Архивтегі фото

Өз отбасын ойрандады: Қазығұрттағы қанды оқиға елді есеңгіретіп қойды    

7352
Мас адам әйелін пышақтап тастап, ұлын қуып жүріп күрекпен ұрған

НҰР-СҰЛТАН, 24 сәуір – Sputnik. Түркістан облысы Қазығұрт аудандық сотының судьясы өз әйелі мен ұлын пышақтаған күдіктіні қамауға алу туралы санкция берді.

Оған ҚР Қылмыстық кодексінің 24-бабы, 99-баптың 1-ші және 3-ші бөліктері бойынша айып тағылған, деп хабарлады otyrar.kz.

Тағы оқыңыз: Бөлшектеп, үстіне бетон құйған: Атыраудағы сұмдыққа қатысты тың дерек шықты 

Қанды оқиға Қазығұрт ауылында 13 сәуір күні болған. Алкогольді ішімдікке тойып алған отағасы балаларымен бірге түскі ас ішіп отырған әйелімен жанжалдасып қалған. Ашуға булыққан ер адам асхана пышағын әйелдің бүйірінен тығып алған. Арашалап алмақ болған 1994 жылы туған ұлына да пышақ сұққан. Сыртқа қашып шыққан ұлының соңынан қуып аулада күрекпен ұрады. Осы кезде көршілері келіп араша түскен. Өз отбасын ойрандаған ер адам көршілері келген соң оқиға орнынан қашып кеткен. Көршілері қан жоса болған әйел мен баласын аудандық ауруханаға жеткізген.

Түркістан облыстық полиция департаменті баспасөз қызметінің хабарлауынша, әйел ауруханада жансақтау бөлімінде қайтыс болған. Күдіктіні полицейлер сол күні құрықтаған.

"Аталған жайт бойынша әйелдің күйеуі күдікті ретінде танылған. Полицейлер күдіктіні қолға түсірді. Оған ҚР ҚК-нің 99-бабы "адам өлтіру" бойынша айып тағылған. Қазір сотқа дейінгі тергеу амалдары жүргізілуде", - деп мәлімдеді Түркістан облыстық полиция департаментінің баспасөз қызметі.

Қазығұрт аудандық сотының тергеу судьясы күдіктіні күзетпен ұстау бұлтартпау шарасына санкция берді.

7352
Кілт сөздер:
пышақтау, отбасы, қанды оқиға, Қазығұрт ауданы
Тақырып бойынша
"Бөлшектеп, пакетке тыққан": досын асқан жауыздықпен өлтірген Шымкент тұрғынына үкім шықты
"Ойнап жүр деп ойлаған" Жас жігіт адамдардың көзінше жантүршігерлік қылмыс жасады
Шымкентте ерлі-зайыптыны өлтіріп кетті
Ақтау тұрғыны сүйіктісінің көңілдесін өлтіріп, бөлшектеп тастады
Жамбылда әйелі мен баласын бауыздап тастаған қаскөй жазадан құтылып кетті
Қасына келіп атты: Атырауда тапа-тал түсте адам өлтіріп кетті - видео
Загрузка...