Оттық

Енесін өртеп жіберген Ақмола тұрғыны ұзақ мерзімге сотталды

385
(Жаңартылды 19:04 30.01.2018)
Щучинскіде ерлі-зайыптылардың кикілжіңі салдарынан енесі ажал құшты

АСТАНА, 30 қаңтар — Sputnik. Ақмола облысында әйелінің анасын өртеп жіберген ер адам ұзақ мерзімге сотталды, деп хабарлайды облыстық соттың баспасөз қызметі.

Қайғылы оқиға Щучинскіде 12 қыркүйек күні болған еді. 57 жастағы кәсіпкер ренжісіп анасының үйіне кетіп қалған әйеліне барады. Енесі есікті ашпай қояды. Сол кезде ер адам есіктің табалдырығына бензин құйып, өрт қояды. Түтін иісін сезген енесі далаға атып шығып, қолына түскен көсеумен күйеу баласының басынан ұрған.

Ашуға булыққан ер адам әйелді өлтіруге бел байлайды.

Жарының көз алдында енесінің үстіне бензин құйып, өртеп жіберген. Әйел адам 23 қыркүйекте күйік алу салдарынан көз жұмады.

Ақмола облысы қылмыстық істер бойынша мамандандырылған ауданаралық сотында 57 жастағы ер адам кісі өлтіргені үшін айыпты деп танылды. Сотталушы 15 жылға бас бостандығынан айырылып, жәбірленуші тарапқа моральдық шығын ретінде 1 миллион теңге төлеуге міндеттелді.

385
Кілт сөздер:
кісі өлтіру, тұрмыстық жанжал, Щучинск, Ақмола облысы
Загрузка...