АСТАНА, 22 маусым – Sputnik. Ақтөбе облысында болған жол апатынан Өзбекстанның 9 азаматы қаза тапты. Тағы 43 адам зардап шекті, деп хабарлады ҚР ІІМ Төтенше жағдайлар жөніндегі комитетінің ресми өкілі Руслан Иманқұлов.
Жол апаты бейсенбі 10 сағат 20 минутта (Астана уақыты бойынша 11.20) Самара-Шымкент тас жолында Қарабұтақ ауылынан 20 шақырым жерде болған.
"Mercedes маркілі екі қабаттық жолаушылар автобусы аударылып қалды. Автобуста 52 адам болды, оның 50-і Өзбекстан азаматы және екеуі қазақстандық. Автобус Волгоград-Шымкент бағыты бойынша қатынайды", — деп хабарлады Иманқұлов.
Оның мәліметі бойынша, 9 адам (Өзбекстан азаматтары) қаза тапты, 18 адам (Өзбекстанның 17 азаматы мен 1 Қазақстан азаматы) аурухана жеткізілген.
Апат орнында 25 адамға медициналық көмек көрсетілді.
