Оқиға

Қарағандыда мас қыз мектепті "миналады"

© Еркен СалиховҰялы телефон
Ұялы телефон - Sputnik Қазақстан
Жазылу
Жиырма төрт жасар "миналаушы" алты жылға дейін бас бостандығынан айырылуы мүмкін.

АСТАНА, 14 жел – Sputnik. Ішімдік ішіп алған әйел қаланың жедел қызметтер нөміріне хабарласып, мектепке қойылған бомба туралы мәлімдеген деп хабарлайды Sputnik Қазақстан тілшісі.

Қатаң тәртіпті колония - Sputnik Қазақстан
Қоғам
Жалған террористтер мен ұлт араздығын қоздырушыларға рақымшылық берілмеуі мүмкін

13 желтоқсан күні сағат 16:30-да 102 нөміріне қоңырау келіп түсті. Қаланың бір тұрғыны Қарағанды мектептерінің бірінде жарылғыш құрылғы қойылғандығын мәлімдеді. 

"Миналанған" жерге қаланың бүкіл жедел қызметтері аттанды. Білім беру мекемесі ғимаратынан мұғалімдер мен оқушылар қауіпсіз жерге шығарылды. 

Қарағанды облысы ІІМ оқу-жаттығу взводының қызметкерлері мектеп ғимаратын мұқият қарап шығып, жарылғыш затты таппады.

Жедел іздеу шаралары барысында экстремизмге қарсы күрес басқармасының қызметкерлері мен  Октябрь ауданының қылмыстық полициясы телефон террористін ұстады.

"1992 жылы туылған қала тұрғыны мас күйінде ұсталды, жасаған ісін мойындады", — деп түсініктеме берді Қарағанды облысы ішкі істер департаментінің баспасөз хатшысы Бақытжан Құдияров Sputnik Қазақстан агенттігіне.

Қазіргі уақытта әйел адам уақытша ұстау изоляторына қамалды. Тергеу ісі жүргізілуде. 

Жаңалықтар
0