алаңдаушылық білдірді
Қазақстанда банк салымшыларына қауіп жоқ – Тоқаев
Досаев төтенше жағдай кезінде ұлттық қордағы ақша көбейгенін мәлімдеді
Ұлттық қорды көбейту қажет – Назарбаев
Теңге, ақша

Енді қазақстандықтар үйден шықпай-ақ банктерден кредит ала алады

5356
Жаңа жүйе "бет-әлпетті тану" технологиясы бойынша жұмыс істейді, оның көмегімен төлем картасын да шығаруға болады

НҰР-СҰЛТАН, 30 қыркүйек – Sputnik. Ұлттық банк 1 қазаннан бастап қаржылық қызметтерді алуға арналған қашықтан биометриялық сәйкестендіру жүйесін іске қосады.

"Қазақстан ұлттық банкі 2020 жылдың 1 қазанынан бастап қаржылық қызметтерді алу үшін қашықтан биометриялық сәйкестендіру сервисін өндірістік пайдалануға қосады. Бұл сервисте "бет-әлпетін тану" технологиясын қолдана отырып, қаржы ұйымына бармай-ақ, қаржылық қызметтерді алу мүмкіндігі көзделген", - делінген хабарламада.

Енді қазақстандықтар үйден шықпай-ақ, биометриялық сәйкестендірудің көмегімен банкте шот немесе депозит ашып, төлем карталарын шығара алады, кредит алуға да мүмкіндік бар.

"Қашықтан биометриялық сәйкестендіруді енгізу әлемдегі күрделі эпидемиологиялық жағдай аясында жаңа сын-қатерлерге жауап береді. Қаржы қоғамдастығының сервисті пайдалануы халыққа қашықтан көрсету тәсілімен ұсынылатын қызметтер тізімін кеңейтеді", - деді ұлттық банк төрағасының орынбасары Есжан Біртанов.

Жаңа сервис банктермен қоса, сақтандыру компанияларына, бағалы қағаздар нарығының кәсіби қатысушыларына, төлем және микроқаржы ұйымдарына да қолжетімді.

Ұлттық банк сервисті қаржы нарығының қатысушыларымен бірлесіп әзірледі. Жүйе осы жылдың сәуірінде пилоттық режимде іске қосылған болатын. Осы уақыт ішінде биометриялық сәйкестендіру екінші деңгейлі 11 банкке халыққа 2,8 миллион қызмет көрсетуге мүмкіндік берді.

Жаңа жүйенің операторы – ұлттық банктің еншілес ұйымы "Қазақстан банкаралық есеп айырысу орталығы" РМК.

5356
Кілт сөздер:
кредит, клиенттер, Ұлттық банк
Тақырып бойынша
Ұлттық банк теңгенің әлсіреуіне қатысты мәлімдеме жасады
Ұлттық банк 3 қазаннан кейін кейбір банкноттарды қабылдауды тоқтатады
Ұлттық банк экономикаға қатысты болжамын өзгертті
Ұлттық банк базалық мөлшерлемеге қатысты шешім қабылдады
Ақша, теңге, доллар

Қазақстанның айырбастау пунктерінде доллар қымбаттады

641
Шымкенттің валюта айырбастау пунктерінде долларды 432 теңгеге сатып жатыр. Ал Ұлттық банктің 29 қыркүйектегі ресми бағамы 428,35 теңгені құрады

НҰР-СҰЛТАН, 29 қыркүйек – Sputnik. Қазақстанның валюта айырбастау пунктерінде доллар қымбаттады – қазір ол 430-431 теңгеге сатылып жатыр, деп хабарлайды Sputnik Қазақстан.

Ал Ұлттық банктің 29 қыркүйектегі ресми бағамы 428,35 теңгені құрады. Демалыс және дүйсенбі күндері ұлттық валютаның долларға шаққандағы ресми бағамы 426,32 теңге болған еді.

Нұр-Сұлтан

Kurs.kz мәліметінше, Нұр-Сұлтанның айырбастау пунктерінде доллар орташа есеппен 429,5 теңгеге сатып алынуда, ал 431 теңгеге сатылып жатыр.

Еуроны 500 теңгеге сатып алуға болады, сату бағамы – 505-506 теңге.

Рубль 5,45 теңгеге сатып алынуда, ал 5,70 теңгеге сатылып жатыр.

Алматы

Алматының валюта айырбастау пунктерінде долларды сатып алудың орташа бағамы - 429 теңге, 431 теңгеге сатылып жатыр.

Еуроны 502 теңгеге сатып алуға болады, 505 теңгеге сатылуда.

Рубль 5,45 теңге тұрады, ал 5,55 теңгеге сатылуда.

Шымкент

Шымкентте бір доллар орта есеппен 429,5 теңгеге сатып алынуда, 432 теңгеге сатылып жатыр.

Еуроны 501 теңгеге сатса, 505 теңгеге сатып алады.

Рубльді 5,4 теңгеге сатып алуға болады, сату бағасы – 5,55 теңге.

Мұнай нарығы

Brent маркалы мұнай бүгінгі таңда барреліне 42,71 доллар тұрады, барреліне 0,4%-ке төмендегені байқалып отыр.

WTI маркалы мұнай бағасы  – барреліне 40,41 доллар. "Қара алтын" 0,47%-ке арзандады.

641
Кілт сөздер:
айырбастау, доллар
Махамбет Досмұхамбетов

Атырау облысының әкімі орынбасарының кінәсі дәлелденсе, қызметінен кетуге дайын

0
Әкімнің бірінші орынбасары мен құрылыс басқармасының бастығы 420 мың доллар көлемінде пара алды деген күдікпен ұсталды

НҰР-СҰЛТАН, 30 қыркүйек – Sputnik. Атырау облысының әкімі Махамбет Досмұхамбетов бірінші орынбасары Нұрлан Таубаев шынымен де кінәлі деп танылып, сот үкімі шықса, қызметінен кететінін мәлімдеді.

Әкімнің орынбасары мен құрылыс басқармасының бастығы 182 миллион теңге (420 мың доллардан астам) көлемінде пара алды деген күдікпен ұсталды, деп жазды "Ақ Жайық" басылымы.

"Заң бәріне ортақ. Егер тергеу аяқталып, сот оны кінәлі деп тапса, онда мен заңға сәйкес, отставкаға кетуге дайынмын. Оны қабылдай ма, жоқ па, президент өзі шешеді", - деді әкім Махамбет Досмұхамбетов.

Еске сала кетейік, 2019 жылдың қарашасында "Мемлекеттік қызмет туралы" заңға түзетулер енгізілді, оған сәйкес қарамағындағы қызметкердің кінәсі дәлелденіп, сот үкімі заңды күшіне енгеннен кейін басшы қызметінен кетуге міндетті.   

Оқи отырыңыз: Қазақстанда бірнеше әкім отставкаға кетуге өтініш берді 

Сыбайлас жемқорлыққа қарсы іс-қимыл агенттігі бұған дейін заң аясында қандай қызметкерлер тікелей бағынышты ретінде қарастырылатынын түсіндірген болатын.

0
Кілт сөздер:
отставка, әкім, Атырау облысы
Тақырып бойынша
Білім саласында жемқорлық неге көбейді?
Нұр-Сұлтанда әкім қызметінен кетті
Жезқазғанға жаңа әкім тағайындалды
Тоқаевтың тапсырмасы: облыс әкімінің орынбасары мен аудан әкімі отставкаға кетті