АСТАНА, 22 мамыр – Sputnik. Қостанай облысы Қарасу ауданының Восток ауылында 11 жасар қыздың мәйіті табылды, деп хабарлады alau.kz порталы.
Полиция оқиғаның мән-жайын анықтап жатыр, облыстық ішкі істер департаменті мен Қарасу ауданының тәжірибелі полицейлерінен арнайы шұғыл тергеу тобы құрылды.
Тергеуді облыстық ІІД басшылығы бақылауына алды.
Бұған дейін хабарланғандай, Қостанайда жексенбі, 20 мамыр күні үйдің ауласында ер адамды пышақтап кетті, ал дүйсенбіде қазылған ордан жас жұмысшының мәйіті табылды.
