Күдікті ұсталды, архивтегі сурет

"Есінен танғанша қылқындырды" - Алматы дүкендерін тонаған қырғызстандық ұсталды

292
Күдіктіге Қырғызстанда іздеу жарияланғаны анықталды

АЛМАТЫ, 1 сәуір – Sputnik. Алматыда дүкен тонады деген күдікпен Қырғызстан азаматы ұсталды, деп хабарлайды Sputnik Қазақстан Алмалы аудандық полиция басқармасына сілтеме жасап.

Полицейлердің айтуынша, Алматыда пәтер жалдап тұрған күдікті күнкөрісіне қажетті ақшаны ұрлық жолымен тапқан. Ол қаладағы дүкендердің бірінде ешкім жоқ кезді пайдаланып, сатушыға бас салған. 

"Күдікті сатушыны есінен танғанша қылқындырған. Әйел сылқ ете түскенде, ол кассаға жүгіреді. Бірақ дүкеннің кассасында ақша болмай шықты. Содан ол жерде жатқан әйелдің қалтасын тінти бастайды. Қолына түскен ұялы телефонды сатып, керегіне жаратқан. Сатушы әйел аман, ол тек талып қалған"", - деді Алмалы аудандық полиция басқармасының бастығы Данияр Меңдібаев.

Бұл іске қатысты қылмыстық кодекстің 192-бабына сәйкес сотқа дейінгі тергеу жүргізіліп жатыр. Күдікті Алматы қалалық полиция департаментінің уақытша ұстау изоляторына қамалды.

Полицияның хабарлауынша, қырғыз жігітінің өзге де қылмысқа қатысы бары анықталды

"Күдіктінің Медеу ауданында осыған ұқсас қылмысы дәлелденді. Зардап шеккендер мен оның қылмысына куә болғандардың мына телефондарға қоңырау шалуын сұраймыз: 254-46-12; 254-46-01 немесе 102", -  деді Меңдібаев.

292
Кілт сөздер:
Алматы, күдікті, ұрлық
Тақырып бойынша
Алматыда көлік айдап әкеткен қос ұры өлім аузынан қалды - фото
Алматыда қарулы қарақшы супермаркетті тонады
"ІІМ генералы америкалықты тонады". Министр шетелдіктің шағымына қатысты жауап берді
Парижде наразылық білдірушілер Apple дүкенін тонады – видео
Бішкекте пәтер тонады деген күдікпен қазақстандықтар ұсталды
Ту тұғыр

Атырауда 203 миллион теңге бөлінген ту тұғырдың құлау себебі анықталды

20
(Жаңартылды 11:56 14.08.2020)
Облыстық прокуратура құрылыс басқармасы заңнама талаптарын бұзып, ту тұғырды ауыстыруға өз бетінше келісім бергенін анықтады

АЛМАТЫ, 14 тамыз – Sputnik. Атырауда өткен жылы қатты желден құлаған ту ілетін тұғырға сметада көрсетілген сомадан үш есе аз ақша жұмсалған. Бұл туралы "Ақ Жайық" газеті хабарлады.

"Жобалық-сметалық құжаттама талаптарына қарамастан, мердігер авторлық бақылаушының келісімінсіз ту орнатқаны анықталды. Оның құны сметада көрсетілген 203 миллион теңгеден үш есе аз. Облыстың құрылыс басқармасы заңнама талаптарын бұзып, ту тұғырды ауыстыруға өз бетінше келісім берген", - деп мәлімдеді Атырау облысының прокуратурасы.
Флагшток рухнул в Атырау. Фото с места события
Атырау қаласында құлаған ту тұғыр.

Бұл жағдай адамдардың өмірі мен денсаулығына қауіп төндірген. Енді аса ірі көлемде қаржы жымқыру фактісі бойынша материалдар сотқа дейінгі тергеу жүргізу үшін экономикалық тергеу департаментіне жолданды.

Ал қалпына келтіру жұмыстарын мердігер өз қаражатына жүргізеді.

Оқи отырыңыз: Қазақстанның бас туы қалай көтеріледі – егемендік рәмізінің құпиясы

Айта кетейік, 2019 жылы желтоқсанның соңында Атыраудағы Республика алаңында тұрғызылып жатқан биіктігі 91 метрлік құрылым қатты желге шыдас бермей құлаған болатын.

20
Кілт сөздер:
ту тігу, Атырау
Тақырып бойынша
Терезеге ілінген көк ту: даулы іс Жоғарғы сотқа дейін жетті
Мемлекеттік ту көтерілді: Елорда күнін тойлау басталды
Қазақстандағы ең үлкен ту төмен түсірілді – фото
Жаңа ту бекітілді деген ақпарат жалған – Қазақстанның қорғаныс министрлігі
Енді VR-жобаның көмегімен Рейхстагқа Ту тігуге болады
Төбелес, иллюстративті фото

Екі қолын жұлып, көзін ағызып жіберген: Оралда сұмдық оқиғаға қатысты сот басталды

1041
(Жаңартылды 10:22 14.08.2020)
Осы іске қатысы бар деп айыпталып отырғандардың бірі – екі жыл бұрын шымкенттік бейтаныс қызға бүйрегін тегін берген азамат

НҰР-СҰЛТАН, 14 тамыз – Sputnik. Оралда жеке күзет агенттігінің қызметкерлері айықтырғышқа жеткізілген адамды қорлап өлтірген. Марқұмның туыстары кінәлілердің кейбірі бостандықта жүргенін айтады.

Күзетшілердің соты онлайн-форматта қайта жалғасты. Ал сот отырысына себепкер жаға ұстататын қанды оқиға былтыр желтоқсанда болған еді. Жаңажылдық корпоративтік кештен "көңілді" шыққан жігітті полиция наркологиялық диспансерге жеткізген, деп хабарлайды "Астана" арнасы.

Ол жабық мекемеде бүлік шығарған соң, көмекке шақыртылған күзетшілер жігітті өлімші етіп, тепкінің астына алады. Бейнебақылау камерасына түсіп қалған видеода бес жігіт бір адамға жабылып жатқаны анық көрінеді.

"Күзетшілер інімнің екі қолын қайырып, тепкінің астына алды. Жағын сындырып, көзін ағызып жіберген. Біз оны мәйітханаға барғанда танымай қиналдық. Сот кезінде күзет агенттігінің қызметкерлері лицензияны сатып алғандарын, жұмыс кезінде мас болғандарын мойындады", - дейді марқұмның туысы Бақыт Ахметова.

Ахметова інісінің жанталасып сыртқа қашып шыққанын айтады. Темір қоршаудан секіріп өте алмай жатқан жігітті қуғыншылар аяғынан ұстап, кері тартқан. Сол кезде, қолтықтарын қаңылтыр кесіп өтіпті. Марқұм осыдан кейін қансырап өлді, дейді апасы. 

"Інімнің өліміне кінәлілердің бәрі жауапқа тартылуы тиіс. Бұл істе полицияның да айыбы бар. Олар інімнің ақшасын тартып алып, өзін диспансерге тастап кетіпті. Інім сыртқа қашып шығып, жанармай құю бекетінен көмек сұрағанда да, ондағылар қол ұшын бермеген. Кейін жедел жәрдемді шақырған кезде бәрі де кеш болды. Сот осы жәйттерді ескерсе екен", - дейді ол.

Айта кетейік, адам өлтірді деп айыпталғандардың бірі - осыдан екі жыл бұрын шымкенттік бейтаныс қызға бүйрегін тегін берген Абзал Әділов. Ол осы отадан кейін күзет агенттігіне жұмысқа орналасқан екен.

Оқи отырыңыз: Нұр-Сұлтандағы мемлекеттік мекемеде не үшін төбелес болды – видео

Ал марқұмның туыстары "айран ішкен құтылып, шелек жалаған тұтылды", дейді. Өйткені, жігітті соққыға жыққан 6 күзетшінің 2-уі ғана айыпталушы орындығында отырғанын айтады. Қалғандары "куәгер" ретінде көрсетілген.

1041
Кілт сөздер:
оқиға, сот, Орал
Тақырып бойынша
Маска тағудан бас тартқан 22 жастағы алматылық қыз сот алдында жауап береді
Министрлік Қордайдағы жаппай төбелес қалай басталғанын айтып берді
Жұдырық ала жүгірді: Ақтаудағы төбелес видеоға түсіп қалды
Шымкентте жаппай төбелес кезінде ауыр жарақат алған жігіт қайтыс болды
Нұр-Сұлтанда жаппай төбелес видеоға түсіп қалды – полиция түсініктеме берді
Ұшақ бортында отырған жолаушылар

Шетелден ұшып келетін адамдарға қандай талаптар қойылады бас санитар дәрігер түсіндірді

0
(Жаңартылды 12:59 14.08.2020)
Есмағамбетованың айтуынша, шет мемлекеттің эпидемиологиялық жағдайы Қазақстанмен бірдей болса, жолаушыдан ПТР-тест анықтамасы міндетті түрде сұралады

НҰР-СҰЛТАН, 14 тамыз – Sputnik. Қазақстанның бас мемлекеттік санитар дәрігері Айжан Есмағамбетова шетелден ұшып келетін адамдарға қойылатын талаптарды түсіндірді, деп хабарлайды Sputnik Қазақстан тілшісі.

"Бізде қоғамдық денсаулық сақтау ұлтық орталығы бар. Осы мекеме Қазақстандағы эпидемиологиялық жағдайды ғана емес, әуе қатынасы қайта жанданған мемлекеттердің де жағдайын зерделеп отырады. Егер шет мемлекеттегі эпидемиологиялық жағдай жақсы болса, онда ол елден келетін жолаушылар үшін ешқандай шектеулер жоқ", - деді Есмағамбетова орталық коммуникациялар қызметінде өткен онлайн брифингте.

Ал шет мемлекеттің эпидемиологиялық жағдайы Қазақстанмен бірдей болса, міндетті түрде ПТР-тесттің анықтамасы болуы қажет. Осы құжаттың мерзімі бес күннен аспауы тиіс.

"Егер ПТР-тесттің анықтамасы болмаса, онда жолаушының жеке мәліметтері арнайы ұялы қосымшаға енгізіледі. Содан соң ол адам екі күнің ішінде ПТР-тест тапсырамын деген қолхат жазып беруі керек немесе 14 күн үйде карантинде отырып шығуы тиіс. Екеуінің біреуін таңдайды. ПТР-тестті тапсырамын десе, оның бәрі ұялы қосымша арқылы бақыланады", - деп атап көрсетті Есмағамбетова.

Оқи отырыңыз: "Жеке пікірі ме?": Перуашев кімдердің жұмысына көңілі толмай отырғанын айтты

0
Кілт сөздер:
әуе қатынасы, карантин
Тақырып:
Төтенше жағдай және карантин
Тақырып бойынша
Мәскеу мен Нұр-Сұлтан арасындағы әуе қатынасы қайта жанданады – Ресей елшілігі
Қазақстан мен Өзбекстан арасындағы әуе қатынасы жанданады
Қазақстан мен Түркия арасындағы әуе қатынасы қашан қалпына келетіні талқыланды
Қазақстанда халықаралық әуе қатынасы қашан іске қосылатыны белгілі болды