Ақмола облысындағы сенбілік кезінде 14 жастағы оқушы мерт болды

Ақмола облысындағы сенбілік кезінде 14 жастағы оқушы мерт болды

1880
Теміржол аумағын тазалауға шыққан оқушылар шетте тұрған жүк вагонының үстіне шықпақшы болады. Бірінші болып шыққан бала тоққа түсіп қаза тапты

НҰР-СҰЛТАН, 15 сәуір — Sputnik. Ақмола облысы Атбасар ауданында үш оқушы тоқтап тұрған вагонның үстіне шығып алған. Олардың бірі тоққа түсіп көз жұмды, тағы біреуі ауруханаға жеткізілді.

Сенбілік кезінде болған қайғылы жайт туралы қаза болған баланың әпкесі Sputnik Қазақстан тілшісіне айтып берді.

"Менің бауырым мен Ирченко станциясы аумағында болған оқушылар қазақ орта мектебінде оқиды. Мен де сол мектепте оқығам, кезінде теміржол аумағына сенбілікке шығатынмын. Бірақ сол күні қайғылы оқиға орын алды. Ол вагондардың тұрғанына бір апта болған секілді. Балалар кім тез мінеді деп бәстесіп, оған жарыса шыққан сияқты", - дейді қыз.

Ең бірінші боп вагонға қыздың 14 жастағы інісі мінген. Балалардың айтуынша, оны бірден тоқ соғып, сол мезетте жан тәсілім етіпті.

"Балалардың айтуынша, оның қолы сым темірге тимеген. Қолын көтергенде ауадағы жоғары вольтты тоқ соғыпты. Екінші бала жарақаттанған, ал үшіншісі секіріп түсіп үлгерген", - дейді қыз.

Ал сыныптасының өліміне куә болған басқа оқушылар болса, әлі естерін жия алар емес.

Қайтыс болған баланың әпкесінің сөзіне сүйенсек, ол арада тұрған вагондар астаналық "Астық Транс" ЖШС-ға тиесілі көрінеді.

"Егер вагондар елді мекенді аумақта, онда да мектепке қарама-қарсы тұрса, олар тоқтан ажыратылуы керек болатын. Кім жауапты бұл қазаға? Кінәлілер жазасын алсын ", - дейді марқұм баланың туыстары.

Атбасар ауданыны әкімдігінің қызметкерлері Sputnik Қазақстанға бұл фактіге қатысты тергеу басталғанын жеткізді.

"Ирченко станциясы уақытша тұрақ, ол біздің қарамағымызда емес. Вагон үстінде жоғары вольтты тоқ неге болған, күзет, жол жөндейтіндер қайда қараған, балалар емін-еркін ол вагондардың үстіне неге шығып кеткен? Бұл сауалдарды "Қазақстан темір жолы" немесе ішкі істер басқармасына жолдағандарыңыз жөн болар. Қазір бұл жайтқа қатысты қылмыстық іс қозғалып, тергеу басталып кеткен. Кінәлілер өз жазасын алады деп ойлаймын", - деді Атбасар ауданының әкімі Аманбек Қалжанов.

Бірақ ол істің қандай бап бойынша қозғалғанын нақтылай алмады.

Көлік полициясы департаментінің баспасөз қызметі хабарлағандай, бұл фактіге қатысты 344-баптың 2-тармағы, яғни "Абайсызда адам өліміне әкеліп соққан теміржол қозғалысы қауіпсіздігінің тәртібі және оны жүргізу ережелерін бұзу" бойынша сотқа дейінгі тергеу ісі қолға алынған. ҚР Қылмыстық кодекстің 201-бабындағы талаптарға сәйкес, тергеудің мән-жайын жариялауға болмайды.

Ал "Қазақстан темір жолы" компаниясы Sputnik Қазақстан сауалына әзірге жауап берген жоқ.

1880
Кілт сөздер:
қаза, оқушы, тоқ соғу, Ақмола облысы
Иллюстративті фото

Жамбыл облысында бір топ адам әкімді ұрып кетті

3171
(Жаңартылды 08:26 13.08.2020)
Бес-алты көлікке мінген жастар Қасқабұлақ ауылына баса-көктеп кіріп, үйлерді таспен атқылаған. Ал оларды тоқтатуға шыққан ауыл әкімі соққыға жығылған

НҰР-СҰЛТАН, 13 тамыз – Sputnik. Жамбыл облысындағы жаппай тәртіпсіздік кезінде ауыл әкімі таяқ жегені белгілі болды.

Еске сала кетейік, осыдан бірнеше күн бұрын Талас ауданына қарасты Қасқабұлақ ауылында бір топ адам түн жарымында төбелес шығарған еді. Осы оқиғадан кейін облыс әкімінің өзі елдімекенге арнайы барып, жұртты сабырға шақырды.

"Мұндай жағдай қайталанбауы керек. Онсыз болмайды. Бірінші – жауапкершілік, міндет, ол – ата-ананың міндеті. Қазақ "Ұяда не көрсең, ұшқанда соны ілесің" деп айтады. Барлық тәрбие ананың сүтімен келеді. Ең негізгі міндетіміз – өсіп келе жатқан жастарға дұрыс тәрбие беру", - деді Жамбыл облысының әкімі Бердібек Сапарбаев.

Бес-алты көлікке мінген жастар ауылға баса-көктеп кіріп, үйлерді таспен атқылыпты. Бес үй мен клубтың терзесі сынған. Ал оларды тоқтатуға ауыл әкімі шыққанымен, соққыға жығылып тынған. Абырой болғанда, жарақаты жеңіл. Өзге жапа шеккендер жоқ, деп хабарлады КТК.

Полицейлер елдің үрейін алған 14 адамды ізін суытпай ұстап, қамауға алды. Олардың неліктен мұндай қадамға барғаны тексеріліп жатыр.

Оқи отырыңыз: Соққыға жығылған Бурабайдың бұрынғы әкімі көз жұмды 

Қазір бұзақылық бабымен іс қозғалып, тергеу жүргізіліп жатыр. Ауылдағы ахуал қазір тұрақты.

"14 адам ұсталып, Талас аудандық полиция бөліміне жеткізілді. Аталған дерекке қатысты Қазақстан Қылмыстық кодексінің 293-бабы бойынша сотқа дейінгі тергеу басталды", - деп атап өтті Талас аудандық ПБ бастығы Тимур Жаңабаев.

3171
Кілт сөздер:
Жамбыл облысы, әкім
Тақырып бойынша
Көлігімен алып кетіп, өлгенше ұрған: Ақмола облысында экс-әкімге үкім шықты
Қордайдағы тәртіпсіздік: Сапарбаев тұрғындармен кездесу өткізді
Павлодар облысында әдептен озған әкім орынбасары жұмыстан қуылды
СҚО тасжолында КамАЗ бен Тойота соқтығысты

Солтүстік Қазақстанда жантүршігерлік жол апаты болды: жеңіл көлік жапырылып қалды  

515
Апат Челябі – Новосібір  тасжолында Пеньково ауылының маңында болды. Соққыдан кейін КамАЗ жол жиегіне ұшып түсті, ал шетелдік көлік металл үйіндісіне айналды

ПЕТРОПАВЛ, 12 тамыз – Sputnik. Солтүстік Қазақстан облысында екі адамның өмірін қиған жол апатына қатысты тергеу жүріп жатыр, деп хабарлады Sputnik Қазақстанға облыстық полиция департаментінің баспасөз қызметі.

Жол апаты Челябі – Новосібір автожолында Қызылжар ауданындағы Пеньково ауылының маңында болған.

"Мағжан Жұмабаев ауданының 62 жастағы тұрғыны Toyota Camry көлігімен қарсы жолаққа шығып кетіп, Булаево қаласының 56 жастағы тұрғыны жүргізіп келе жатқан КамАЗ автокөлігімен соқтығысқан. Жол апаты салдарынан Toyota Camry жүргізушісі мен оның 1957 жылы туған жолаушысы алған жарақатынан оқиға орнында көз жұмды. КамАЗ жүргізушісі зардап шеккен жоқ", - деп хабарлады полиция.

КамАЗ и Тойота столкнулись на трассе в СКО
© Photo : пресс-служба департамента полиции Северо-Казахстанской области
СҚО тасжолында "КамАЗ" бен "Тойота" соқтығысты

Солтүстік Қазақстан облысы полиция департаменті бастығының бірінші орынбасары полковник Қанат Айтбаевтың айтуынша, барлық қажетті сараптама тағайындалды.  

Осы жылдың жеті айында Солтүстік Қазақстан жолдарында 98 жол апаты болып, салдарынан 13 адам көз жұмып, 129 адам жарақат алды.

515
Кілт сөздер:
Солтүстік Қазақстан облысы, жол апаты
Тақырып бойынша
Ақтау – Жаңаөзен тасжолында бірнеше адам көз жұмды – видео
Атырау облысында болашағынан үміт күттірген үш боксшы қаза болды  
Қостанай облысында 7 жасар бала полициядан қашқан әкесінің көлігінде көз жұмды
Алматыда дрифт жасаған жүргізуші ірі апатқа себепкер болды
Бала, аривтегі фото

Министрлік балаларды қазақ тілінде сөйлетудің жолын тапты

26
Қазақстанда кабельді операторлар арқылы тарайтын шетелдік арналардың өнімдері қазақ тіліне аударылады

НҰР-СҰЛТАН, 13 тамыз – Sputnik. Ақпарат және қоғамдық даму министрлігі танымал шетелдік мультарналарды қазақ тіліне аудару мәселесін қарастырып жатыр. Бұл туралы вице-министр Болат Тілепов мәлім етті, деп хабарлайды Sputnik Қазақстан тілшісі.

Оның айтуынша, ақпарат және қоғамдық даму министрлігінің тапсырмасымен руханияттың өзегі – тіл мәселесіне қатысты бастамалар қарастырылып жатыр.

"Мәселен, елімізде кабельді операторлар арқылы тарайтын шетелдік арналардың өнімдерін қазақ тіліне аударуды жоспарлап отырмыз. Әрине, кез келген тілдің ертеңі – бала тілінде. Сондықтан бұл жұмысты танымал шетелдік мультарналардан бастау керек деген ұсыныс бар", - деді Тілепов орталық коммуникациялар қызметінде өткен онлайн брифингте.

Вице-министрдің айтуынша, осы іспетті бастамалардың барлығы қоғамдық талқылаудан өтеді. Сол кезде зиялы қауым, сарапшылар мен ата-аналардың пікірі ескеріледі.

"Таңданыспен қарайды": Тоқаев қазақ тілінің мүшкіл хәлі туралы айта бермеуге шақырды 

Айта кетейік, брифинг кезінде вице-министр "Рухани жаңғыру" бағдарламасы аясында үш жылдың ішінде атқарылған жұмыстарды қорытындылап, халық алдында есеп берді.

Оның айтуынша, осы уақытқа дейін бағдарламаны басқарудың институтционалдық негізі қаланды, барлық өңірде жобалық кеңселер ашылды. Сөйтіп, әр жердің ерекшелігіне қарай мазмұндық жоспарлар жасалды. Дегенмен, іс-шараларды өткізу кезінде науқаншылыққа да жол берілді.

"Жасыратыны жоқ, кейбір жерлерде есеп беру мен науқаншылық сияқты үрдістер болған. Ол жайында мемлекеттік комиссияның отырысында да айтылды. Нәтижесінде өңірлердегі барлық шараға қайта талдау жасалып, рухани жаңғыруға мүлдем қатысы жоқ, мағынасы саяз, мақсаты сұйық көптеген шара алынып тасталды. Мәселен, былтырғы жоспарда 229 шара көзделген болса, биыл барлығы – 97", - деп түйіндеді Тілепов.

26
Кілт сөздер:
рухани жаңғыру, қазақ тілі
Тақырып бойынша
Тоқаев қазақ тілін тиімді оқытудың әдісін тапты
Депутаттар алдында жауабын 100 пайыз орыс тілінде берген шенеунік сөз естіді
"Кім жауап береді?": депутат қазақ тілінің мәселесін көтерді
"Бұл қорлау емес": Бекболат Тілеухан мәжілістегі әріптестерінің қылығына күйініп кетті
Карантинде қазақ тілін үйренуге арналған қосымшаны қолданушылар саны артты