Теңге және доллар

Ұлттық банк теңгенің неге әлсірегенін түсіндірді

516
Рубльдің күрт құлдырауы дамушы елдердің валюталарына, соның ішінде теңгеге тікелей ықпал еткен жоқ, дейді ұлттық банк

НҰР-СҰЛТАН, 3 қыркүйек – Sputnik. Теңге бағамының әлсіреуі әлемдік нарықтарда АҚШ долларының нығаюымен және мұнай бағасының түсуімен байланысты, деп хабарлайды Sputnik Қазақстан ұлттық банкке сілтеме жасап.

3 қыркүйек таңертеңгі сауда-саттық қорытындысы бойынша ұлттық валюта біршама әлсіреді.

Ұлттық банктің монетарлық операциялар департаментінің директоры Нұржан Тұрсынханов теңгенің әлсіреуін рубльмен байланыстырмайды. Валюта бағамына доллардың нығаюы мен мұнай бағасының түсуі әсер еткен.

"АҚШ долларының әлемдік нарықтарда нығаюы, мұнай өңдеу зауыттарының күзде жоспарлы қызметке жабылуы және ОПЕК елдерінің мұнай өндіру көлеміне біртіндеп оралуы 2 қыркүйекте "қара алтын" бағасына әжептәуір қысым көрсетті. Бір күн ішінде мұнай бағасы 1,20 долларға немесе 2.61%-ке төмендеді. Энергия тасымалдаушылар нарығындағы құбылмалылықпен бірге, дамушы елдердің валюталары да құнсызданды", - деп түсіндірді Тұрсынханов.

Тағы оқыңыз: Күзде теңге тағы құнсыздана ма – сарапшылар пікір білдірді

Айтуынша, 2 қыркүйекте еуропалық сессия барысында Ресей рублінің күрт құлдырауына Алексей Навальный туралы мәлімдеме себеп болды. Германия билігі ресейлік оппозиционерді "Новичок" тобына жататын затпен уландырды деп мәлімдеген еді.

Бұл мәлімдемеден кейін нарық ойыншылары батыс елдері тарапынан Ресейге жаңа санкциялар салынуы мүмкін деп қауіптенді. Соның әсерінен ресейлік валюта айтарлықтай әлсіреп қалды.

"Рубльге қатысты жағдай қалған дамушы елдердің валюталарына, соның ішінде теңгеге тікелей ықпал еткен жоқ. Мен атап өткендей, олардың әлсіреуі әлемдік нарықтарда доллардың нығаюымен және мұнай бағасының түсуімен байланысты", - деді департамент директоры.

516
Кілт сөздер:
валюта, Ұлттық банк, теңге
Тақырып бойынша
Ұлттық банк 8%-пен кредит беретін бағдарлама туралы айтты
Ұлттық банк 2020 жылға арналған инфляцияны қайта қарады
Ұлттық банк базалық мөлшерлемені өзгертті
Ұлттық банк 3 қазаннан кейін кейбір банкноттарды қабылдауды тоқтатады
Әйел, архив

Көпбалалы аналар 153 миллиард теңге жәрдемақы алды - еңбек министрлігі

71
Жәрдемақыны кірісіне қарамастан бірге тұратын төрт және одан да көп баласы немесе 23 жасқа дейінгі студенттері бар отбасылар ала алады

 

НҰР-СҰЛТАН, 21 қыркүйек — Sputnik. Қазақстанда 2020 жылдың басынан бері көпбалалы аналарға жалпы сомасы 153,3 миллиард теңге болатын жәрдемақы төленді.

Еңбек және халықты әлеуметтік қорғау министрлігінің баспасөз қызметінің ақпараты бойынша, бұл жәрдемақыға кірісіне қарамастан төрт және одан да көп баласы немесе күндізгі бөлімде оқитын 23 жасқа дейінгі студенттері бар отбасылар үміттене алады. Төлем мөлшері балалар санына байланысты сараланған – 44 532 теңгеден бастап (4 бала) 77 951 теңгеге (7 бала) дейін, 8 және одан көп баласы бар отбасылар үшін - әр балаға 4 АЕК.

"2020 жылдың қаңтарынан тамызына дейін 390 мың отбасы көпбалалы отбасыларға арналған жалпы сомасы 153,3 миллиард теңгені құрайтын мемлекеттік жәрдемақымен қамтамасыз етілді. Тамыз айында жалпы сомасы 19,7 миллиард теңге болатын жәрдемақының бұл түрін 394,1 мың отбасы алды", - деп хабарлады еңбек және халықты әлеуметтік қорғау министрлігі.    

8 балалы отбасыға берілетін жәрдемақы 88 896 теңге болса, 9 балаға 100 008 теңге, 10 балаға 111 120 теңге, 11 балаға - 122 232 теңге, 12 балаға 133 344, 13 балаға 144 456 теңге, 14 балаға 155 568 теңге, 15 балаға 166 680 теңге, ал 16 баласы бар отбасыға 177 792 теңге төленеді.

Жалпы, 2020 жылы көпбалалы отбасыларға мемлекеттік жәрдемақы төлеуге бюджеттен 191,1 миллиард теңге қарастырылған.

Еске сала кетейік, Қазақстанда 2020 жылдың 1 қаңтарынан бастап тұрмысы нашар және көпбалалы отбасыларға қолдау көрсету үшін жаңа мемлекеттік жәрдемақы енгізілді. Ол отбасының кірісіне қарамастан барлық көпбалалы анаға беріледі.

Заң 2020 жылдың 1 қаңтарынан бастап күшіне енді, осыған байланысты 8 және одан көп баласы бар отбасыларға төленетін жәрдемақы мөлшері қайта есептелді. Сонымен, осы жылдың шілде айында мұндай отбасылар жаңа мөлшердегі жәрдемақы, сондай-ақ, қаңтардан маусымға дейінгі аралықтағы айырмашылығын алды.

71
Кілт сөздер:
жәрдемақы
Тақырып:
Жәрдемақы қалай төленеді
теңге, ақша

Есеп комитеті білім және ғылым министрлігін тексереді

336
Тексеріс барысында министрліктің Дүниежүзілік банктен алған 67 миллион доллар мөлшеріндегі қарызды қаншалықты мақсатқа сай жұмсағаны зерделенеді

НҰР-СҰЛТАН, 20 қыркүйек – Sputnik. 2021 жылы есеп комитеті "Орта білім беруді модернизациялау" жобасын қаржыландыру мақсатында Дүниежүзілік банктен алған 67 миллион доллар мөлшеріндегі қарыздың мақсатқа сай жұмсалуын тексереді. Бұл туралы есеп комитетінің депутаттық сауалға берілген ресми жауабында хабарланған.

10 қыркүйекте бір топ мәжіліс депутаты білім саласын цифрландыру мен мектеп оқушыларын қашықтан оқытудың түйткілді мәселелерін көтерді. Осы ретте депутаттар Дүниежүзілік банктен алынған 67 миллион доллар қарыздың қалай жұмсалып жатқанын білгісі келді.

Мәжілісмендердің сауалына жауап берген есеп комитеті келесі жылы Қазақстанның білім және ғылым министрлігінде тексеріс жүргізілетінін мәлімдеді.

"Есеп комитеті Дүниежүзілік банктің "Орта білім беруді модернизациялау" жобасын қаржыландыруға бөлген 67 миллион доллар мөлшеріндегі қарызды қалай жұмсалғаны туралы аудитті 2021 жылға белгіленген мемлекеттік аудит нысандарының тізбесін қалыптастыру кезінде ескереді", - делінген комитеттің депутаттарға берілген жауабында.

Сонымен қатар, парламентарийлер білім беру жүйесіне 2016 жылдан бері республикалық бюджеттен бөлінген 27,2 миллиард теңге (64,7 миллион доллар) мөлшеріндегі трансферттердің мақсатты түрде пайдаланылуын тексеру қажеттігін айтты. 

Есеп комитеті биылғы жылы республикалық бюджеттен өңірлерге берілген трансферттерді, оның ішінде дағдарысқа қарсы іс-шараларға бөлінген қаржыны жоспарлау мен пайдалану тиімділігіне мемлекеттік аудит жүргізу көзделіп отырғанын хабарлады.

"27,2 миллиард теңге мөлшеріндегі қаражат осы аудиторлық іс-шара шеңберінде тексеріледі", - делінген есеп комитетінің жауабында.

Тексеріс нәтижесі есеп комитетінің 2020 жылдың IV тоқсанындағы жұмысының қорытындысы туралы ақпаратпен бірге парламентке жіберіледі.

336
Кілт сөздер:
білім министрлігі
Архивтегі фото

Қарағанды облысында ұрланған көлік өртеніп кетті

0
Полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен

НҰР-СҰЛТАН, 21 қыркүйек – Sputnik. Қарағанды облысында біреудің көлігін айдап әкеткен азамат жол апатына ұшырады, деп хабарлады Polisia.kz.  

20 қыркүйек күні Қарағанды облысы Бұқар жырау аудандық полиция басқармасына 47 жастағы Қарағанды қаласының тұрғыны хабарласып, аудан орталығына туысының үйіне келгенде түнгі сағат 1.00 шамасында белгісіз біреу аулада тұрған автокөлігін айдап әкеткенін жеткізген.

Арада біршама уақыт өткенде полицияға ауылдан шығаберісте қатты жылдамдықпен жүрген көлік аударылып, өртеніп кеткені туралы хабарлама түскен. Оқиға орнына келген полиция қызметкерлері өртенген ұрланған көлік екенін анықтады.

Оқи отырыңыз: Ордабасы тұрғыны көшеде келе жатып, ұрланған көлігін танып қойды 

Куәгерлер көлік аударылғанда оның ішінен белгісіз азамат шығып, оқиға орнынан ізін суытқанын айтқан.

Автокөліктің қатты өртенгені сондай, қайта жөндеуге жарамсыз болған. Жәбірленушіге келтірілген шығын көлемі үш миллион теңгеден асқан.

Жедел іздестіру іс-шаралары барысында полиция қызметкерлері аталған іске қатысы бар деген күдікпен 28 жастағы ер адамды ұстап, оған қатысты Қазақстан Қылмыстық кодексінің 200-бабына сәйкес қылмыстық іс қозғады.

Қазіргі уақытта тергеу амалдары жүргізіліп жатыр.

0
Кілт сөздер:
ұрлық, көлік
Тақырып бойынша
Түркістанның екі тұрғыны ұрланған көлікпен жол апатына түсті
Денис Теннің өліміне күдікті өз өмірі туралы шындықты айтты
Алматыда 350-ге жуық көлік айнасын ұрлаушы ұсталды
Ұрланған ақшаға көлік алған: Шымкент тұрғынын өртеп жіберген қаскүнем ұсталды
Алматыда көлік айдап әкеткен қос ұры өлім аузынан қалды - фото
Жоғалған автокөлік нөмірін үйден шықпай-ақ қалпына келтіруге болады