Тапанша

Қостанайда дүкенді тонаған қарақшылар видеоға түсіп қалды

126
Видеода тонаушылар сатушыны кассадағы ақшаны алып беруге мәжбүрледі

АСТАНА, 28 ақпан – Sputnik. Үш ер адам Қостанай орталығында дүкенге басып кірген, деп хабарлады жергілікті alau.kz сайты.

Тонау сәті түсірілген видеоны сайтқа оқырмандар ұсыныпты.

Кадрларға қарағанда, азық-түлік дүкені тоналған. Жұмысшы әйел дүкенде еден жуып жатқанда, тонаушылар басып кіріп, оны жерге құлатқан. Әйелге көмекке бір ер адам жүгіріп келеді. Әйел қашып құтылғанымен, біраз уақыт өткен соң тонаушылар оны кассадан ақша алып беруге мәжбүрлейді.

Қарақшылар ер адамды да жерге құлатты. Олар кеткен соң да ер адам ішін ұстап, еденде жатқан.


126
Кілт сөздер:
видео, қарақшылар, тонаушылық, Қостанай
Күшік

Атырауда тоңазытқыш есігімен итті азаптаған видеоға қатысты іс тоқтатылды

224
(Жаңартылды 09:50 03.07.2020)
Облыстық полиция департаментінің өкілдері итке екі рет сараптама жасалып, ешқандай жарақат анықталмағанын айтады

НҰР-СҰЛТАН, 3 шілде – Sputnik. Әлеуметтік желілерде тез таралып, қолданушылардың ашу-ызасын тудырған даулы видео қатысты қылмыстық  іс тоқтатылды.

Ал желіде қызу талқыланған видеода ер азамат иттің мойнын мұздатқыш есігіне қыстырып, азаптаған. Оның осы әрекетіне байланысты құқық қорғау органдарының өкілдері қылмыстық іс қозғаған болатын.

Атырау облыстық полиция басқармасы өкілдерінің түсіндіруінше, күдіктінің іс-әрекетінде Қылмыстық кодекстің 316-бабы (жануарларды азаптау) бойынша қылмыс белгілері болған.

"Алайда, қазір қылмыстық істің тоқтатылғандығы белгілі болды", - деп хабарлайды "Мой город" порталы.

Полицейлердің мәліметінше, азаптаудан кейін итке екі рет сараптама жүргізілгенімен ешқандай жарақат байқалмаған.

"Осы сараптама негізінде қылмыстық іс тоқтатылды", - делінген Атырау облыстық полиция департаментінің хабарламасында.

Оқи отырыңыз: Алматы облысында итті тірідей өртегендер ұсталды
Айта кетейік, итті азаптаған Еркінқала ауылының тұрғыны Марғұлан Жұматаев өз әрекеті үшін көпшіліктен кешірім сұрады. 

Посмотреть эту публикацию в Instagram

Публикация от kris_p_brothers (@kris_p_brothers_official)

224
Кілт сөздер:
ит, Атырау облысы
Тақырып бойынша
Жасөспірім қызға тиіспек болған педофил итке талана жаздады
Петропавл тұрғыны итті төртінші қабаттан лақтырып жіберді
Сүйіктісін итке жегізген: түрмеге қамалған атақты спортшылар
Итке шалынып құлаған әйел саусақтарынан айырылды
Қаршыға итке бас салды: соңында ешкім күтпеген оқиға болды – видео
Ержан Баяхметов марапатталған сәт

Талдықорғанда суға батқан көлік жүргізушісін оқиға куәгері құтқарды

53
(Жаңартылды 09:06 03.07.2020)
25 жастағы Ержан Баяхметов ерлік үлгісін көрсеткені үшін ведомстволық медальмен марапатталды

НҰР-СҰЛТАН, 3 шілде – Sputnik. Талдықорған қаласында 25 жастағы жүргізушіні өзенге батып бара жатқан көліктен шығарып алған азаматқа ішкі істер министрлігі құрмет көрсетті, деп хабарлайды Sputnik Қазақстан тілшісі.

Жол апаты 22 наурызда Талдықорған қаласындағы "Қызыл тас" саяжай тұрғын алабының аумағында болған. Audi 100 көлігінің жүргізушісі рөлге ие бола алмай, Қаратал өзеніне көпір үстінен құлаған. Ер адам көліктен шығып, жағаға шығуға ұмтылғанымен, өзен ағысы оған мұрша бермеген.

"Оқиғаға куә болған жас жігіт батыл қадам жасап суық суға түседі де жүргізушіні жағаға шығарып, алғашқы медициналық көмек көрсеткен. Кейінірек жедел жәрдем дәрігерлері оқиға орнына жетіп, жәбірленушіні ауруханаға жатқызды", - делінген Алматы облыстық төтенше жағдайлар жөніндегі департамент хабарламасында.
Ержан Баяхметов - герой, спасший жизнь утопающему
© Photo : ДЧС Алматинской области
Ерлік көрсеткен Ержан Баяхметов марапатталды

Департамент қызметкерлері құтқарушы жігіттің 25 жастағы Ержан Баяхметов екенін анықтап, оған тиісті деңгейде құрмет көрсетті.

Ішкі істер министрінің бұйрығымен Баяхметов адамды құтқаруда көрсеткен ерлігі үшін ведомстволық "Суға батқандарды құтқарғаны үшін" медалімен марапатталды.

Оқи отырыңыз: Қостанайда ер адам терезеден құлай жаздаған баланы құтқарды – видео

Айта кетейік, бүгінгі таңда ержүрек Ержан Баяхметов жергілікті жердегі техникалық қызмет көрсету станциясында слесарь болып жұмыс істейді.

53
Кілт сөздер:
оқиға куәгерлері, ерлік
Тақырып бойынша
Видеоның арқасында 9 жасар бала әжесін өлімнен құтқарды
Тірідей жанып кетер еді: 72 жастағы қария мүгедек әйелін өлімнен құтқарды
Алматы тұрғыны екі адамды құтқарды - оқиға орнында түсірілген видео
Қазақстанда "медициналық оқыс оқиға" ұғымы енгізіледі
Қайғылы оқиға болған Аягөздегі интернатта коронавирус табылды
Нұрсұлтан Назарбаев

Карантинмен тұспа-тұс келген мерейтой: Назарбаев 80 жасқа толды

149
(Жаңартылды 09:09 06.07.2020)
Сексен жылдық мерейтой қарсаңында елордада Елбасыға ескерткіш ашылды, президент Қасым-Жомарт Тоқаев карантинге байланысты шараға онлайн қатысты

НҰР-СҰЛТАН, 6 шілде – Sputnik. Қазақстанның тұңғыш президенті – Елбасы Нұрсұлтан Назарбаев сексен жасқа толды. 6 шілде күні республикада Астана күні де аталып өтеді.

Елбасының мерейтойы коронавирус пандемиясына байланысты жарияланған карантинмен тұспа-тұс келіп тұр. Осыған байланысты елде бұқаралық шараларға, мерекелік концерттер мен сауық-сайранға тыйым салынған. Мерекелік шаралар онлайн форматқа ауыстырылды.

Әлемді жайлаған індет тұңғыш президентті де айналып өтпеді. Коронавирус жұқтырған Назарбаев екі апта бойы өзін оқшаулап, қашықтан жұмыс істеді. Жуырда, 2 шілде күні Елбасының баспасөз қызметі жақсы жаңалықты бөлісті. Тұңғыш президенттің соңғы тапсырған тесті теріс нәтиже көрсеткен.

"Халқыммен бірге бұл сырқаттың бүкіл ауыртпашылығын сезіндім, қазір емделіп жатқандардың бәріне төзім мен қажыр-қайрат және тезірек сауығып кетулерін тілеймін", - деді ол сауығып кетуіне тілектестік білдіргендерге ризашылығын жеткізіп.

Жаңа ескерткіш

Сексен жылдық мерейтой қарсаңында Нұр-Сұлтандағы Ұлттық қорғаныс университетінде Нұрсұлтан Назарбаевқа монумент ашылды.

Шараға онлайн қатысқан президент Қасым-Жомарт Тоқаев Қазақстанның Қарулы күштері тұңғыш президенттің жарлығымен құрылғандықтан, ескерткіштің Ұлттық қорғаныс университетінде орнатылуының символдық мәні зор екенін атап өтті.

Ескерткіштің жалпы биіктігі 6,6 метрді құрайды. Мүсін қоладан жасалған. Мүсінші Ербол Зиябеков бұл композицияға бес жылын сарп етіпті.

Қарулы күштердің құрылуы мен дамуына қосқан орасан зор үлесін көрсету үшін Назарбаевқа әскери форма кигізген.

Елбасыны кімдер құттықтап жатыр

Қазақстанның тұңғыш президентіне елорда күні мен 80 жылдық мерейтойына орай құттықтау хаттар келіп жатыр.

Ресей президенті Владимир Путин Нұрсұлтан Назарбаевқа арнайы видеоқұттықтау жолдады. Көрші ел басшысы Назарбаевпен көпжылдық достығын қадірлейтінін және мақтан тұтатынын жеткізді.

Тағы оқыңыз: Нұрсұлтан Назарбаев қандай өмірлік мәртебелерге ие?

Сонымен қатар, Елбасыны туған күнімен Өзбекстан президенті Шавкат Мирзиёев, Армения президенті Армен Саркисян, Түркияның бұрынғы басшысы Абдулла Гүл, Беларусь президенті Александр Лукашенко, Грузия президенті Саломе Зурабишвили, Жапония премьер-министрі Синдзо Абэ, Сингапур премьер-министрі Ли Сиань Лун, Молдова президенті Игорь Додон, Ауғанстан президенті Ашраф Ғани, Израиль мемлекетінің премьер-министрі Биньямин Нетаньяху, Испания королі Фелипе, Монако князі II Альбер және тағы басқалары құттықтады.

Назарбаев туралы қызықты деректер

Нұрсұлтан Назарбаев 1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында дүниеге келді.  Нұрсұлтан деген есімді туған әжесі қойған.

Дүниеге келгенде болашақ президенттің салмағы 5 келі болған. Сәби күнінде ұшқыш болуды армандаған, ал мектеп қабырғасында химия ғылымына бет бұрғысы келген.

Еңбек жолын 1960 жылы Қарағанды облысы Теміртау қаласында "Қазметаллургқұрылыс" тресінде қарапайым жұмысшы болып бастады.

Елбасы саламатты өмір салтын және спортпен шұғылдануды белсене насихаттайды. Сүйікті спорт түрінің бірі – теннис. Нұрсұлтан Назарбаев ракетканы еркін меңгерген және кортқа жүйелі түрде шығып тұрады.

Тағы оқыңыз: Назарбаевтың жиендері туралы қызықты деректер

Тұңғыш президент гольфке де әуес. Ал тау шаңғысымен алғаш рет 55 жасында айналыса бастаған.

Ұлттық аспап – домбырада жақсы ойнайды.

Тұңғыш президент жұбайы Сара Назарбаевамен Дариға, Динара және Әлия есімді үш қыз тәрбиелеп өсірді. Бүгінде Елбасының үш қызынан тоғыз жиені бар.

Назарбаевтың отставкасы

Мемлекетті отыз жыл басқарған Назарбаев 2019 жылдың 19 наурызында президент ретінде өкілеттігін тоқтатты.

Десе де, ол Қазақстанның тұңғыш президенті – Елбасы мәртебесіне ие, бұған қоса елеулі өкілеттігі бар Қауіпсіздік кеңесін өмір бойы басқару құқығы берілген.

Сонымен қатар, "Nur Otan" партиясының төрағасы, Конституциялық кеңестің мүшесі, Қазақстан халқы Ассамблеясының төрағасы.

Елбасының есімін мәңгі есте қалдыру үшін ел астанасының атауы Нұр-Сұлтан деп өзгертілді.

149
Кілт сөздер:
Астана күні, туған күн, Назарбаев
Тақырып бойынша
"Бүкіл ауыртпашылығын сезіндім": Нұрсұлтан Назарбаев денсаулығы туралы айтты
Назарбаев жиенінің үйіне қатысты іс: британиялық ведомство 1,5 млн фунт төлейді
Тоқаев Назарбаев туралы жазды
Назарбаев билік ауысқан кезде не болатынын айтты - видео