өрт сөндірушілер, архив суреті

Қостанайда той өтіп жатқан мейрамханада өрт шықты - видео

517
(Жаңартылды 18:16 10.07.2018)
Мейрамхананың шатыры жанып, кейбір бөлігі опырылып құлады

АСТАНА, 8 шілде – Sputnik. Қостанайда "Астам" мейрамханасы той өтіп жатқан кезде өртенді, деп хабарлайды Sputnik Қазақстан. 

Мейрамханадағы өртті оқиға куәгерлері видеоға түсіріп алған. Кадрлардан ғимараттың шатыры лаулап жанып жатқанын, ал адамдардың далада қарап тұрғанын көруге болады. 

"Бүгін той, барлығы "Астамнан" далаға жүгіріп шықты, даяшылардың бәрі қашып кетті", — дейді видео авторы. 

Төтенше жағдайлар комитетінің ресми өкілі Руслан Иманқұлов оқиғаның мән-жайын айтып берді.  

"Астам" мейрамханасының шатырында өрт шыққаны туралы хабарлама сағат 17.30-да түскен. Он минуттан кейін оқиға орнына өрт сөндірушілер жетті. 

"Өртенген аумақтың жалпы көлемі — 1200 шаршы метр. Оқиға орнында 40 өрт сөндіруші мен 9 техника жұмыс істеді. 400 шаршы метр жерде төбе опырылып құлады", — деді Иманқұлов Sputnik тілшісіне. 

Алдын ала жасалған қорытынды бойынша, өрттің шығуына шатырда жүргізілген электр дәнекерлеу жұмыстары себеп болған. 

Иманқұлов өрт шыққан уақытта ғимараттың ішінде көп адам болғанын растады. 

"Мейрамханада банкет болып жатқан. 70-ке жуық адам сыртқа шығарылды. Зардап шеккендер жоқ", — деді ол. 

Өрт 18.35-те өрттің жайылуы тоқтатылды.  

517
Кілт сөздер:
өрт сөндірушілер, үйлену тойы, мейрамхана, өрт, Қостанай
Загрузка...