Кісен

"Ақшаның астында қаласың". Кореяда жұмысқа тұрғызуға уәде берген алматылық әйел ұсталды

366
(Жаңартылды 10:30 07.12.2018)
Алаяқ әйелге алданып қалғандардың бірі бір жарым миллион теңгесінен айырылған

АЛМАТЫ, 6 желтоқсан — Sputnik. Алматы полициясы 29 жастағы алаяқ әйелді ұстады. Ол жәбірленушілерді Оңтүстік Кореяда жалақысы жоғары жұмыс тауып беремін деп алдап, ақшасын алып, ізін жасырып отырған.

Диана Құрманованың қанша қазақстандықты сан соқтырып кеткенін полиция әзірге нақты айта алмайды. Тергеу барысында әлі талай жәбірленушілер табылуы ғажап емес. Ал қу әйелдің алаяқтық схемасын бүге-шігесіне дейін зерттепті.

Белгілі болғандай, әйел адам "клиенттерін" жарнама сайттарынан, оның ішінде Оlx.kz-тен тауып отырған. Оңтүстік Кореяда жоғары жалақы төлейтін жұмысқа тұрғысы келетіндер жетіп артылады екен.

Кездесуге алаяқ әйел жарнама материалдарын, журналдар мен фотосуреттер алып келіп, адамдардың іші-бауырына кіріп, әбден сендіреді.

"Бір күндік жұмыс үшін 80 доллар жалақы алуға қызыққан жәбірленушілер бұрынғы қызметтерінен кетіп, алаяқ әйелге құжаттарды ресімдеп, "қиялдағы" жұмысқа тұру үшін қажетті соманы тауып берген. Ақшаны алған бойда Құрманова телефонын сөндіріп, ұшты-күйлі жоқ болады. Сондай жайттардың бірінде ол клиентінен 1 миллион 400 мың теңге алыпты", — деп мәлімет берді Алматы қаласы Медеу ауданының полиция басқармасы басшысы Болат Тотыбаев.

Ал шындығында ұсталған әйел Оңтүстік Кореяда ешқашан болмапты, жұмысқа орналастыру фирмаларында да қызмет етпеген.

Құқық қорғау органдарына Диана Құрмановаға бірнеше шағым түскенін ескере отырып, полиция жәбірленушілер саны бұдан да көп болуы мүмкін деп пайымдайды. Сондықтан алаяқтың қылмыстық әрекетінен зардап шеккендер келесі нөмірлер бойынша Медеу аудандық полициясына хабарласа алады: +7 (727) 254 48 02, +7 702 619 99 97 немесе 102.

366
Кілт сөздер:
жәбірленушілер, қылмыс, ұстау, алаяқтық, Оңтүстік Корея, Алматы
Тақырып бойынша
Кореяда заңсыз жүрген қазақстандықтарға 6,5 млн теңге айыппұл салынады
Шетел аспақ болған қазақ жігіт кәріске ұқсамағанына өкінген
Жедел жәрдем көлігі

Ақмола облысында әйелі мен туысын құтқармақ болған ер адам ажал құшты

1077
(Жаңартылды 14:57 05.08.2020)
Қайғылы жағдай Шортанды ауданында болған. Төтенше жағдайлар қызметіне ақпарат кеше, 4 тамыз күні түсті

НҰР-СҰЛТАН, 5 тамыз - Sputnik. Ақмола облысында көлдің ортасына кетіп қалған әйелі мен жиенін құтқармақ болған ер адам суға батып кетті, деп хабарлайды Sputnik Қазақстан тілшісі облыстық төтенше жағдайлар департаменті сілтеме жасап.

Ресми мәліметке сәйкес, ерлі-зайыптылар жиенін алып, Шортанды ауданындағы Бозайғыр көліне барған. Сол жерде арнайы жабдықталмаған жағажайда суға түскен. Ал кешке қарай құтқарушыларға шұғыл хабар түсті.

"4 тамызда кешқұрым әйел мен баланың Бозайғыр көлінің ортасына кетіп қалғаны туралы хабар түсті. Біз бірден оқиға орнына аттандық", - дейді құтқарушылар.

Сөйтсе, жас отбасы жиенін алып, көлдің жағасына демалуға келген. Ер адам жағада кәуап қуырамын деп қалған. Ал оның жұбайы 8 жасар жиенімен үрленетін матрасқа мінген. Қатты жел оларды көлдің ортасына алып кетті. 

"Сол кезде келіншек көмек іздеп, айқайлай бастады. Оны көрген күйеуі суға секіріп, құтқармақ болды. Бірақ жете алмады, жарты жолда батып кетті", - деді мамандар.

Құтқарушылар жабдықталмаған жағажайда суға түсу қауіпті екенін ескертті. Қауіпсіздік шараларын барынша сақтау қажет. 

"Мысалы, қайғылы оқиға болған көлдің түбінде балдыр көп. Осының өзі өте қауіпті. Суда жүзу қабілеті – қауіпсіз демалыстың кепілі. Дегенмен, жақсы жүзетін адам да сақтық шараларын барынша сақтауы тиіс ", - дейді құтқарушылар.

 

1077
Кілт сөздер:
су, ажал, туысқан, әйел, Ақмола облысы
Тақырып бойынша
Қарағанды облысында шомылып жүрген үш қыз суға батып кетті
Карантин кезінде суға шомылатындар нені ескеруі тиіс
"Бауырлары пышақтап кетті": Таразда жаппай төбелестен 8 сынып оқушысы ажал құшты
Қазақстанда екі ай ішінде 174 адам суға кетіп көз жұмды
Демалыстағы трагедия: қызды құтқарған астаналық ажал құшты
Доллар, архивтегі фото

Маңғыстауда Нигерия азаматы полицейге пара бермек болды

93
Шетел азаматы Қазақстанда пара беруге талпынғаны үшін ірі көлемде айыппұл төлеуі немесе үш жылға дейін бас бостандығынан айырылуы мүмкін  

НҰР-СҰЛТАН, 4 тамыз – Sputnik. Нигерия азаматы Маңғыстау облысында көші-қон полициясының қызметкеріне пара бермек болды.

Ер адам Маңғыстау облысының аумағында еркін жүріп-тұрып, заңсыз қызметпен айналысқысы келген, деп хабарлады Polisia.kz.

Полиция әңгіме қандай заңсыз қызмет жайлы екенін нақтылаған жоқ.

Тәртіп сақшыларының мәліметінше, Маңғыстау облысы полиция департаментінің аға инспекторы Қуат Қанбаев ақшадан бас тартып, өзіндік қауіпсіздік басқармасына пара беру әрекеті туралы хабарлаған.

Шетел азаматы ұсталып, оған қатысты Қазақстан Қылмыстық кодексінің 367-бабы бойынша қылмыстық іс қозғалды.

Нью-Йоркте қазақстандық ұсталды: министрліктің ресми түсініктемесі

Бұл бап параның он еседен жиырма есеге дейінгі мөлшерінде айыппұл салуды немесе үш жылға дейін бас бостандығынан айыруды көздейді. Сондай-ақ кінәлінің мүлкі тәркіленіп, өмір бойына белгілі бір лауазымдарды атқару немесе белгілі бір қызметпен айналысу құқығынан айырылуы мүмкін.

Бүгінгі таңда ұсталған адамға ешқайда кетпеу туралы қолхат түрінде бұлтартпау шарасы қолданылды. Материал процессуалдық шешім қабылдау үшін сотқа жолданды.   

93
Кілт сөздер:
Нигерия, шетелдік, пара
Тақырып бойынша
"Қызым жазықсыз": Ақжарқын Тұрлыбайдың анасы Тоқаевтан көмек сұрады
Қазақстанның бірқатар өңірінде іздеуде жүрген қылмыскерлер ұсталды
Ақшаны білдіртпей тыққан – ирандық әйел Астана тұрғындарын сан соқтырып кетті
Елімізде Өзбекстанның екі мың азаматы көші-қон заңнамасын бұзған
Блок бекетте шын мәнінде не болғаны жұртқа жария етіледі – полиция бастығы
Бейрутегі жарылыс

Тоқаев қазақстандықтардың қауіпсіздігі үшін Ливан президентіне қоңырау шалды

0
Ливанда 200-ге жуық Қазақстан азаматы, оның ішінде, қазақ дипломаттары мен әскери қызметшілер тұрып жатыр   

НҰР-СҰЛТАН, 5 тамыз – Sputnik. Қазақстан президенті Қасым-Жомарт Тоқаев Ливан президенті Мишель Аунға телефон арқылы көңіл айтты. Бұл туралы мемлекет басшысы Twitter-де хабарлады.

"Бүгін Ливан президенті Мишель Аунмен телефон арқылы сөйлесіп, Бейрут портындағы жарылыс кезінде қаза болған адамдардың отбасына көңіл айтып, зардап шеккендердің сауығып кетуіне тілектестік білдірдім", - деп жазды Тоқаев.

Ол Ливандағы 200-ге жуық Қазақстан азаматының, оның ішінде, қазақ дипломаттарының және БҰҰ-ның бітімгершілік күштері құрамында қызмет атқарып жүрген әскери қызметшілердің қауіпсіздігін қамтамасыз етуді өтінді.

Оқи отырыңыз: Сыртқы істер министрі Тоқаев қандай тапсырма бергенін айтты 

"Ливан президенті осындай қиын-қыстау кезеңде қолдау білдіргеніміз үшін алғыс айтып, Қазақстан азаматтарының қауіпсіздігін қамтамасыз етуге уәде берді", - деп атап өтті президент.

Бейрут қаласындағы жарылыс

4 тамыз күні Ливан астанасындағы теңіз порт базасында бірнеше жарылыс болды. Жақын маңдағы және бірнеше шақырым қашықтықтағы үйлер, ғимараттар қирады.

Ливандық БАҚ жүздеген адам зардап шегіп, ондаған тұрғын қайтыс болғанын айтты.

Жарылыс пиротехника қоймасында болуы мүмкін деген болжам жасалды. Алайда Ливан қауіпсіздік қызметінің басшысы генерал Аббас Ибрагим мұны жоққа шығарып, жарылғыш заттар орнатылғанын мәлімдеп отыр.

Жарылыс толқыны салдарынан Ливандағы Қазақстан дипломатиялық миссиясының ғимаратына зақым келді. Ол кезде жұмыс аяқталған. Сондықтан дипломатиялық миссия қызметкерлері кеңседе болмапты. Бірақ жұмыста қалған Қазақстанның Ливандағы консулы Бағлан Сыпабек жарылыс болған кезде жарақат алды.

0
Кілт сөздер:
қауіпсіздік, жарылыс, Қасым-Жомарт Тоқаев
Тақырып бойынша
Ақсайда тазартқыш ғимаратта жарылыс болып, бөлімше бастығы көз жұмды
Бейруттегі жойқын жарылыс: Қазақстан консулы жараланды