АСТАНА, 9 сәуір — Sputnik. Оралда бүгін таңертең аула сыпырушылар базар аумағын тазалау кезінде ер адамның мәйітін тауып алды, деп жазады "Уральская неделя" порталы.
"Таңертең жұмысқа келдім, базар маңында темір жәшік жатыр екен. Оны алып тастамақ болып көтеріп едік, ауыр екен. Ішіне қарасақ, ер адамның денесі жатыр. Бірден полицияға хабар бердік", — деді аула сыпырушылардың бірі.
Полиция әзірге аталған оқиғаға қатысты түсініктеме берген жоқ.
Бұған дейін Оралда полиция ғимаратының жанында қанға боялған әйелдің денесі табылған еді. Құқық қорғау органдары күдіктіні ұстады.
