Архивное фото автобуса на заснеженной трассе

ИДМ: өртеніп кеткен автобус жүргізушісінің жолаушы тасымалына лицензиясы жоқ

604
(Жаңартылды 11:04 19.01.2018)
Сондай-ақ өртенген автобустың міндетті техникалық байқауының мерзімі өтіп кеткеніне екі жылдай болған

АСТАНА, 18 қаңтар — Sputnik. Ақтөбе облысында өртеніп кеткен автобус жүргізушісінің жолаушы тасымалына лицензиясы болмаған, деп хабарлайды Sputnik Қазақстан тілшісі Қазақстанның инвестициялар және даму министрлігіне сілтеме жасай отырып. 

"Автобустың иесі — Мехтиев Ордухан Сабироглы. Жолаушыларды тұрақты емес тасымалдау лицензиясы берілмеген (арендалық келісімшарт бойынша жұмыс істеген болуы мүмкін)", — деп жазылған хабарламада. 

Бұдан бөлек міндетті техникалық байқаудан 2015 жылы 17 тамызда өткені хабарланады. Оның мерзімі 2016 жылы 17 ақпанда өтіп кеткен. 

Министрліктің ақпараты бойынша автобустың маркісі  — Kassbohrer Setra X 335 РСМ. 1989 жылы шығарылған, сыйымдылығы — 59 адам.

"Өрт болған жерге жолдағы медициналық құтқару бекеті (4 адам және 1 техника), "ҚазАвтожол" АҚ өкілдері (5 адам және 4 техника), Ырғыз ауданының ТЖБ басшысы, Ырғыз ауданының (4 адам және 1 техника) және Қарабұтақ ауылының өрт сөндіру бекетінен (5 адам мен 1 техника) жіберілді", — деп атап өтілген баспасөз хабарламасында. 

18 қаңтарда сағат 10:30 кезінде Ақтөбе облысы Ырғыз ауданында Самара-Шымкент тас жолында жолаушылар автобусында өрт шыққан. Автобустың ішінде 57 адам болған. Оқиға орнында 52 адам қаза тапты, олардың барлығы Өзбекстан азаматтары. Бес адам аман қалып отыр, қолдарын ғана күйік шалған.


604
Кілт сөздер:
автобус, өрт, Өзбекстан, Ақтөбе
Тақырып:
Ақтөбеде жолаушылар автобусы өртенді (14)
Загрузка...