Пеш, архивтегі фото

Қазақстанда тағы бір отбасы ажал құшты

524
(Жаңартылды 16:14 21.12.2018)
Төтенше оқиға Солтүстік Қазақстан облысының Буденное ауылында пешті дұрыс пайдаланбау салдарынан болды

АСТАНА, 21 желтоқсан — Sputnik. Солтүстік Қазақстан облысында бес ауыл тұрғыны уланып қалды, олардың төртеуі көз жұмды.   

"Буденное ауылындағы жеке тұрғын үйде пешті дұрыс пайдаланбау салдарынан төрт адам уланып өлді, біреуі ауруханаға жеткізілді", — деп хабарлады ТЖ комитеті.

Қаза болғандардың үшеуі бір отбасыдан. Олардың арасында бала жоқ. Бұл туралы комитеттің баспасөз қызметі айтты.

Құтқарушылар тұншықтырғыш газдың иісі болмағанмен улы болатынын ескертеді. Одан уланғандар өліп кетуі мүмкін. Сондықтан көмір пешін қолдану кезінде барлық қауіпсіздік ережесін сақтау қажет.     

Естеріңізге сала кетейік, осыдан екі күн бұрын Түркістан облысында бір отбасының үш мүшесі көз жұмғанын хабарлаған едік. Мәйіттер 18 желтоқсан күні кешкі сағат 21:05-те табылды. Олар 1960 жылы туған отағасы, 1961 жылы туған жұбайы мен 1989 жылы туған ұлы болып шыққан. Алдын ала мәлімет бойынша табиғи газбен жанатын жылыту қазандығының ақауы салдарынан уланып қалған.   


524
Кілт сөздер:
пеш, улану, отбасы, Солтүстік Қазақстан облысы
Тақырып бойынша
Шымкентте бір отбасы газдан уланып қайтыс болды
Шымкентте газдан уланған екі жасар сәби қайтыс болды
Қызылордада жолдасын құтқармақ болған жұмысшылар газдан уланып қалды
Загрузка...