АСТАНА, 9 қараша — Sputnik. Астана тұрғыны Шымкентте қоқыстан денесі табылған шақалақты өлтіргенін мойындады, деп хабарлады Оңтүстік Қазақстан облысы ішкі істер департаментінің баспасөз қызметі.
Шымкент Ішкі істер басқармасының Абай бөлімшесіне 2017 жылы 20 қазанда қоқыстан шақалақтың денесі табылғандығы туралы хабар түскен болатын. Жедел іздеу шаралары барысында Оңтүстік Қазақстан облысы ІІД қызметкерлері Астанада 26 жастағы әйелді ұстады.
"Елордада тұратын әйел жасаған қылмысын мойындады. Қазір полицейлердің оқиғаның анық-қанығын тексеруде. Күдікті жақын арада Шымкентке жеткізіліп, сотқа дейінгі тергеу әрі қарай жалғасады", — деп хабарлады облыстың ІІД.
