Калькулятор

Қазақстандықтар кредитті шегеру "процентіне" шағымданды - министрлік жауабы

11145
(Жаңартылды 10:32 16.07.2020)
Төтенше жағдай режимі кезінде екінші деңгейлі банктер клиенттерінің кредит төлеу мерзімін кейінге шегерді. Алайда қазақстандықтар бұл үшін қосымша ақша төлейтіні белгілі болды

НҰР-СҰЛТАН, 15 шілде – Sputnik. Әділет министрі Марат Бекетаев банктен кредит төлеу мерзімін шегеруді сұраған қазақстандықтарға министрлік қандай көмек көрсеткенін айтты.

Министр осы мәселеге қатысты көптеген өтініш пен шағым түскенін растады. Ол Әділет министрлігі банк алдындағы қарызды шегеру ісімен айналыспайтынын жеткізді.

"Әділет министрлігі не істей алады? Карантин басталғанда, мұндай істер жеке сот орындаушыларына жеткен кезде,  оларға шоттарды бұғаттау бойынша қатаң шара қолданбау тапсырылды. Бұл тұрғындарды шектемей, қажет заттарды онлайн сатып алуына мүмкіндік беру үшін жасалды", - деді министр.

Марат Бекетаев төтенше жағдай кезінде сот орындаушылар қатаң шараларды қолданбағанын және бұғатталған мүлікті сатудың аукциондық пулы тоқтатылғанын айтты.

Наурызда карантин енгізілген соң Қасым-Жомарт Тоқаев қазақстандық банк иелеріне үндеу жасаған болатын. Ол осы кезеңде тұрғындардың кредит төлеу мерзімін шегеруді сұрады. 

Екінші деңгейлі барлық банктер мұндай мүмкіндік жасады. Алайда шегеру мерзіміне процент есептелді. Банктердің мұндай шешімі жұрттың наразылығын тудырды.

Қазақстанда 16 наурыз - 11 мамыр аралығында төтенше жағдай режимі болды. Ал 2 тамызға дейін карантин шараларының күшейтілген режимі сақталады.

11145
Кілт сөздер:
министрлік, қазақстандықтар, несие
Тақырып бойынша
3 проценттік қолжетімді кредит: президент жаңа қор құруды ұсынды
"Сіздің атыңыздан кредит алады": алаяқтардан қалай қорғану керек
Банк кредит төлемей жүргендердің қарызын 42 500 теңгеден ұстап қала ала ма?
42 500 теңге алғандарға кредит берілмей ме – қаржы министрлігі жауап берді
Қазақстандық кәсіпкерлерге 6%-тік кредит беріледі
Человек открывает дверь

Қазақстанда тұрғын үй арзандады Ибрагимова

3232
(Жаңартылды 21:51 03.08.2020)
"Қазақстанның тұрғын үй құрылыс жинақ банкі" АҚ басшысының пікірінше, Қазақстанда жылжымайтын мүлік бағасының өсуіне ықпал ететін фактор жоқ 

НҰР-СҰЛТАН, 3 тамыз – Sputnik. Элиталық тұрғын үй нарығында баға төмендеді. Бұл туралы "Қазақстанның тұрғын үй құрылыс жинақ банкі" АҚ басқарма төрайымы Ләззат Ибрагимова премьер-министрдің баспасөз қызметіне берген сұхбатында мәлімдеді.

Оқи отырыңыз: Қазақстанда үйленгеніне 3 жыл толмаған жас отбасылар үшін жаңа бағдарлама іске қосылды

"Элиталық тұрғын үй нарығында баға төмендегені байқалады, өйткені өте қымбат пәтерлерге деген сұраныс төмен. Менің ойымша, қайталама тұрғын үй (екінші дәрежелі тұрғын үйлер – Sputnik) нарығында баға төмендеуі мүмкін, өйткені онда бәрі сату жылдамдығына байланысты, яғни, егер сіз қымбат бағаға сатқыңыз келсе, онда сіз ұзақ уақыт жүріп қаласыз", — деп түсіндірді Ибрагимова.

Оның айтуынша, бүгінгі таңда Қазақстанда жылжымайтын мүлік бағасының өсуіне ықпал ететін ешқандай фактор жоқ.

"Сонымен қатар ұзақ мерзімді перспективада сұраныс жоғары болады, өйткені жастар саны артып жатыр", - деп толықтырды спикер.

Ол карантиннен кейін барлық ипотекаға деген қызығушылықтың артқанын атап өтті.

"Маусым айында біз 5 мыңнан астам қарыз бердік. Бұл наурыз, сәуір және мамырдан бастап кейінге қалдырылған сұраныс. Шілде айында да сұраныс аса жоғары болды. Біз сондай-ақ "Бақытты отбасы", "Әскери баспана" бағдарламаларын іске асырып жатырмыз, "5-10-20" өтінімдерін қарауды толықтай тамыз айынан бастаймыз", - деп түйіндеді банк басшысы.

3232
Кілт сөздер:
тұрғын үй, баспана
Тақырып бойынша
Ақтөбеде "Нұрлы жермен" салынған жаңа үйге қатысты дау шықты
Баспана алу тәртібі қалай өзгерді: "сатылы жүйенің" ерекшелігі қандай?
"833 мың жетпейді": сенат төрағасы қандастарды мазалайтын үш мәселені атады
Қазақстандықтарға 6%-тік ипотека беріледі: ол үшін не істеу керек
Архивтегі фото

42 500 теңге: 2,1 миллионнан астам қазақстандық ақша алды

57
(Жаңартылды 20:36 03.08.2020)
Әлеуметтік төлемнің басым бөлігі проактивті форматта тағайындалды, сондай-ақ өтініштер Egov.kz порталы, telegram-боттар, 42500.enbek.kz порталы арқылы берілген

НҰР-СҰЛТАН, 3 тамыз – Sputnik. Еңбек және халықты әлеуметтік қорғау министрлігі шілде айында шектеу шараларын енгізуге байланысты табысынан айырылған жағдайда Мемлекеттік әлеуметтік сақтандыру қорынан ең төменгі жалақы – 42 500 теңге мөлшерінде біржолғы төлем тағайындауға азаматтардан 2,4 миллион өтініш қабылдады.

"Төлем 2 миллион 140 мың адамға тағайындалды. Ақшалай қаражат 2,1 миллион қазақстандыққа аударылды", - деп хабарлады еңбек министрлігі.  

Төлем алуға өтінімдер бірнеше арна арқылы қабылданады. 2,4 миллион өтінімнің ішінде 833,8 мың адам проактивті форматта төлем тағайындауға келісім берді.

"Тағы 604,4 мың адам Egov.kz порталы және telegram-боттар, 342,8 мың адам 42500.enbek.kz порталы, 625,2 мың адам екінші деңгейдегі банктердің мобильдік қосымшалары мен интернет-ресурстары арқылы өтініш берген", - деп нақтылады ведомство.

Оқи отырыңыз: Министрлік тамыз айында кімдер 63 мың теңге алатынын айтты 

Азаматтардың санаттары бөлінісінде 833,8 мың өтініш бірыңғай жиынтық төлем төлеушілерден берілді.

Жұмыс берушілер жалдамалы қызметкерлері үшін 202,8 мың өтініш берді.

Қалған 1 миллион 369,6 мың өтініш азаматтардың басқа санаттарынан келіп түсті – жеке кәсіпкерлер, жеке практикамен айналысатын адамдар, азаматтық-құқықтық сипаттағы шарттар бойынша табыс алатын жеке тұлғалар.

 Өтініш 2020 жылдың 1 қыркүйегіне дейін қабылданады.

57
Тақырып:
Төтенше жағдай және карантин
Тақырып бойынша
Үкімет тамыз айына 42 500 теңге қалай төленетінін түсіндірді
Депутат 42 500 теңге төлеуге қатысты тың ұсыныс жасады
"Қалай құдайдан қорықпайды?": Әбілдина кімге сенуге болмайтынын айтты
Қазақстанда 1 тамыздан бастап не өзгереді
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды