Беларусь премьер-министрі Роман Головченко

Қазақстанмен тауар айналымды бір миллиард долларға жеткізуге болады Беларусь премьері

151
(Жаңартылды 19:08 17.07.2020)
Головченконың айтуынша, қазіргі кезде пандемияға байланысты іскерлік белсенділіктің бәсеңдеуі аясында сауда көлемі аздап төмендеген

НҰР-СҰЛТАН, 17 шілде – Sputnik. Беларусь премьер-министрі Роман Головченко Қазақстанмен тауар айналымын бір миллиард доллар деңгейіне дейін жеткізуге болады деп санайды. Бұл туралы ол Еуразиялық үкіметаралық кеңес аясында Қазақстан премьер-министрі Асқар Маминмен кездесуінде мәлімдеді. 

"Сауда статистикасы мемлекет басшылары белгілеген бір миллиардтық тауар айналымына қол жеткізуге болатындығын нақты көрсетіп отыр, біз оған жақынбыз. Әрине, биыл пандемияға байланысты іскерлік белсенділіктің бәсеңдеуі аясында сауда көлемі аздап төмендеді, бірақ бұл алаңдаушылық тудырмайды", – деді Головченко.

Ендігі жерде бұл төмендеу ұзаққа созылмауы үшін күш-жігерді шоғырландыру қажет деп санайтынын білдірген Головченконың сөзін Беларусь премьер-министрінің баспасөз қызметі жария етті. 

Оның айтуынша, Беларусь өзара сауданы тең шарттарда кеңейтуді мақсат етеді және бірлескен ынтымақтастық жобалар қызығушылық танытады.

Бұған дейін Қазақстанның премьер-министрі Асқар Мамин Еуразиялық үкіметаралық кеңестің отырысына қатысу үшін Минскіге келген болатын. 

Саммитке Ресей, Қазақстан, Армения, Беларусь, Қырғызстан, сондай-ақ ЕАЭО-да бақылаушы мәртебесіне ие Молдова үкімет басшысы қатысуда.

151
Кілт сөздер:
Беларусь, Асқар Мамин, үкіметаралық келісім
Тақырып бойынша
"Жағдай күрделі": Мамин әкімдер мен министрлерге бірқатар тапсырма берді
Мамин 42 500 теңге кімдерге төленетінін айтты
Мамин Минск қаласына не үшін барғаны белгілі болды - видео
Еуразиялық үкіметаралық кеңес отырысы - тікелей трансляция
Мамин пандемия кезінде бизнеске қандай қолдау көрсетілетінін айтты
Человек открывает дверь

Қазақстанда тұрғын үй арзандады Ибрагимова

2468
(Жаңартылды 21:51 03.08.2020)
"Қазақстанның тұрғын үй құрылыс жинақ банкі" АҚ басшысының пікірінше, Қазақстанда жылжымайтын мүлік бағасының өсуіне ықпал ететін фактор жоқ 

НҰР-СҰЛТАН, 3 тамыз – Sputnik. Элиталық тұрғын үй нарығында баға төмендеді. Бұл туралы "Қазақстанның тұрғын үй құрылыс жинақ банкі" АҚ басқарма төрайымы Ләззат Ибрагимова премьер-министрдің баспасөз қызметіне берген сұхбатында мәлімдеді.

Оқи отырыңыз: Қазақстанда үйленгеніне 3 жыл толмаған жас отбасылар үшін жаңа бағдарлама іске қосылды

"Элиталық тұрғын үй нарығында баға төмендегені байқалады, өйткені өте қымбат пәтерлерге деген сұраныс төмен. Менің ойымша, қайталама тұрғын үй (екінші дәрежелі тұрғын үйлер – Sputnik) нарығында баға төмендеуі мүмкін, өйткені онда бәрі сату жылдамдығына байланысты, яғни, егер сіз қымбат бағаға сатқыңыз келсе, онда сіз ұзақ уақыт жүріп қаласыз", — деп түсіндірді Ибрагимова.

Оның айтуынша, бүгінгі таңда Қазақстанда жылжымайтын мүлік бағасының өсуіне ықпал ететін ешқандай фактор жоқ.

"Сонымен қатар ұзақ мерзімді перспективада сұраныс жоғары болады, өйткені жастар саны артып жатыр", - деп толықтырды спикер.

Ол карантиннен кейін барлық ипотекаға деген қызығушылықтың артқанын атап өтті.

"Маусым айында біз 5 мыңнан астам қарыз бердік. Бұл наурыз, сәуір және мамырдан бастап кейінге қалдырылған сұраныс. Шілде айында да сұраныс аса жоғары болды. Біз сондай-ақ "Бақытты отбасы", "Әскери баспана" бағдарламаларын іске асырып жатырмыз, "5-10-20" өтінімдерін қарауды толықтай тамыз айынан бастаймыз", - деп түйіндеді банк басшысы.

2468
Кілт сөздер:
тұрғын үй, баспана
Тақырып бойынша
Ақтөбеде "Нұрлы жермен" салынған жаңа үйге қатысты дау шықты
Баспана алу тәртібі қалай өзгерді: "сатылы жүйенің" ерекшелігі қандай?
"833 мың жетпейді": сенат төрағасы қандастарды мазалайтын үш мәселені атады
Қазақстандықтарға 6%-тік ипотека беріледі: ол үшін не істеу керек
Архивтегі фото

42 500 теңге: 2,1 миллионнан астам қазақстандық ақша алды

47
(Жаңартылды 20:36 03.08.2020)
Әлеуметтік төлемнің басым бөлігі проактивті форматта тағайындалды, сондай-ақ өтініштер Egov.kz порталы, telegram-боттар, 42500.enbek.kz порталы арқылы берілген

НҰР-СҰЛТАН, 3 тамыз – Sputnik. Еңбек және халықты әлеуметтік қорғау министрлігі шілде айында шектеу шараларын енгізуге байланысты табысынан айырылған жағдайда Мемлекеттік әлеуметтік сақтандыру қорынан ең төменгі жалақы – 42 500 теңге мөлшерінде біржолғы төлем тағайындауға азаматтардан 2,4 миллион өтініш қабылдады.

"Төлем 2 миллион 140 мың адамға тағайындалды. Ақшалай қаражат 2,1 миллион қазақстандыққа аударылды", - деп хабарлады еңбек министрлігі.  

Төлем алуға өтінімдер бірнеше арна арқылы қабылданады. 2,4 миллион өтінімнің ішінде 833,8 мың адам проактивті форматта төлем тағайындауға келісім берді.

"Тағы 604,4 мың адам Egov.kz порталы және telegram-боттар, 342,8 мың адам 42500.enbek.kz порталы, 625,2 мың адам екінші деңгейдегі банктердің мобильдік қосымшалары мен интернет-ресурстары арқылы өтініш берген", - деп нақтылады ведомство.

Оқи отырыңыз: Министрлік тамыз айында кімдер 63 мың теңге алатынын айтты 

Азаматтардың санаттары бөлінісінде 833,8 мың өтініш бірыңғай жиынтық төлем төлеушілерден берілді.

Жұмыс берушілер жалдамалы қызметкерлері үшін 202,8 мың өтініш берді.

Қалған 1 миллион 369,6 мың өтініш азаматтардың басқа санаттарынан келіп түсті – жеке кәсіпкерлер, жеке практикамен айналысатын адамдар, азаматтық-құқықтық сипаттағы шарттар бойынша табыс алатын жеке тұлғалар.

 Өтініш 2020 жылдың 1 қыркүйегіне дейін қабылданады.

47
Тақырып:
Төтенше жағдай және карантин
Тақырып бойынша
Үкімет тамыз айына 42 500 теңге қалай төленетінін түсіндірді
Депутат 42 500 теңге төлеуге қатысты тың ұсыныс жасады
"Қалай құдайдан қорықпайды?": Әбілдина кімге сенуге болмайтынын айтты
Қазақстанда 1 тамыздан бастап не өзгереді
Бала, ойыншық

Алматыда полицейлер екі баланы түні бойы іздеді

0
Балалар дүйсенбі күні таңертең табылды. Олар түнді шағын дәмхананың қасында өткізгені белгілі болды. Екеуі де үйден кету себебін айтқысы келмеді

НҰР-СҰЛТАН, 3 тамыз – Sputnik. Алматыда 11 және 8 жастағы екі ағайынды үйден кетіп, қайта оралмаған. Балаларды 30 полицей мен 15 кинолог іздеді. Алты сағаттан кейін балалар аман-сау табылды.

Екі ағайындының жоғалып кеткені туралы хабарлама полицияға түнгі сағат 01:45-те түсті, деп хабарлайды Polisia.kz порталы.

Оқи отырыңыз: Түркістан облысында үш бала тауда адасып кетті, біреуі жардан құлаған 

Ата-анасы балалар үйден кетіп, қайтып оралмағанын айтқан, бірақ бұған дейін ондай әрекет жасамаған.  

Дереу криминалдық полиция қызметкерлері, учаскелік инспекторлар, ювеналды полиция өкілдері мен тергеу-жедел тобының қызметкерлерінен арнайы іздеу тобы құрылды. Сондай-ақ, балаларды іздеуге 15 кинолог тартылды.

"Ең алдымен, үйдің жанындағы аумақты, жақын жерде орналасқан жыра-сайды тексердік, көршілерден сұрастырдық. Қалай болғанда да, біз жақсы нәтижеге қол жеткізуді көздедік", - дейді Алатау ауданы полиция басқармасының бастығы Ілияс Өмірсеріков.  

Ол балалар сағат 07:35-те табылғанын атап өтті. Ағайындылар түнді шағын дәмхананың қасында өткізгені белгілі болды. Балалар бір-бірін мықтап ұстап алыпты. Олар үйден неліктен кеткенін айтқысы келмеген.

Полиция қызметкерлері олардың тұрмысын, отбасылық тәрбиені міндетті түрде тексеріп, ата-анасымен жұмыс істейтіндерін жеткізді. Олар балалар себепсіз үйден кетіп қалмайды деп есептейді.  

0
Кілт сөздер:
балалар, Алматы
Тақырып бойынша
Атырауда үйдің ауласынан 6 жасар қыздың денесі табылды
Түлкібас ауданында 6 ай бұрын жоғалған оқушының не істеп жүргені анықталды
Алматыда әкім іздеу салған оқушы табылды
Атырауда бір жарым жасар сәби жоғалып кетті
Ақмола облысында жоғалған жасөспірімнің 9 жыл бойы қайда жүргені белгілі болды