АЛМАТЫ, 25 шілде – Sputnik. Алматыда ірі жол апаты салдарынан бір адам зардап шекті, деп хабарлады құқық қорғау органдары Sputnik Қазақстан агенттігіне.
Жол апаты Момышұлы бойында Шаляпин көшесінен төменірек "Спутник" сауда орталығының алдында болған. Toyota Corolla, жасыл түсті BMW 5 және Mercedes ML 500 тұрақта тұрады.
Сол кезде Момышұлы бойымен солтүстік бағытта Volkswagen Passat, оның артында ақ түсті BMW 5 қатты жылдамдықпен келе жатады. Шаляпин көшесінен төмендей бере, BMW жүргізушісі Volkswagen көлігін "қыса" бастайды, салдарынан екеуі соқтығысып қалған. Қатты соққыдан Passat тұрақта тұрған Mercedes-ті қағып кетеді, ал ақ BMW жасыл BMW-ға соғылады.
Алматы орталығында полиция автоұрылар соңынан қуды
Жасыл BMW ығысып, Toyota Corolla көлігін қағады да, әрі қарай жолдан шығып, бұталардың арасына барып тоқтайды. Ал ақ BMW бордюрге шығып, бұта мен арықтан асып өтіп, тротуарға бір-ақ шыққан. Абырой болғанда, ол кезде тротуарда адамдар болмапты.
Көліктердің бірі сауда орталығы алдындағы балалар алаңына шығып кете жаздаған.
Көлік апаты салдарынан, ақ BMW жүргізушісі зардап шегіп, ауруханаға жатқызылды.
