АСТАНА, 26 қаз – Sputnik. Қазмедиа орталығы ғимаратының кіреберісінде сәрсенбі күні таңертең күдікті пакет табылды деп хабарлайды Sputnik Қазақстан тілшісі.
Полиция келген соң ғимарат алдындағы көлік тұрағы сары шектеу таспасымен қоршалды. Қызметкерлер ғимаратқа артқы есік арқылы кірді.
"Хабарлама 9:45-те ҚМО қауіпсіздік қызметіне келіп түскен. Полиция қызметкерлері оқиға орнына келді.Бірақ күдікті ештеңе табылмады: жұмысшылардың бірі құралын тастап кеткен екен. Эвакуация болған жоқ. Тесксеру 30-40 минут уақытқа созылды.Шамамен жарты сағаттан кейін 10:20-да тексеру тоқтатылды", — деп хабарлады Астана ІІД баспасөз қызметінің жетекшісі Софья Қылышбекова Sputnik Қазақстан агенттігіне.
