Телефон

Астанада мектепке "бомба қойған" 15 жастағы оқушы ұсталды

463
(Жаңартылды 18:51 14.11.2018)
Мектепке бомба қойылғаны туралы хабардан кейін 1 800 адам қауіпсіз жерге көшірілді

АСТАНА, 14 қараша — Sputnik. Бүгін Астана қаласында №22 мектептің директоры 102 каналына хабарласып, ғимарат ішіне бомба қойылған болуы мүмкін екенін айтты. Яғни директорға белгісіз адам қоңырау шалып, мектептің сағат 11 шамасында жарылатынын жеткізген. Көп ұзамай терроризм туралы жалған хабар берген күдікті ұсталды, деп хабарлайды қалалық полиция департаментінің баспасөз қызметіне сілтеме жасап. 

Полиция қызметкерлері мектепке бірнеше минутта жетіп, оқушылар, педагогтер және өзге де мектеп қызметкерлері — 1800 адамды қауіпсіз жерге көшірді. 

"Сағат 10:05 шамасында тексеріс аяқталды. Объект ішінде қауіпті және тыйым салынған заттар табылмады. Жедел іздестіру шаралары нәтижесінде жасөспірім ұсталды. 15 жастағы оқушы өрт туралы өзінің хабарлағанын мойындады. ҚР ҚК 273-бап "Терроризм актісі туралы жалған хабар беру" бойынша сотқа дейінгі тергеу жұмыстары басталды", — делінген Астана қаласы полиция департаментінің баспасөз қызметі таратқан хабарламады. 

Қазақстан Республикасында мұндай қылмыс үшін әкімшілік және қылмыстық жауапкершілік қарастырылған. 273-бапқа сәйкес, азамат алты жылға дейін бас бостандығынан айырылуы мүмкін.

Тағы оқыңыз:

Қылмыстық кодекстің 80-бабына сәйкес, кісі өлтіру, денсаулыққа әдейі зиян келтіру, зорлау, бұзақылық, ұрлық, тартып алу, терроризм актісі, терроризм актісі туралы жалған хабар тарату сынды қылмыстар үшін жасөспірімдер 14 жастан бастап жауапкершілікке тартылады.

"Жаңа техникалық құрылғылардың арқасында осы секілді қылмыстарды ашып, кімнің жалған хабар бергенін анықтау қиын емес", — деді Астана қаласы полиция департаментінің баспасөз хатшысы София Қылышбекова.

463
Кілт сөздер:
терроризм, сотқа дейінгі тергеу амалдары, қылмыс, бомба, оқушы, Астана
Тақырып бойынша
Ресейде Федералды қауіпсіздік қызметі ғимаратында бомба жарған жасөспірім болып шықты
Теміртауда тұрғын үйде "бомба" барын хабарлаған адам ұсталды
25 жастағы жігіт "Нұрлы Жол" вокзалына бомба қойылғанын хабарлады
Алматыдағы кеңседе бомба бар деп хабарлаған адам ұсталды
Мас адам ЭКСПО-2017 аумағында бомба бар деп хабарлаған
Алматы облысында балабақшада бомба бар деген хабар түскен
Қазақстан бомба туралы қалжыңдаған ауғандық дипломатты кешірді
Жедел жәрдем көлігі

Ақмола облысында әйелі мен туысын құтқармақ болған ер адам ажал құшты

1158
(Жаңартылды 14:57 05.08.2020)
Қайғылы жағдай Шортанды ауданында болған. Төтенше жағдайлар қызметіне ақпарат кеше, 4 тамыз күні түсті

НҰР-СҰЛТАН, 5 тамыз - Sputnik. Ақмола облысында көлдің ортасына кетіп қалған әйелі мен жиенін құтқармақ болған ер адам суға батып кетті, деп хабарлайды Sputnik Қазақстан тілшісі облыстық төтенше жағдайлар департаменті сілтеме жасап.

Ресми мәліметке сәйкес, ерлі-зайыптылар жиенін алып, Шортанды ауданындағы Бозайғыр көліне барған. Сол жерде арнайы жабдықталмаған жағажайда суға түскен. Ал кешке қарай құтқарушыларға шұғыл хабар түсті.

"4 тамызда кешқұрым әйел мен баланың Бозайғыр көлінің ортасына кетіп қалғаны туралы хабар түсті. Біз бірден оқиға орнына аттандық", - дейді құтқарушылар.

Сөйтсе, жас отбасы жиенін алып, көлдің жағасына демалуға келген. Ер адам жағада кәуап қуырамын деп қалған. Ал оның жұбайы 8 жасар жиенімен үрленетін матрасқа мінген. Қатты жел оларды көлдің ортасына алып кетті. 

"Сол кезде келіншек көмек іздеп, айқайлай бастады. Оны көрген күйеуі суға секіріп, құтқармақ болды. Бірақ жете алмады, жарты жолда батып кетті", - деді мамандар.

Құтқарушылар жабдықталмаған жағажайда суға түсу қауіпті екенін ескертті. Қауіпсіздік шараларын барынша сақтау қажет. 

"Мысалы, қайғылы оқиға болған көлдің түбінде балдыр көп. Осының өзі өте қауіпті. Суда жүзу қабілеті – қауіпсіз демалыстың кепілі. Дегенмен, жақсы жүзетін адам да сақтық шараларын барынша сақтауы тиіс ", - дейді құтқарушылар.

 

1158
Кілт сөздер:
су, ажал, туысқан, әйел, Ақмола облысы
Тақырып бойынша
Қарағанды облысында шомылып жүрген үш қыз суға батып кетті
Карантин кезінде суға шомылатындар нені ескеруі тиіс
"Бауырлары пышақтап кетті": Таразда жаппай төбелестен 8 сынып оқушысы ажал құшты
Қазақстанда екі ай ішінде 174 адам суға кетіп көз жұмды
Демалыстағы трагедия: қызды құтқарған астаналық ажал құшты
Доллар, архивтегі фото

Маңғыстауда Нигерия азаматы полицейге пара бермек болды

94
Шетел азаматы Қазақстанда пара беруге талпынғаны үшін ірі көлемде айыппұл төлеуі немесе үш жылға дейін бас бостандығынан айырылуы мүмкін  

НҰР-СҰЛТАН, 4 тамыз – Sputnik. Нигерия азаматы Маңғыстау облысында көші-қон полициясының қызметкеріне пара бермек болды.

Ер адам Маңғыстау облысының аумағында еркін жүріп-тұрып, заңсыз қызметпен айналысқысы келген, деп хабарлады Polisia.kz.

Полиция әңгіме қандай заңсыз қызмет жайлы екенін нақтылаған жоқ.

Тәртіп сақшыларының мәліметінше, Маңғыстау облысы полиция департаментінің аға инспекторы Қуат Қанбаев ақшадан бас тартып, өзіндік қауіпсіздік басқармасына пара беру әрекеті туралы хабарлаған.

Шетел азаматы ұсталып, оған қатысты Қазақстан Қылмыстық кодексінің 367-бабы бойынша қылмыстық іс қозғалды.

Нью-Йоркте қазақстандық ұсталды: министрліктің ресми түсініктемесі

Бұл бап параның он еседен жиырма есеге дейінгі мөлшерінде айыппұл салуды немесе үш жылға дейін бас бостандығынан айыруды көздейді. Сондай-ақ кінәлінің мүлкі тәркіленіп, өмір бойына белгілі бір лауазымдарды атқару немесе белгілі бір қызметпен айналысу құқығынан айырылуы мүмкін.

Бүгінгі таңда ұсталған адамға ешқайда кетпеу туралы қолхат түрінде бұлтартпау шарасы қолданылды. Материал процессуалдық шешім қабылдау үшін сотқа жолданды.   

94
Кілт сөздер:
Нигерия, шетелдік, пара
Тақырып бойынша
"Қызым жазықсыз": Ақжарқын Тұрлыбайдың анасы Тоқаевтан көмек сұрады
Қазақстанның бірқатар өңірінде іздеуде жүрген қылмыскерлер ұсталды
Ақшаны білдіртпей тыққан – ирандық әйел Астана тұрғындарын сан соқтырып кетті
Елімізде Өзбекстанның екі мың азаматы көші-қон заңнамасын бұзған
Блок бекетте шын мәнінде не болғаны жұртқа жария етіледі – полиция бастығы
Архивтегі фото

Қазақстан ескекшілері "Үлкен Мәскеу регатасына" қатысады

0
Ресей ескек есу федерациясы Қазақстан спортшыларының қандай талаптарды орындауы тиіс екенін хабарлады

НҰР-СҰЛТАН, 5 тамыз – Sputnik. Қазақстан спортшылары "Үлкен Мәскеу регатасы-2020" сайысына қатысатынын растады. Ресей ескек есу федерациясының президенті Алексей Свирин Sputnik Қазақстанға ұлттық құраманың ескекшілері өз елінде коронавирусқа тест тапсыратынын айтты.

Жарыс 7-9 тамыз аралығында Крылатское есу каналында өтеді. Үлкен Мәскеу регатасына ресейліктерден бөлек, Қазақстан, Молдова және Беларусь спортшылары қатысады.

"Біз барлық талапты жібердік, жарысқа қатысатындар оны орындауы тиіс. Олар өз елінде тест тапсырады", - деп мәлімдеді Свирин.

Ол шетелдік құрамалардың мүшелері тест тапсырғаннан кейін көп ұзамай Мәскеуге жететініне сенім білдірді.

"Бұл туралы ешқандай сұрақ туындамайды. Барлық құрама Есу каналында, бір жерде тұрады", - деп атап өтті Свирин.  

Сайыстар кезінде ұйымдастырушылар спортшылар мен делегация мүшелерінің денсаулығына күнделікті мониторинг жүргізіп, дене қызуын өлшеп тұрады. Егер күдік болса, шара қолданады.

0