Металлург, архивтегі сурет

Индустрияландыру картасы аясында 1 триллион теңгенің жобалары іске қосылады

23
(Жаңартылды 11:38 15.09.2020)
Үкімет басшысының айтуынша, Индустрияландыру картасындағы жобалардың ойдағыдай жүзеге асуына әкімдер жеке жауапты болады

НҰР-СҰЛТАН, 15 қыркүйек – Sputnik. Биыл Қазақстанда Индустрияландыру картасы аясында құны 996 миллиард теңге болатын 206 жоба іске қосылады. Бұл туралы үкімет басшысы Асқар Мамин мәлімдеді, деп хабарлайды Sputnik Қазақстан тілшісі.

Үкімет отырысында Индустриялық-инновациялық дамудың 2020-2025 жылдарға арналған мемлекеттік бағдарламасы аясында Индустрияландыру картасының жобаларын іске асыру мәселелері қаралды. Оның айтуынша, осы жылы 1 триллион теңгеге жуық сомаға 206 жоба жүзеге асырылады.

"Биыл Индустрияландыру картасы аясында жалпы сомасы 996  миллиард теңгеге 206 жобаны іске қосу жоспарланған. Бұл өндіріс көлемін 1,3 триллион теңгеге, экспортты 325 миллиард теңгеге ұлғайтуға және 19 мың жұмыс орнын ашуға мүмкіндік береді", - деді Мамин.

Жобалардың негізгі бөлігі машина жасау, тау-кен металлургия кешені мен агроөнеркәсіп және энергетика саласына тиесілі.

"Алматыдағы "Hyundai" және Қостанайдағы "Chevrolet" жеңіл автокөліктерін құрастыру бүгінгі таңда индустрияландырудың жарқын үлгісі болып отыр. Қарағанды облысында техникалық газ өндіру жобасы мен алтын өндіретін фабрика іске қосылды. Машина жасау саласының дамуы локализация деңгейін және Қазақстанда шығарылатын құрамдастардың номенклатурасын бірнеше мыңға кеңейтуге ықпал етеді. Бұл өндірістер жұмыс орындарының санын ұлайтады", - деді премьер.

3 проценттік кредит қай салаға беріледі?

Сонымен қатар, Қазақстанда құрылатын Кәсіпкерлікті дамыту қоры кәсіпорындарды 3 проценттен аспайтын мөлшерлеме бойынша кредиттеуге мүмкіндік береді.

Мамин әлемдік нарықтағы тұрақсыздықты ескеріп, барлық күш-жігерді сыртқы және ішкі сұраныс неғұрлым тұрақты салаларға, оның ішінде жеңіл өнеркәсіп, тамақ пен химия өнеркәсібі, машина жасау мен фармацевтика салаларына жұмсау қажеттігін айтты.

"Әлемде көміртегі бағасының төмендеуі технологиялық күрделі салаларға мән беру қажеттігін көрсетіп отыр. Бұл мұнай-химия және газ өңдеу салаларына қатысты. Сондықтан Индустрия министрлігіне мемлекеттік органдармен және әкімдіктермен бірлесіп, биылға жоспарланған барлық жобаны іске асырып қана қоймай, Индустрияландыру картасының жобалары пулын қосымша қарап, кеңейтуді, сондай-ақ жаңа жобаларды қарастыруды тапсырамын", - деді ол.  

Оқи отырыңыз: Цифрландырудың салдары: 600 ірі кәсіпорын қызметкерлер санын қысқартады

Мамин әкімдер Индустрияландыру картасындағы жобаларға жеке жауапты болатынын ескертті.

23
Кілт сөздер:
жаңа жұмыс орындары, кәсіпорын
Тақырып бойынша
Елімізде медициналық маска шығаратын 4 жаңа кәсіпорын іске қосылады
Антарктидада жылына 126 мың доллар жалақы төлейтін жұмыс орны ашылды
Алматыда 15 мыңнан астам бос жұмыс орны бар – әл-ауқат басқармасы
Көкшетауда жылу беруші кәсіпорын халықтың есебінен заңсыз пайда тапқан
Инвестор мен кеденшілер арасындағы дау: Ақтөбедегі кәсіпорын қосымша салық төлемейді
Әйел, архив

Көпбалалы аналар 153 миллиард теңге жәрдемақы алды - еңбек министрлігі

77
Жәрдемақыны кірісіне қарамастан бірге тұратын төрт және одан да көп баласы немесе 23 жасқа дейінгі студенттері бар отбасылар ала алады

 

НҰР-СҰЛТАН, 21 қыркүйек — Sputnik. Қазақстанда 2020 жылдың басынан бері көпбалалы аналарға жалпы сомасы 153,3 миллиард теңге болатын жәрдемақы төленді.

Еңбек және халықты әлеуметтік қорғау министрлігінің баспасөз қызметінің ақпараты бойынша, бұл жәрдемақыға кірісіне қарамастан төрт және одан да көп баласы немесе күндізгі бөлімде оқитын 23 жасқа дейінгі студенттері бар отбасылар үміттене алады. Төлем мөлшері балалар санына байланысты сараланған – 44 532 теңгеден бастап (4 бала) 77 951 теңгеге (7 бала) дейін, 8 және одан көп баласы бар отбасылар үшін - әр балаға 4 АЕК.

"2020 жылдың қаңтарынан тамызына дейін 390 мың отбасы көпбалалы отбасыларға арналған жалпы сомасы 153,3 миллиард теңгені құрайтын мемлекеттік жәрдемақымен қамтамасыз етілді. Тамыз айында жалпы сомасы 19,7 миллиард теңге болатын жәрдемақының бұл түрін 394,1 мың отбасы алды", - деп хабарлады еңбек және халықты әлеуметтік қорғау министрлігі.    

8 балалы отбасыға берілетін жәрдемақы 88 896 теңге болса, 9 балаға 100 008 теңге, 10 балаға 111 120 теңге, 11 балаға - 122 232 теңге, 12 балаға 133 344, 13 балаға 144 456 теңге, 14 балаға 155 568 теңге, 15 балаға 166 680 теңге, ал 16 баласы бар отбасыға 177 792 теңге төленеді.

Жалпы, 2020 жылы көпбалалы отбасыларға мемлекеттік жәрдемақы төлеуге бюджеттен 191,1 миллиард теңге қарастырылған.

Еске сала кетейік, Қазақстанда 2020 жылдың 1 қаңтарынан бастап тұрмысы нашар және көпбалалы отбасыларға қолдау көрсету үшін жаңа мемлекеттік жәрдемақы енгізілді. Ол отбасының кірісіне қарамастан барлық көпбалалы анаға беріледі.

Заң 2020 жылдың 1 қаңтарынан бастап күшіне енді, осыған байланысты 8 және одан көп баласы бар отбасыларға төленетін жәрдемақы мөлшері қайта есептелді. Сонымен, осы жылдың шілде айында мұндай отбасылар жаңа мөлшердегі жәрдемақы, сондай-ақ, қаңтардан маусымға дейінгі аралықтағы айырмашылығын алды.

77
Кілт сөздер:
жәрдемақы
Тақырып:
Жәрдемақы қалай төленеді
теңге, ақша

Есеп комитеті білім және ғылым министрлігін тексереді

344
Тексеріс барысында министрліктің Дүниежүзілік банктен алған 67 миллион доллар мөлшеріндегі қарызды қаншалықты мақсатқа сай жұмсағаны зерделенеді

НҰР-СҰЛТАН, 20 қыркүйек – Sputnik. 2021 жылы есеп комитеті "Орта білім беруді модернизациялау" жобасын қаржыландыру мақсатында Дүниежүзілік банктен алған 67 миллион доллар мөлшеріндегі қарыздың мақсатқа сай жұмсалуын тексереді. Бұл туралы есеп комитетінің депутаттық сауалға берілген ресми жауабында хабарланған.

10 қыркүйекте бір топ мәжіліс депутаты білім саласын цифрландыру мен мектеп оқушыларын қашықтан оқытудың түйткілді мәселелерін көтерді. Осы ретте депутаттар Дүниежүзілік банктен алынған 67 миллион доллар қарыздың қалай жұмсалып жатқанын білгісі келді.

Мәжілісмендердің сауалына жауап берген есеп комитеті келесі жылы Қазақстанның білім және ғылым министрлігінде тексеріс жүргізілетінін мәлімдеді.

"Есеп комитеті Дүниежүзілік банктің "Орта білім беруді модернизациялау" жобасын қаржыландыруға бөлген 67 миллион доллар мөлшеріндегі қарызды қалай жұмсалғаны туралы аудитті 2021 жылға белгіленген мемлекеттік аудит нысандарының тізбесін қалыптастыру кезінде ескереді", - делінген комитеттің депутаттарға берілген жауабында.

Сонымен қатар, парламентарийлер білім беру жүйесіне 2016 жылдан бері республикалық бюджеттен бөлінген 27,2 миллиард теңге (64,7 миллион доллар) мөлшеріндегі трансферттердің мақсатты түрде пайдаланылуын тексеру қажеттігін айтты. 

Есеп комитеті биылғы жылы республикалық бюджеттен өңірлерге берілген трансферттерді, оның ішінде дағдарысқа қарсы іс-шараларға бөлінген қаржыны жоспарлау мен пайдалану тиімділігіне мемлекеттік аудит жүргізу көзделіп отырғанын хабарлады.

"27,2 миллиард теңге мөлшеріндегі қаражат осы аудиторлық іс-шара шеңберінде тексеріледі", - делінген есеп комитетінің жауабында.

Тексеріс нәтижесі есеп комитетінің 2020 жылдың IV тоқсанындағы жұмысының қорытындысы туралы ақпаратпен бірге парламентке жіберіледі.

344
Кілт сөздер:
білім министрлігі
Медицина құралдары, архивтегі фото

Дәрігерлер трактордың астына түскен қызды аман алып қалды

0
Қыз жедел хирургия бөліміне ес-түссіз күйде түскен. Дәрігерлер оны бірден аппаратқа қосып, жамбасына шұғыл ота жасаған

НҰР-СҰЛТАН, 21 қыркүйек – Sputnik. Астаналық дәрігерлер абайсызда трактордың астына түскен бес жасар қызға ота сәтті жасалғанын мәлімдеді, деп хабарлайды Sputnik Қазақстан тілшісі.

Айта кетейік, 6 қыркүйек күні Қорғалжын ауылында екі бала шөп тиелген трактордың тіркемесіне шыққан. Алайда екеуі де құлап, доңғалақтың астына түскен. Салдарынан 8 жасар ұл оқиға орнында жан тапсырды. Ал бес жасар қыз Нұр-Сұлтан қаласының №2 көпбейінді балалар ауруханасына жеткізілді.

Ақмола облысында екі бала шөп тиелген трактордың астына түсті 

Аурухананың травматолог дәрігері Мұхтар Ахмұрзаевтың айтуынша, қыз жедел хирургия бөліміне ес-түссіз күйде түскен. Оны бірден аппаратқа қосып, жамбасына шұғыл ота жасаған. Бала 10 күн бойы жансақтау бөлімінде жатты.

"Бала өте ауыр жағдайда түсті, жарақаттан қатты шок алып қалған.  Бірақ аурухана мамандары – хирургтар, нейрохирургтар, травматолог пен реаниматологтар жедел көмек көрсетіп, отаны сәтті жасап шықты", - дейді Ахмұрзаев.

Қазіргі кезде бала ауруханадан шығуға дайындалып жатыр. Ата-анасы дәрігерлерге шексіз ризашылығын жеткізді.

"Қазір қызымның жағдайы жақсы. Көңіл-күйі де жақсарған. Әкесімен видео байланыс арқылы сөйлесіп тұрады. Отбасымызбен дәрігерлерге алғыс айтамыз. Бірінші Құдайдың қалауымен, екінші дәрігерлердің арқасында қызымыз аман қалды", - дейді қыздың анасы.

Полиция осы оқиға бойынша Қылмыстық кодекстің 345-бабы 3-тармағы "Көлiк басқаратын адамдардың жол жүрісі немесе көлiкті пайдалану қағидаларын бұзуы" бойынша сотқа дейінгі тергеуді бастаған болатын.

 

0
Тақырып бойынша
"Рөлді ұстамай-ақ айдаймын": мас жүргізушінің оқиғаға дейінгі әрекеті белгілі болды
Алматылық әйел бір уақытта екі көліктің астына түсті - фото
Алматыда ер адам автобустың астына жатып алды – видео
Нұр-Сұлтанда әйел адам көлік астына түсіп қаза болды
Жүк көлігі самокат мінген жігітті басып кете жаздады – видео