Жолаушылар пойызы

Маңғыстау Астана бағытындағы пойыздың ішінде төтенше жағдай болды

4991
(Жаңартылды 18:43 08.11.2018)
"Жолаушылар тасымалы" АҚ оқиғаның себебін анықтап жатыр

АСТАНА, 8 қараша – Sputnik. Маңғыстау – Астана бағытындағы пойыздың купесінде екі баланың үстіне полка құлады. 

Төтенше жағдай 2 қараша күні болған. Пойыз жүріп бара жатқан кезде купе вагонының жоғарғы полкасы кішкентай балалардың үстіне құлап кеткен, деп хабарлайды ИнАқтау порталы. 

Зардап шеккен балалардың анасының айтуынша, полканың ауыр болғаны сондай, ол оны өзі көтеріп, балаларын астынан шығарып ала алмаған. Көмекке үш ер адам келген. 

"Балаларымның маңдайы жарылды, бас жарақатын, гематома алды. Екеуінің де миы шайқалған", — дейді әйел.

"Жолаушылар тасымалы" АҚ төтенше жағдайдан кейін пойыз бригадасы бірден балаларға алғашқы көмек көрсеткенін хабарлады. Ал жақын маңдағы стансаға жедел жәрдем бригадасы шақыртылған. 

Дене жарақатымен қоса психологиялық соққы алған балалар қазір емделіп жатыр. Олардың еміне қажетті ақшаны "Жолаушылар тасымалы" АҚ келісімшарт бекіткен сақтандыру компаниясы төлейді. 

"Жолаушылар тасымалы" АҚ төтенше жағдай үшін кешірім сұрайды және зардап шеккендердің тезірек сауығып кетуін тілейді", — дейді компаниянның ресми өкілі Диас Ахметшәріп. 

Сондай-ақ ол таяу арада ТЖ болған құрамның барлық вагоны тексерілетінін атап өтті.

4991
Кілт сөздер:
балалар, төтенше жағдай, пойыз, вагон, жарақат, Маңғыстау, Астана
Тақырып:
Астана жаңалықтары (62)
Тақырып бойынша
Қостанай облысында пойыз апатқа ұшырады
Пойыз жолсерігі шетелдік студентке жоғалған әмиянын қайтарып берді
Ажалмен ойын: Астанада балалар көпқабатты үйдің төбесінде жүр
Шудағы пойыз апатынан бір адам қаза тауып, үшеуі зардап шекті – ТЖД
Танымал халық әртісі метрода жарақат алды
Балиева: қыз бала диваннан құлап, ауыр жарақат алды дегенге сенбеймін
Қазақстанда балалар судьясы мен прокурорлары пайда болуы мүмкін
Загрузка...