Ер адам намаз оқып отыр

Шығыс Қазақстандағы ғасырдан астам тарихы бар мешіт құлағалы тұр

173
(Жаңартылды 14:23 07.08.2018)
Шенеуніктер Ақкөл ауылындағы бірегей мешіт қалпына келтірілетінін мәлімдеді

АСТАНА, 6 тамыз — Sputnik. Шығыс Қазақстан облысының Ақкөл ауылындағы бір ғасырдан астам тарихы бар сәулет ескерткіші қирау алдында тұр, деп хабарлады Хабар 24. 

Оның ерекшелігі, ағаштан салынған ғимаратта бірде-бір шеге қолданылмаған. Кезінде мешіт болған нысан біраз жылдан бері апатты жағдайда тұр. Іргетасы жермен жексен болып, ағаш белдіктері әбден шіріп кеткен. 

Ақкөл ауылында қазір бірнеше үй ғана қалған. Солардың бірінде зейнеткер Гүлшира әжей тұрады. Бірақ ол кісі көшпейтінін айтады. Себебі мешіт ғимаратын қараусыз қалдырып кеткісі келмейді. 

"Төбесінің қаңылтыры ұшып кетті. Мұнаралары әлі құламайды", — дейді ауыл тұрғыны Гүлшира Сапариева.

Бұл мешітті осыдан 111 жыл бұрын жергілікті Сұлтан Фазылбеков есімді азамат салған екен. Ғимараттың құрылыс жұмыстарына Башқұртстанның ең мықты деген сәулетшілерін жұмылдырыпты. Ал құрылыс материалдары бүкіл Ертіс жағасындағы елді мекендерден жеткізілген көрінеді. Ғимарат мешіт ретінде 10 жыл ғана пайдаланылған. Кейіннен Кеңес үкіметінің тұсында мұнда бастауыш мектеп болған. Ауыл белсенділерінің Мәлика Наурызбаеваның айтуынша, бұл ғимаратты қайтадан қалыпқа келтірсе, ауыл да ажарлана түседі. 

Жамбыл облысында басбұзар Құранды шашып, аяққа таптады 

"Бұл жерден тасжол өтіп жатыр. Тіпті кейбір жолаушылар осында тоқтап, ғимаратқа тамсанып қарап кетеді. Яғни халық қызығады деген сөз. Демек бұл жерде туризмді де дамытуға болады", — деген пікірде ауылдық округтің қоғамдық медиаторы Мәлика Наурызбаева. 

Ақкөл ауылындағы ағаш мешіт (ШҚО)
© Photo : http://24.kz
Ақкөл ауылындағы ағаш мешіт (ШҚО)

Биыл жазда бұл ғимаратқа облыстық тарихи-мәдени мұраны қорғау орталығының мамандары да қызығушылық танытыпты. Нысанды жан-жақты зерттеген олар, мұнда "Рухани жаңғыру" бағдарламасының аясында жөндеу жұмыстарын жүргізетін болып шешкен. 

"Ақкөл мешіті бүгінгі күні қатаң бақылауда тұр. Осы маусым айында облыстық мәдениет басқармасынан жұмыс тобы келіп, зерттеп кеткен болатын. Мешіт жөндеуден өткізіледі. Бірақ қашан, қай уақыттарда болатыны белгісіз. Оны сол жұмыс тобы шешеді", — деп түсіндірді Бесқарағай ауданы әкімінің орынбасары Бауыржан Баталов.

Мешітті қалпында сақтап қалуды мамандар бұрын да қолға алған екен. Алайда оны облыс орталығына апарып қоймақ болған. Бірақ бұған жергілікті тұрғындар қарсы болыпты. Енді алдағы уақытта аталған ғимарат Ақкөл ауылының сәніне айналады деген сенім мол.

Бас мүфти мұсылмандықты сақал мен балақтың ұзындығымен өлшеу әсіре діншілдік екенін айтты 

173
Кілт сөздер:
ислам діні, мешіт, ШҚО
Тақырып бойынша
Алматы облысында ер адам мешіт жанында үш жасар қызды ұрлап кетті
Оразаның алғашқы түнінде мешіт өртенді – куәгердің видеосы
Астанада сәулеті ерекше мешіт ашылды
Елімізде "100 үздік имам" мен "үлгілі мешіт" анықталады
Министр: мешіт салудың жаңа ережесін бекіту керек
Астана тұрғыны мешіт маңында дәрет сындырған автобус жүргізушісіне шағымданды
ОҚО-да былтыр мешіт салуға бірде-бір рұқсат берілмеген
Нұра өзені

Қазақстанда үш күнде 15 адам суға батып кетті 

57
(Жаңартылды 12:58 07.07.2020)
Суға батқандардың жартысынан көбі ересектердің қарауынсыз қалған балалар. Төтенше жағдайлар комитеті қауіпсіздік ережелерін сақтауды сұрайды

АЛМАТЫ,7 шілде – Sputnik. Қазақстанда 4-6 шілде аралығына 15 адам суға батып кетті. Оның ішінде жеті бала бар. Бұл жайында төтенше жағдайлар комитетінің баспасөз қызметі хабарлады.

"Өткен демалыс және мереке күндері шомылуға болмайтын орындарда суға түскен 15 адам, соның ішінде 7 бала суға батып кетті. Балалардың барлығы ересек адамдардың қарауынсыз қалған", - делінген ресми ақпаратта.

Жеті балаға қатысты қайғылы жағдай Ақтөбе, Атырау, Алматы, Шығыс Қазақстан, Батыс Қазақстан, Қостанай, Қызылорда облыстарында болды.

Бұдан бөлек 4 шілдеде Павлодар облысы Шарбақты ауданының Есілбай ауылында ересек адамдардың қарауынсыз қалған 2018 жылы туған ер бала құдыққа құлап кетті. Жеке тұрғын үйге қарама-қарсы тұрған құдықтың тереңдігі үш метр, оның бір жарым метрінде су толы болған. Бала тұншығып қалды.

Тағы оқыңыз: Ыстықкөлде жоғалған қазақстандық не жағдай болғанын айтып берді 

Ішкі істер министрлігінің төтенше жағдай комитеті азаматтарды қауіпсіздік ережелерін сақтауға шақырады.

 

57
Кілт сөздер:
Қазақстан, адам, су
Тақырып бойынша
Атырау полициясы суға батып жатқан жасөспірімдер қалай құтқарылғанын көрсетті – видео
"Сіңіріңіз тартылса...": суға батпау үшін не істеу керек?
Полицей Қазақстанның туын алу үшін суға түсті – видео
Карантин кезінде суға шомылатындар нені ескеруі тиіс
Талдықорғанда суға батқан көлік жүргізушісін оқиға куәгері құтқарды
Күшік

Атырауда тоңазытқыш есігімен итті азаптаған видеоға қатысты іс тоқтатылды

236
(Жаңартылды 09:50 03.07.2020)
Облыстық полиция департаментінің өкілдері итке екі рет сараптама жасалып, ешқандай жарақат анықталмағанын айтады

НҰР-СҰЛТАН, 3 шілде – Sputnik. Әлеуметтік желілерде тез таралып, қолданушылардың ашу-ызасын тудырған даулы видео қатысты қылмыстық  іс тоқтатылды.

Ал желіде қызу талқыланған видеода ер азамат иттің мойнын мұздатқыш есігіне қыстырып, азаптаған. Оның осы әрекетіне байланысты құқық қорғау органдарының өкілдері қылмыстық іс қозғаған болатын.

Атырау облыстық полиция басқармасы өкілдерінің түсіндіруінше, күдіктінің іс-әрекетінде Қылмыстық кодекстің 316-бабы (жануарларды азаптау) бойынша қылмыс белгілері болған.

"Алайда, қазір қылмыстық істің тоқтатылғандығы белгілі болды", - деп хабарлайды "Мой город" порталы.

Полицейлердің мәліметінше, азаптаудан кейін итке екі рет сараптама жүргізілгенімен ешқандай жарақат байқалмаған.

"Осы сараптама негізінде қылмыстық іс тоқтатылды", - делінген Атырау облыстық полиция департаментінің хабарламасында.

Оқи отырыңыз: Алматы облысында итті тірідей өртегендер ұсталды
Айта кетейік, итті азаптаған Еркінқала ауылының тұрғыны Марғұлан Жұматаев өз әрекеті үшін көпшіліктен кешірім сұрады. 

Посмотреть эту публикацию в Instagram

Публикация от kris_p_brothers (@kris_p_brothers_official)

236
Кілт сөздер:
ит, Атырау облысы
Тақырып бойынша
Жасөспірім қызға тиіспек болған педофил итке талана жаздады
Петропавл тұрғыны итті төртінші қабаттан лақтырып жіберді
Сүйіктісін итке жегізген: түрмеге қамалған атақты спортшылар
Итке шалынып құлаған әйел саусақтарынан айырылды
Қаршыға итке бас салды: соңында ешкім күтпеген оқиға болды – видео
Жайылымда жүрген сиырлар, архивтегі сурет

Моңғолия мен Қытайда өршіген оба Қазақстанға қауіп төндіре ме

0
Қазақстан азаматтары Моңғолия мен Қытайда обаның өршуіне байланысты алаңдаушылық танытып, әлеуметтік желілерде ақпарат таратуда

НҰР-СҰЛТАН, 9 шілде – Sputnik. Моңғолия мен Қытайда оба өршіді. Арнайы түсініктеме берген ауыл шаруашылығы министрлігінің ветеринарлық шаралар мен азық-түлік қауіпсіздігін ұйымдастыру басқармасының жетекшісі Салтанат Әбілқасымова Қазақстандағы эпидемиологиялық жағдай обаның өршуіне әкелуі мүмкін екенін мәлімдеді, деп хабарлайды Sputnik Қазақстан.

"Тарихи аумақ тұрғысынан алғанда Қазақстан жануарлар обасының таралуы үшін қолайлы болып тұр. Сондай-ақ, Дүниежүзілік жануарлар денсаулығын сақтау ұйымы бүкіл әлемде ірі қара обасының жағдайын қауіпсіз деп таныды. Барлық елдерде мұндай мәртебе бар",– деді Әбілқасымова.

Сонымен қатар, Қазақстан африкалық шошқа обасы бойынша қауіпсіз ел мәртебесіне ие болғанын атап өтті.

"Мемлекеттік ветеринарлық инспекция бірқатар бақылау және қадағалау функцияларын, сондай-ақ профилактикалық шаралар мен диагностикалық сынақтарды жүргізеді. Аурудың алғашқы белгісі анықталғаннан бері жағдай бақылауда",– деп түйіндеді Әбілқасымова.

Оқи отырыңыз: Қостанай облысында ауыл тұрғындарының сиырын ауру деп әкетіп жатыр

Бұған дейін Қытай билігі Ішкі Моңғолия автономиялық аймағында қойшының бубон обасымен ауырғаны туралы хабарлады. Ал Моңғолияда аталған ауруға күдіктенген үш жағдай анықталды.

Айта кетейік, бубон обасы бактериядан туындайды және антибиотиктермен тиімді емделеді.

0
Кілт сөздер:
Қытай, Моңғолия
Тақырып бойынша
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Моңғолия президенті барлық зейнеткердің кредитін жауып берді
Ірі қара малдың 2 мың терісі тиелген жүк көлік Қырғызстан шекарасында тоқтатылды
Ақтөбе облысында асыл тұқымды ірі қара мал неден қырылып қалды?
Байқоңыр маңында оба анықталған жоқ