Сынған әйнек

Танымал қазақстандық блогер футболдан әлем чемпионатына бара жатып опат болды

505
(Жаңартылды 11:26 13.07.2018)
Сұңқар Килаж М-5 Москва—Челябинск тас жолында қаза тапты. Жігітті Петропавлда жерлеген

АСТАНА, 12 шілде — Sputnik. Stence деген атпен көпшілікке танымал қазақстандық блогер Сұңқар Килаж әкесі және немере інісімен бірге Ресейде жол апатынан қаза тапты, деп хабарлайды Sputnik Ura.ru басылымына сілтеме жасап.

БАҚ мәліметінше, оқиға 6 шілдеде болған. Көлік апаты Челябі облысы Сим қаласына жақын маңда М-5 Москва—Челябинск тас жолының 1592-ші километрінде тіркеліпті.

Алматыда жол апаты салдарынан мотоцикл жүргізуші опат болды

Бастапқы мәліметке сүйенсек, блогер отырған көліктің жүргізушісі қарама-қарсы қозғалыс жолағына шығып кетіп, жүк көлігімен бетпе-бет соғылған. Қатты соққыдан көлік жана бастапты.

Марқұм Сұңқар Килаж
© Foto : Әлеуметтік желіден скрин
Марқұм Сұңқар Килаж

Өртке оранған көліктен қаза тапқан үш адамның денесі табылды. Басылымның жазуынша, жігіт туыстарымен әлем чемпионатына бара жатқан.

"Бұл қайғылы жайтқа сену қиын. Әлбетте, бәріміз Сұңқарды ақ жарқын, ақ көңіл адам ретінде білеміз, үнемі күлімсіреп, жадырап жүретін. Бойында қуаты тасып, рахаттанып өмір сүргісі келетін, ешқашан қол қусырып отырмайтын. Алайда 06.07.18 түнде болған қайғылы оқиғадан кейін оның биік мақсаттары енді орындалмайды. Сұңқар, әкесі және немере інісі мінген көлік белгісіз жағдайда жантүршігерлік жол апатына ұшырап, үш жолаушының да опат болды", — деп жазды қолданушылар "ВКонтакте" желісінде Сұңқарды еске алуға арналған топта.

9 шілде күні жігітті соңғы сапарға шығарып салды. 

Сұңқардың YouTube желісінде Stence Show атты арнасы бар еді, ол компьютер ойындарының видео талдауын жариялап отыратын.

505
Кілт сөздер:
оқыс оқиға, өлім, блогер, жол апаты, Ресей
Тақырып бойынша
Дубайда қазақстандық қыз жол апатынан қаза тапты
Олжас Сүлейменовтің немересі жол апатынан көз жұмды – оқиға орнынан видео
Жыл басынан бері Қазақстанда 600-ден аса адам жол апатынан көз жұмды
"Әлем миссисі" Сәния Шәкірова зираттың жанында жол апатынан қаза болды
Загрузка...