Жедел жәрдем көлігі

Петропавлда жойқын жарылыс болып, тұрғын үйдің қабырғалары опырылып құлады

1277
(Жаңартылды 19:41 10.02.2019)
46 адам көшірілді, оның ішінде алты бала бар, үшеуі ауруханаға жеткізілді

ПЕТРОПАВЛ, 9 ақпан — Sputnik. Петропавлда газ-ауа қоспасының жарылуы салдарынан бес қабатты үйдің пәтеріндегі қабырғалар құлап, жас бала ауруханаға жатқызылды, деп хабарлады Sputnik Қазақстанға қалалық ішкі саясат бөлімі.

Кеше сағат 18:08-де жаяу жүргіншіден Интернациональная, 4 мекенжайында тарс еткен дауыс естілгені жөнінде қоңырау түскен. Өрт сөндірушілер оқиға орнына келгеннен кейін бес қабатты тұрғын үйдің соңғы қабатында жарылыс болғанын анықтаған.

Посмотреть эту публикацию в Instagram

Публикация от Я очевидец Петропавловск (@dtp_smi)

"Оқиға салдарынан пәтердегі қабырғалардың бір бөлігі құлаған. Жалпы 46 адам қауіпсіз жерге көшірілді, оның ішінде алты бала бар. Медициналық мекемеге 3 адам жеткізілді. Олардың ішінде бір бала ауруханаға жатқызылды. Қалғандары ауруханада емделуден бас тартты", - деп хабарлады ішкі саясат бөлімі.

Құрамына облыстық және қалалық әкімдіктердің өкілдері, төтенше жағдайлар және полиция қызметкерлері, сондай-ақ уәкілетті мемлекеттік органдар кіретін жедел штаб құрылды.

"№ 6 және 7 кіреберістің тұрғындарын жаңа орынға орналастыру мәселесі шешіліп жатыр. Барлығы уақытша баспанамен және ыстық тамақпен қамтамасыз етіледі", - деп түсіндірді ведомстводағылар.

Апаттың алдын-ала себебі – газ-ауа қоспасының жарылуы.

1277
Кілт сөздер:
тұрғын үй, жарылыс, Петропавл
Тақырып бойынша
Мешіттегі жарылыс кезінде қаза тапқандардың саны 184 адамға жетті
Ресейде тұрғын үйде болған жарылыс: үйінді астынан 11 айлық бала тірі табылды
Тараздағы газ өңдеу зауытында жарылыс болды - фото
Алматы облысында жертөледе жарылыс болды
Загрузка...