АСТАНА, 13 желтоқсан — Sputnik. Полиция Талдықорғандағы Н.Островский атындағы жалпы білім беретін мектептің 1-сынып оқушысын бетперде киген белгісіз біреулер ұрлап кеткені туралы ақпаратты жоққа шығарды.
"Қалалық полицияға бала ұрлау фактісі бойынша арыз түскен жоқ. Біз ұйымдастырған тексеріс барысында факт расталмады. Таратылған хабарламада жоғалды деген баланың аты көрсетілген. Бұл мектепте ондай оқушы жоқ екені анықталды. Оқу орны әкімшілігімен сөйлестік. Алаңдауға еш негіз жоқ", — деп түсіндірді Алматы облысы ІІД баспасөз қызметі.
Бала ұрланғаны туралы ақпарат кеше әлеуметтік желіде таралған болатын.
