Каскадер Қасым Жұмағожин

Хэллоуин кешінде каскадер көз жұмды: қайғылы оқиғаның мән-жайы белгілі болды

5614
(Жаңартылды 19:10 05.11.2018)
Хэллоуин мерекесінде қаза болған жігіт танымал қазақстандық каскадер Қасым Жұмағожин болып шықты. Бұл ақпаратты әріптестері растаған

АСТАНА, 4 қараша — Sputnik. Танымал қазақстандық каскадер Қасым Жұмағожиннің қазасының мән-жайы белгілі болды.

Nomad Stunts кәсіби каскадерлер тобының байланыс менеджері Евгения Ли әртіс-каскадердің алматылық "ТСБ" түнгі клубында Хэллоуин мерекесіне қатысқанын растап, қайғылы оқиғаның мән-жайын айтып берді.

Каскадер жәрдем сұрамаған

Евгения Ли берген мәлімет бойынша, 3 қарашада Қасым Жұмағожин әріптестерімен бірге "ТСБ" барында шоу бағдарламаға қатысады. Сценарий бойынша ол арқанға асылған мумияның рөлін сомдаған.

Қасым бұл трюкті орындау үшін, арнайы каскадер жилетін киген екен. Сырттай қарағанда жай киім сияқты көрінетін жилетте адам денесінің төменгі бөлігін ұстап тұратын арнайы белдігі бар.

"Қасымды осы жилет арқылы байлап, іліп қойды. Көрермендер көрген арқан — костюмнің бір бөлігі, ол бос болатын. Қасым мойнындағы арқаннан босап шығуға тырысып жатқаны түсірілген кадрлар — шоу-бағдарламаның бір бөлігі", — деп атап өтті Ли.

Каскадерді үш метр биіктікке іліп қойған. Барда орнатылған іліп қою жүйесі қазақстандық, ресейлік, голливудтық фильмдерді түсіру кезінде талай рет пайдаланылған, дейді баспасөз хатшысы. Бұл жүйе биіктен құлағанда, мысалы, каскадер көпірден төмен секіргенде немесе жарылыс толқынынан ұшып кеткенде және ұшу иммитациясын келтіргенде қолданылады екен.

"Жилет пен оның әр бекіткіші 500 кг салмақты көтере алады. Қасымның салмағы — 75 кг", — деп атап өтті Евгения Ли.

Оның үстіне, қойылым алдында сынақ өткізіпті — Қасымды жоғары көтеріп, ол "бәрі дұрыс" деп жауап берген соң, қайта түсірген.

"Оның қасында тәжірибесі мол кәсіби каскадер болды. Мұндай трюк және іліп қою жүйесімен жұмысты каскадер ешқашан жалғыз өзі орындамайды. Оны қадағалап, керек кезде көмекке ұмтылатын әріптесі қасында болады. Бүкіл каскадерлердің ым-ишара тілі бар, қандай да бір жайсыздықты сезінгенде белгі беріп, трюкті тоқтатады. Қасым бәрі дұрыс екенін білдіріп, бірнеше рет белгі берген", — дейді Евгения Ли.

Қазасының себебі — инфаркт

15 минуттан соң қойылым аяқталып, Қасымды түсіреді. Ол есін жоғалтпаса да, бір түрлі әлсіреп тұрғандай көрінген.

"Әріптестері оны бірден таза ауаға алып шығып, жедел жәрдем шақырып, алғашқы көмек көрсете бастайды. Дәрігерлер аман алып қалуға тырысқанымен, сәлден соң қаза болғанын хабарлады. Бүгін Қасымның туыстары сот-медициналық сараптаманың қорытындысын алды. Онда әріптесіміздің өліміне миокард инфаркті себеп болғаны жазылған", — деп хабарлады Nomad Stunts өкілі.

Әріптестерінің айтуынша, Қасым Жұмағожин — өте тәжірибелі каскадер. Nomad Stunts тобы құрылғаннан бастап еңбек еткен. Одан бөлек, кәсіби цирк әртісі. Қасымның дайындығы өте жоғары деңгейде болатын, үздік отандық және голливудтық фильмдердің түсіріліміне қатысқан, деп атап өтті Nomad Stunts.

Жұмағожинді қашан жерлейді?

"Қасым Жұмағожиннің жерлеу рәсімі дүйсенбі 5 қарашада өтеді. Біз Қасымның туыстары мен жақындарына қайғырып көңіл айтамыз. Досымыздан айырылып қалдық, болған оқиғаға әлі сене алмай отырмыз", — дейді Ли.

Қасым Жұмағожин 1984 жылы 5 мамырда дүниеге келген. Спорттық гимнастикадан спорт шебері. Ижевскте өткен Халықаралық цикр өнері фестивалінде "Алтын аю" жүлдесін иеленген.

Жұмағожин 25 қазақстандық, ресейлік және шетелдік фильмге түсті: "Көшпенді", "Дневной дозор", "Рэкетир", "Неудержимые-2", "Балуан Шолақ", "Коловрат", "Викинг", "Жаужүрек мың бала" және тағы басқа.

5614
Кілт сөздер:
каскадер, өлім, қайғылы оқиға, Қасым Жұмағожин, Алматы
Тақырып бойынша
Көптеген фильмде ойнаған белгілі қазақстандық каскадер көз жұмды
Бала мен ойыншық

"Пышақпен қорқытып, видеоға түсірді": Жамбылда бала зорлығына қатысты іс дауға айналды

715
(Жаңартылды 09:29 24.09.2020)
Шағымданушы тараптың айтуынша, мектеп басшылығы ауызбастырық ұсынып, мәселені ушықтырмай, мәмілеге келуге шақырған

НҰР-СҰЛТАН, 24 қыркүйек – Sputnik. Жамбыл облысындағы Көгершін ауылының тұрғыны өзінің кішкентай перзентін жергілікті жеткіншектер жабылып зорлаған деп шағымданды. Анасының айтуынша, онымен қоймай жәбір көрсеткендер мұндай сорақылықты таспаға түсіріп, қорқытқан көрінеді.

Бұл жайында анасы келесі күні ауладағы басқа балалардан естіпті. Тек, содан кейін ғана ол ұлынан бәрін тәтпіштеп сұрап алған, деп хабарлайды КТК арнасы.  

"Балам "артқы жағымнан осылай істеді" дейді. Неге ол жаққа бардың десем, "балалар пышақпен қорқытты. Сөйтті де видеоға түсірді, осыдан айтсаң, сені пышақтап өлтіреміз" деп айтыпты", - дейді жәбірленушінің анасы.

Жеті баланың анасы перзентін өткір затпен қорқытты дегенге сенеді. Себебі, өзі талай рет видеодағы жеткіншектің ауладағы балаларға пышақпен құқай көрсеткенін байқапты. Қазір ол да күдіктілер тізімінде. Әзірге олардың ешбірі кінәсін мойындаған жоқ. Ал мектеп басшылығы істі жылы жабуға жанталасып жүргендей.

Шағымданушы тараптың айтуынша, ауызбастырық ұсынған мектеп директорының орынбасары екен. Директордың өзі де бұл мәселені ушықтырмай, мәмілеге келуге шақырыпты.

Жәбірленушінің анасына білім мекемесінің басшылығы "бәрібір сенікі дұрыс болмай шығады, сен ештеңе істей алмайсың, дәлелдеген күнде де, балаларға іс қозғай алмайсың" деген көрінеді.

Ал директор бұлай айтпадым, дейді. Оның сөзінше, бұл жағдай екі көршінің араздығынан туындаған.

"Аудандық медбикелер тексеріп көрді, ондай жәбірлену әрекеттері болмаған. Балалар жай ғана ойнаған. Екі ата-ана бір-бірімен ұрсысып қалған. Бір-біріне жасаған істері осындай дауға айналып жатыр. Қазір полицияға алты балаға қатысты арыз жазылған. Ал азғындық жасалды делінген ұлын анасы қалаға сараптамадан өткізуге алып барған", - дейді Ақтоған орта мектебінің директоры Орындық Рысқұлова.

Полиция департаменті бұл мәселеге қатысты барлық қажетті сараптама тағайындалғанын айтады.

"Қыркүйек айында Т.Рысқұлов ауданының тұрғыны көршісінің баласы тарапынан кәмелетке толмаған ұлына қатысты сексуалдық сипаттағы зорлық-зомбылық әрекет қолданылғаны туралы полицияға жүгінген. Аталған дерекке қатысты Қылмыстық кодекстің 121-бабы, 4-бөлігі бойынша сотқа дейінгі тергеу басталды", - дейді Жамбыл облыстық полиция департаментінің баспасөз хатшысы Гүлсара Мұхтарқұлова.

Оқи отырыңыз: Бала зорлық-зомбылыққа ұшыраса, қайда хабарласу керек – "111" нөмірі қайта іске қосылды

Көп балалы ана "ұлымды зорлап, таспаға түсіріп қорлағандарға кешірім жоқ" дейді. Сондықтан да кінәлілердің бала деп бетіне қарамай, қатаң жазаға тарту керек деп санайды. Алайда бұл істің ақ-қарасы сараптамадан кейін белгілі болады.

715
Кілт сөздер:
Жамбыл облысы, бала құқығы, оқиға
Тақырып бойынша
Зорлық жасады деген күдікті Нұр-Сұлтандағы аурухананың аумағынан қашып кетті
Түркістан облысының әкімі өңірде неге зорлық жиілеп кеткенін түсіндірді
Алматыда зорлық-зомбылыққа арандатты деген күдікпен екі адам ұсталды
Балалар зорлық-зомбылығы үшін жазаны күшейту керек пе – президент кеңесшісі пікір білдірді
Тараздағы зорлық: тағы бір шенеунік қызметінен кетті
Архивтегі фото

Ұшақ Алматыны бір сағат айналып ұшты: Air Astana не болғанын түсіндірді

138
Қалада тәжірибелі нұсқаушылардың басшылығымен оқу-жаттығу өткен, ұшақ бортында жолаушылар мен бортсеріктер болмады

АЛМАТЫ, 23 қыркүйек – Sputnik. Сәрсенбіде Air Astana ұшағы бір сағат бойы Алматы аспанын айналып ұшты. Flightradar24 мәліметінше, әуе кемесі қаланы бірнеше рет айналған.

Әуе компаниясы бұл оқу-жаттығу екенін мәлімдеді.

"Алматы аспанын айналып ұшу кезінде аэродромдық дайындық жасалды, бұл жаңадан келген ұшқыштарға – курсанттар немесе ұшақтың басқа түрлерін басқарған ұшқыштарға арналған ұшу дайындығының бір бөлігі болып саналады", - деп түсіндірді Sputnik Қазақстанға Air Astana баспасөз қызметі.   

Аэродромдық дайындыққа "конвейерден" ретті ұшу (қонғаннан кейін ұшу-қону жолағында тоқтамай), схема бойынша Алматы әуежайы аймағында айналып ұшу, кейін қонып, екінші айналымға кету кіреді.

"Жолаушыларға жақындауға қорықтым": бортсерік басынан кешкен жағдайды айтып берді

Кадеттің дайындық дәрежесіне қарай, әр ұшқыш күніне төрт сағаттан алты сағатқа дейін ұшады.  

"Қазіргі таңда жаңа ұшқыштар көптеп келіп жатқанына байланысты мұндай оқу-жаттығу айына 2-4 мәрте өткізіледі", - деп атап өтті Air Astana.  

Мамандар оқу-жаттығу тәжірибелі нұсқаушылардың басшылығымен өтетінін баса айтты. Сонымен бірге бортта жолаушылар мен бортсеріктер болмайды.  

138
Кілт сөздер:
Алматы, Эйр Астана, ұшақ
Ішік

Нұр-Сұлтан тұрғыны анасының миллион теңге тұратын ішігін ұрлап, 30 мыңға сатпақ болды

0
Мас ер адам өтіп бара жатқан адамдарға қаракүзен ішігін сатып алуды ұсынған – оны учаскелік инспектор ұстады

НҰР-СҰЛТАН, 24 қыркүйек – Sputnik. Алкогольге тәуелділіктен зардап шегетін ер адам анасының бір миллион теңге тұратын қаракүзен ішігін ұрлап алған.

Ол "Астаналық базардың" маңында өтіп бара жатқан адамдарға ішікті 30 мың теңгеге сатпақ болды, деп хабарлады Нұр-Сұлтанның полиция департаменті.

Оқи отырыңыз: Нұр-Сұлтанда қымбат телефонды ұрлап кеткен оқушының әрекеті видеоға түсіп қалды   

Тон ұстаған мас адамды учаскелік инспектор Бақтияр Байқанов байқап қалып, оны тергеу үшін полицияға жеткізген.

Нәтижесінде ішік заңды иесіне қайтарылды. Ол полиция қызметкеріне қырағылығы мен қызметтік міндетін адал атқарғаны үшін ризашылығын білдірді.   

0
Кілт сөздер:
Нұр-Сұлтан, ұрлық
Тақырып бойынша
Қарағанды облысында ұрланған көлік өртеніп кетті
Нұр-Сұлтанда қарақшылық шабуыл жасаған ағалы-інілі ұсталды
Талдықорғанда 35 жыл түрмеде отырған баукеспе ұры ұсталды
Сарыағашта ана мен баланың бірігіп жасаған қылмысы ашылды – видео