Беларусь Республикасының Қазақстандағы елшілігі

Қазақстан мен Беларусь арасындағы тауар айналымы төмендей ме?

43
Сауда және интеграция министрі Бақыт Сұлтановтың айтуынша, екіжақты міндеттемелер орындалады

НҰР-СҰЛТАН, 20 тамыз – Sputnik. Сауда және интеграция министрі Бақыт Сұлтанов Беларусьпен арадағы сауда айналымына қатысты пікір білдірді, деп хабарлайды Sputnik Қазақстан тілшісі.

Орталық коммуникациялар қызметінде өткен онлайн брифингте тілшілер министрден Қазақстан мен Беларусь арасындағы сауда айналымы туралы сұрады. "Беларусь Республикасымен арадағы тауар айналымы төмендейді деген болжам жоқ па?", - деп сұрады журналистер.

Министр болжам жасай алмайтынын жеткізді. Бірақ екіжақты тауар айналымына әсер ететінін факторлардың көп екенін айтты.

"Факторлар көп, бірақ келісімшарттардың орындалмауына себеп болмайды деген үміттеміз", - деп жауап берді Сұлтанов.

Сондай-ақ, тілшілер Беларусь жұмысшыларының ереуілдері бірлескен кәсіпорындардың жұмысына қалай әсер ететінін сұрады. Министр Қазақстан мен Беларусьтің бірлескен өндірістері бойынша барлық ақпартты тексеріп, артынан жауап беретінін жеткізді.

Айта кетейік, сауда және интеграция министрлігінің ақпараты бойынша бірінші жартыжылдықта Қазақстанның сыртқы сауда айналымы 7,4 процентке төмендеді. Ал Еуразиялық одақтың ішінде бұл көрсеткіштің төмендеуі одан да көп болып тұр. Одақ аясында Қазақстанның сыртқы саудасы 10 процентке азайып отыр.

Беларусьтегі наразылықтар мен ереуілдер

9 тамызда Беларусь Республикасында өткен президент сайлауынан кейін оппозицияның жаппай наразылық акциялары басталып кетті. Орталық сайлау комиссиясының мәліметі бойынша Александр Лукашенко дауыстың 80,1 процентін жинады. Ал оппозиция сайлауда Светлана Тихановская жеңді деп санайды. 

Алғашқы күндері күш құрылымдары акцияларды басып отырды. Тәртіп сақшылары көшеге шыққандарға қарсы жас ағызатын газ, суатқыштар, резеңке оқтар және тағы басқа құралдары пайдаланды. Артынан күш қолдануды тоқтатты. Митингтер бейбіт тұрғыда өте бастады. Ресми мәліметке сәйкес, бастапқыда 6,7 мыңнан астам адам қамауға алынған.

Ішкі істер министрлігі жүздеген адамның жарақат алғанын хабарлады. Олардың ішінде ішкі істер органдарының 120 қызметкері бар. Беларусь денсаулық министрлігі таратқан ақпарат бойынша екі адам көз жұмды.

Ал 13 тамызда өнеркәсіп кәсіпорындарында ереуілдер басталды.

43
Мемлекет басшысы Қасым-Жомарт Тоқаев КСМ Техновид ЖШС кәсіпорнына барды

Президентке құрылыс материалдары өндірісінің технологиялық процесі көрсетілді

28
(Жаңартылды 17:28 25.09.2020)
Тоқаев Алматының Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты

НҰР-СҰЛТАН, 25 қыркүйек – Sputnik. Мемлекет басшысы Қасым-Жомарт Тоқаев Алматыға жасаған жұмыс сапары аясында "КСМ Техновид" ЖШС  кәсіпорнына барды, деп хабарлады Ақорданың баспасөз қызметі.  

"Мемлекет басшысы қаланың Индустриялық аймағында орналасқан энергия үнемдейтін сәулеттік қасбеттер зауытының жұмысымен танысты", - делінген хабарламада.

Президентке кәсіпорынның өнімдері таныстырылып, құрылыс материалдары өндірісінің технологиялық процесі көрсетілді. Мұнда 250-ден астам адам жұмыс істейді.

Оқи отырыңыз: Коронавирустың екінші толқынына дайын болайық – Тоқаев

Компанияның жобаға салған жеке инвестициясы 3,8 миллиард теңге. Зауыттың қуаттылығы жылына 475 мың шаршы метр шыныпакет шығаруға жетеді.

Сондай-ақ мемлекет басшысына Алматы индустриялық аймағының жағдайы мен даму перспективалары туралы айтылды. Мұнда жыл аяғына дейін құны 85 миллиард теңге болатын 10 жобаны жүзеге асыру жоспарланып отыр.

28
Кілт сөздер:
Алматы, президент, құрылыс
Тақырып бойынша
Тоқаев жарлыққа қол қойды
Қазақстанда өнеркәсіпті дамыту қоры құрылды
Қазақстанда жалпыұлттық сауалнама басталды
Тоқаев жұмыс сапарымен Алматыға барды
Олжас Құдайбергенов

Тоқаевтың бұрынғы кеңесшісі экономика министрлігіне жұмысқа орналасты

55
(Жаңартылды 15:43 25.09.2020)
Бұған дейін Құдайбергенов жеті ай бойы мемлекет басшысының экономика жөніндегі штаттан тыс кеңесшісі болып жұмыс істеді

НҰР-СҰЛТАН, 25 қыркүйек – Sputnik. Экономист Олжас Құдайбергенов жаңа қызметке орналасты. Ол Қазақстанның экономика министрлігі жанындағы басқарушы кеңестің төрағасы болып тағайындалды.

Бұл туралы мемлекеттік басқарудың жай-күйі мен болашағы талқыланған экономика министрлігі жанындағы басқарушы кеңестің отырысында белгілі болды. Ведомство басшысы Руслан Дәленов кеңестің негізгі міндеттерін түсіндірді. Ол министрліктің қызметін бағалап, жетілдіру бойынша ұсынымдық шешімдер әзірлейді.

Басқарушы кеңестің төрағасы болып экономист, Қазақстан президенті жанындағы әлеуметтік-экономикалық реформалардың мониторингін талдау орталығының мүшесі Олжас Құдайбергенов сайланды.

Кездесуге қатысушылар қойылған міндеттерді өнімді шешу үшін мемлекеттік органдардың кадрлық әлеуетін жетілдіруді ұсынды.

Ал Дәленов ұсынылған шараларды жүзеге асырудың тетіктері жаңа экономикалық саясаттың негізгі бағыттары бойынша нәтижеге қол жеткізуге бағытталатынын хабарлады.

Сынақ мерзімінен өтпеді: Молдағасымова тағы да жұмыссыз қалды 

Бұған дейін Руслан Дәленов президенттің кадрлық резервінде тұрған мамандармен кездесуінде басқарушы кеңес құрылатынын мәлімдеп, ол жерге кадр резервінің өкілін енгізуді ұсынған болатын.

Еске сала кетейік, 20 шілдеде Олжас Құдайбергенов президенттің экономика жөніндегі штаттан тыс кеңесшісі қызметінен босатылды.

55
Кілт сөздер:
экономика, Қасым-Жомарт Тоқаев
Тақырып бойынша
Құдайбергеновтің президент кеңесшісі қызметінен неге босатылғаны белгілі болды
Тоқаевтың кеңесшісі пневмония мен COVID-ке қатысты жазба жариялады
Тоқаев кеңесшісін қызметінен босатты
Тоқаевтың кеңесшісі 2 миллионға жуық қазақстандық коронавирус жұқтырғанын айтты
Диктофон

Релизден бас тарту керек кәсіби PR маманының лайфхактары

0
SputnikPro сарапшысы онлайнды дамыту, ерекшеленуден қорықпау, адамдарға сену – БАҚ-ты алға жылжытудың негізгі ерекшелігі екенін айтады  

НҰР-СҰЛТАН, 25 қыркүйек – Sputnik. "Россия сегодня" медиа тобы баспасөз қызметінің жетекшісі Анна Старкова көрші елдердің журналистеріне неліктен релиз жазудан бас тарту керектігін айтып берді.

Бұған дейін бұқаралық ақпарат құралдары іс-шараның ақпараттық серіктесі бола отырып, өзінің логотипін түрлі алаңдарда орналастыратын. Пандемия кезінде жағдай өзгерді. Өзін-өзі таныту үшін медиа топтың баспасөз қызметі ерекше кейстерді ойластыра бастаған.

Сарапшының бірінші ұсынысы: стандартты релиздерді жазу тәжірибесінен бас тарту.

"Адамдармен оларға түсінікті тілде сөйлесу керек. Кері байланыс орната бастасаңыз, ол нарықтың ойыншысы болсаңыз, сізді тыңдайды, сізге келіп, оқи бастайды", - деп санайды Старкова.

Сарапшының келесі кеңесі – бұқаралық ақпарат құралдары онлайнды ғана дамытпау керек.

"Мұны пандемия кезінде істей бастадық. Біз барлығы дерлік интернетті қолданатын әлемде өмір сүріп жатырмыз", - деп атап өтті маман.

Қазір, оның айтуынша, әлеуметтік желілердегі және мессенджерлердегі анонимділік танымал болудан қалып барады.

"Бізді ("РИА Новости" ХАА Телеграм каналы) оқи бастады, өйткені РИА Новости, мысалы, Лукашенконың инаугурациясында не болғанын айтты. Сол кезде ол жаңалыққа айналады, бұл тексерілген ақпарат. Шын мәнінде болған нәрсе, сыбыс емес", - деп атап өтті Старкова.  

Сарапшының тағы бір ұсынысы – ерекшеленуден қорықпау. Баспасөз қызметі пандемия жағдайында "трендтерді қарап, оларды батыл түрде пайдаланған".

"Сізбен бірге жұмыс істейтін адамдарға сенім арту керек, өйткені ең алдымен біреумен араласуың керек. Оларды алға жылжытуың керек, нәтижесінде сіздің брендіңіз алға жылжиды", - деп сендірді Старкова.

Кәсіби PR маманының бесінші кеңесі – дос болу.

"Бұл, шынын айтқанда, ең маңызды кеңес. Басқа ақпарат құралдарымен, баспасөз қызметтерімен, тіпті бәсекелестермен де достасу керек. Кофеге шақырыңыз, бранчи жасаңыз, лайфхактармен бөлісіңіз. Бұл бәріне қатысты", - деп есептейді ол.  

SputnikPro білім беру жобасының жиырма бірінші онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0