Оқиға

Қорғаныс министрлігі тікұшақ апатына байланысты мәлімдеме жасады

© Sputnik / Игорь Агеенко / Медиабанкке өтуМИ-8
МИ-8 - Sputnik Қазақстан
Жазылу
Кеше Қызылорда облысы Жалағаш ауданында МИ-8 тікұшағы апатқа ұшыраған еді

НҰР-СҰЛТАН, 28 наурыз — Sputnik. Қазақстанның қорғаныс министрлігі Қызылорда облысындағы МИ-8 тікұшағының апатқа ұшырауына байланысты мәлімдеме жасады.

Кабина вертолета, архивное фото - Sputnik Қазақстан
Оқиға
Жалағаштағы тікұшақ апаты: қаза тапқандардың есімдері жарияланды

"Биыл 27 наурызда ҚР Қарулы күштері тікұшағының апатқа ұшырауы салдарынан әскери борышын өтеу кезінде борттағы 13 әскери қызметкер оқу-жаттығулар барысында қаза тапты. Қазақстан Қарулы күштерінің бүкіл жеке құрамы қаза тапқан жауынгер жолдастарының туған-туыстары мен жақындарына қайғырып көңіл айтады", - делінген  әскери ведомствоның мәлімдемесінде.

Қорғаныс министрлігі қаза болған әскерилердің отбасына моральдық және материалдық көмек көрсететін болады.

Еске сала кетсек, кеше "Алтын жебе" атты арнаулы бөлімдердің оқу-жаттығуы аясында Ақтаудан Шымкентке аттанған МИ-8 тікұшағы Қызылорда облысында апатқа ұшырады. Бортта 13 экипаж мүшесі мен жолаушы болған. Олардың аты-жөні желіде жарияланды.

Қызылорда облысындағы тікұшақ апаты - оқиға орнында түсірілген видео

Қайғылы оқиғаны тергеуді қорғаныс және ішкі істер министрліктері қолға алды.

Қазақстан президенті Қасым-Жомарт Тоқаев қаза тапқандардың отбасына көңіл айтты.

Тоқаев Қызылордадағы тікұшақ апатына байланысты мәлімдеме жасады

Жаңалықтар
0