Супермаркет, архивтегі сурет

Алматыда сұранысқа ие бес тауардың бағасы төмендеді

2849
(Жаңартылды 20:02 20.08.2020)
Тамыз айының басынан бастап жүргізілген жедел шаралардың арқасында әлеуметтік маңызы бар азық-түлік қатарындағы бес тауардың бағасы арзандады

НҰР-СҰЛТАН, 20 тамыз – Sputnik. Алматы қаласының кәсіпкерлік және инвестициялар басқармасы басшысының орынбасары Қарлығаш Әбдіжаббарова азық-түлік бағасын төмендету шаралары туралы айтып берді, деп хабарлайды Sputnik Қазақстан тілшісі.

Бес тауардың бағасы төмендеді 

"Ең алдымен, әлеуметтік маңызы бар азық-түлік тауарларының бағасын тұрақтандыру мәселесінің Алматы қаласы әкімдігінің ерекше бақылауында тұрғанын атап өткім келеді. Бағаларды ұстап тұру үшін кешенді шаралар қабылданады", - деді Әбдіжаббарова онлайн брифингте. 

Оның айтуынша, аудандық әкімдіктерімен бірлесіп, апта сайын негізгі 29 сауда нысанында (сауда желілері, базарлар, Алтын Орда) әлеуметтік маңызы бар азық-түліктің бағасына мониторинг жасалып, түсіндіру жұмысы жүргізіледі. Ал бағаны негізсіз өсіру анықталса, басқа тауар жеткізушілердің қызметі ұсынылады.

Осылайша, тамыз айының басынан бастап жүргізілген жедел шаралардың арқасында әлеуметтік маңызы бар азық-түлік қатарындағы 5 тауардың бағасы төмендетілді. Олар -  күріш ("Сары-Арқа", "Көк Базар", "Арыстан"), картоп ("Көк базар", "Тоймарт", "Carefood"), пияз ("Сары-Арқа", "Көк базар"), қант ("Саудакент", "Жаңа Ақбұлақ") және қарақұмық жармасы ("Көк базар", "Алматы-1"). 

Карантинде атқарылған шаралар

Қала әкімдігі карантин кезінде бақылау шараларын жүргізіп, бірқатар тауар бойынша бағаны тұрақтандыруға күш салды.

  • сәуірде азық-түліктің 9 атауы бойынша баға төмендетілді. Олар: ұн, қарақұмық жармасы, құс еті, сүт, айран, ірімшік, жұмыртқа, қырыққабат пен тұз өнімдері;
  • мамырда 6 түрі: сиыр еті, құс еті, сүт, айран, қырыққабат пен тұз өнімдері;
  • маусымда азық-түліктің 10 түрі: күріш, қарақұмық жармасы, сиыр еті, айран, ірімшік, жұмыртқа, картоп, пияз, сәбіз бен қант өнімдері;
  • шілде айында 7 түрі: сүт, айран, ірімшік, жұмыртқа, картоп, сәбіз, пияз бен қант өнімдері;
  • тамыз айының басынан бері азық-түліктің 6 түрі: күріш, сүт, айран, картоп, сәбіз бен пияз бойынша бағалар төмендетілді.

Бағаны реттеу

Әбдіжаббарованың айтуынша, карантиндік шаралар енгізілген сәттен бастап өңірлерден ауылшаруашылығы өнімдерін қаланың сауда желілеріне тікелей жеткізу мәселесі пысықталды. Атап айтқанда, Түркістан облысынан 300 тоннадан астам қырыққабат, Қызылорда облысынан 850 тонна күріш және Ақмола облысынан 350 тонна макарон өнімдері жеткізілді. Оған қоса, басқа аймақтардан көкөніс жеткізу жұмысы атқарылуда.

Бұдан бөлек, қаланың 250 сауда нысанына бекітілген бағамен (1850 тг/кг), сиыр етін жеткізу ұйымдастырылды. Жылдың соңына дейін осы өнім 500 сауда нысанына жеткізіледі. 

Қазіргі кезде арнайы меморандумдар аясында 27 сауда нысандарымен әлеуметтік маңызы бар азық-түлік тауарларының бағасына қойылатын сауда үстемесін (үстеме бағасын) 15%-дан асырмай сақталуына мониторинг жүргізіледі.

Әлеуметтік маңызы бар азық-түлік өндірушілеріне субсидиялау түрінде мемлекеттік қолдау да көрсетіледі. Ал мемлекеттік қолдау алатын қаланың өндіруші-кәсіпорындарымен (Масло Дел ЖШС, "Молочный завод Солнечный","BRB APK", 4 наубайхана) жылдың соңына дейін өндірілген өнімге бағаны бекіту туралы келісімдер жасалды.

"Жүйелі және жедел шаралар қабылдаудың арқасында, карантин режіміне қарамай, қала әкімдігі азық-түлік тауарларының бағалары тұрақтандырылуда. Жұмыс жалғасуда және ерекше бақылауда тұр", - дейді Әбдіжаббарова.

2849
Кілт сөздер:
баға, азық-түлік, Алматы
Тақырып бойынша
Қазақстан азық-түлік бағасын бақылаудың жаңа деңгейіне өтеді – Мамин
Мемлекет басшысы азық-түлік бағасына қатысты тапсырма берді 
Үкімет азық-түлік бағасын қазақстандықтардың көмегімен бақылауы мүмкін
Министр қазақстандықтарға 60 млн теңге қайтарылатынын айтты
Қазақстан мен Беларусь арасындағы тауар айналымы төмендей ме?
құрылыс

Қазақстанда құрылысқа салынатын инвестиция азайды

16
Қазақстанның 13 өңірінде құрылысқа құйылатын инвестиция көлемі қысқарды, деп мәлімдеді сарапшылар

НҰР-СҰЛТАН, 22 қыркүйек – Sputnik. 2020 жылдың қаңтар-тамыз айларында Қазақстанда құрылыс саласындағы негізгі капиталға салынатын инвестиция көлемі 38,5 миллиард теңгені құрады. Бұл 2019 жылдың дәл осы кезеңіндегі көрсеткіштен 45,9%-ке төмен.

Сарапшылардың мәліметі бойынша, бұл осы уақытқа дейінгі ең төменгі рекордтық көрсеткіш болып отыр, деп хабарлайды FinProm.

Инвестицияның азаюы ел аумағының көп бөлігінде – 17 өңірдің 13-інде байқалады. Бірінші орында Атырау облысы тұр, мұнда инвестиция 69,8%-ке, яғни 7 миллиард теңгеге қысқарған.

Бұл ретте, құрылыс секторындағы ауқымды инвестиция Алматыда тіркелген: 7,7 миллиард теңге. Павлодар, Түркістан және Қостанай облыстарында, сондай-ақ, Алматыда инвестициялық өсім байқалған.

Құрылыс саласын қаржыландырудың негізгі көзі – бизнестің жеке қаржысы.

Бұған дейін Қазақстанның индустрия және инфрақұрылымдық даму министрлігі республикадағы құрылыс құнының төмендейтінін хабарлаған болатын. Бұл құрылыс және тұрғын үй-коммуналдық шаруашылық істері комитеті енгізген тетіктердің есебінен жүзеге асырылады.

16
егін ору

Қазақстан Қытайға бидай экспортын ұлғайтуы мүмкін

51
(Жаңартылды 10:17 22.09.2020)
Биыл елімізде 18 миллион тонна астық жиналады деп жоспарланып отыр. Орташа түсім - бір гектардан 12,2 центнер

НҰР-СҰЛТАН, 22 қыркүйек – Sputnik. Биыл Қазақстан Қытайға бидай экспортын ұлғайтуы мүмкін. Бұл туралы ауыл шаруашылығы министрі Сапархан Омаров мәлімдеді, деп хабарлайды Sputnik Қазақстан тілшісі.

"Жаңа маусымда қазақстандық бидай мен ұн дәстүрлі түрде Орта Азия елдері мен Ауғанстан нарығына жөнелтіледі. Астық сапасының жоғары болуынан Қытайға бидай (HI-Pro) экспорты артуы мүмкін", - деді Омаров үкімет отырысында.

Астық жөніндегі халықаралық кеңестің есебіне сәйкес, Ресейде, Канадада, Австралияда астық өндірісінің артуына байланысты 2020 жылы өнім көлемі әлемдік рекордтық деңгейде – 2,2 триллион тонна болады деп бағалануда. 2019 жылы 2,1 триллион тонна болған.

Қазір республикада егін жинау жұмысының 93 проценті аяқталды. Барлығы 18 миллион тонна астық жиналады деп жоспарланып отыр. Орташа түсім бір гектардан 12,2 центнерді құрады.

51
Кілт сөздер:
Қытай, бидай
Шикі ет

Желіні шулатқан видео: полиция шикі ет жеп отырған баланың ата-анасын іздеп жатыр

0
Бүлдіршіннің заңды өкілдері табылғаннан кейін, олармен түсіндіру жұмысы жүргізіледі, қажет болған жағдайда балаға медициналық көмек көрсетіледі

НҰР-СҰЛТАН, 22 қыркүйек – Sputnik. Қазақстанның ішкі істер министрлігі Қазнетте тараған видеода шикі ет жеп отырған баланың әке-шешесін іздестіріп жатыр.

Бұл туралы білім және ғылым министрлігі балалар құқығын қорғау комитеті төрағасының орынбасары Юлия Овечкина хабарлады.

"Біз ақпаратты ішкі істер министрлігіне жолдадық. Баланың заңды өкілдері табылғаннан кейін, олармен түсіндіру жұмысы жүргізіледі. Қажет болған жағдайда балаға медициналық көмек көрсетіледі. Ата-аналар балаларының денсаулығына, физикалық, психикалық, рухани және моральдық дамуына қамқорлық жасау керек екенін ұмытпауы керек", - деді ол.

Овечкина ата-аналарға балалардың өмірі, денсаулығы мен қауіпсіздігі үшін әкімшілік және қылмыстық жауапкершілік қарастырылғанын ескертті.

Желіні шулатқан ролик 21 қыркүйекте жарияланды. Видеода бала шикі ет жеп отыр, кадр сыртынан әйелдің күлген даусы естіледі.

"Кәдімгідей тістеп отыр, жұлып алды әне. Бола берсін бе", - деп сұрайды бір әйел.  

"Не болады, жей берсін", - деп жауап береді екіншісі.  

Желі қолданушылары видеоны қызу талқылады. Бірі "мұнда тұрған ештеңе жоқ" десе, енді бірі баланың ішіне инфекция түседі деп алаңдаған.

0
Кілт сөздер:
ет, видео, бала