АСТАНА, 1 ақпан — Sputnik. Жолаушылар ұшағы Атыраудан Алматыға ұша алмады, деп хабарлайды Атырау облысы төтенше жағдайлар жөніндегі департамент баспасөз қызметі.
Ұшақтың бортында сегіз экипаж мүшесі мен 128 жолаушы болған, араларында бір бала бар.
"31 қаңтарда сағат 21.52 кезінде халықаралық әуежай диспетчері Атырау-Алматы бағдарлы Airbus А321 ұшағы техникалық ақауға байланысты ұша алмағанын хабарлады", — деп мәлімет берді Атырау облысы ТЖД.
Бастапқы мәлімет бойынша, оқиғаға борттағы компьютердің істен шығуы себеп болуы мүмкін.
Жолаушылар 1 ақпан күні таңғы 03.09 кезінде басқа рейспен аттанды.
Төтенше оқиға салдарынан зардап шеккендер жоқ.
