Білім және ғылым вице-министрі Эльмира Суханбердиева

Эльмира Суханбердиеваның не үшін ұсталғаны белгілі болды

28263
(Жаңартылды 16:53 06.06.2019)
Білім және ғылым вице-министрі лауазымдық өкілеттіліктерін теріс пайдаланды, пара алды, кәсіпкерлік қызметке заңсыз қатысты деген күдікке ілінді   

НҰР-СҰЛТАН, 6 маусым – Sputnik. Мемлекеттік қызмет істері және сыбайлас жемқорлыққа қарсы іс-қимыл агенттігі білім және ғылым вице-министрі Эльмира Суханбердиеваның не үшін ұсталғанын мәлімдеді, деп хабарлайды Sputnik Қазақстан тілшісі.

"Сыбайлас жемқорлыққа қарсы іс-қимыл ұлттық бюросы білім және ғылым вице-министріне қатысты лауазымдық өкілеттіліктерін теріс пайдалану, пара алу, кәсіпкерлік қызметке заңсыз қатысу фактілері бойынша сотқа дейінгі тергеуді бастады. Сот санкциясымен білім және білім вице-министріне күзетпен ұстау шарасы қабылданды. Тергеу жалғасып жатыр", - деді агенттіктің ресми өкілі Жанна Бастарова.

Ол қылмыстық-процестік кодекстің 201-бабына сәйкес өзге ақпарат жария етілмейтінін атап өтті.

"Бірақ бір нәрсені атап өткім келеді, вице-министрге қатысты тергеу қылмыстық кодекстің 361-ші, 364-ші және 366-ші баптары бойынша жүргізіліп жатыр. Күдіктіге қатысты түпкілікті шешімді сот шығарады", - деп түйіндеді Бастарова.

Айта кетсек, 5 маусым күні сыбайлас жемқорлыққа қарсы іс-қимыл ұлттық бюросы білім және ғылым вице-министріне қатысты сотқа дейінгі тергеу басталғанын мәлімдеген болатын. Алайда оның есімін жариялаған жоқ. 

Ал бүгін Нұр-Сұлтан қаласының мамандандырылған ауданаралық тергеу соты күдікті Эльмира Суханбердиеваның екі айға қамауға алынғанын хабарлады.  

Тағы оқыңыз: Тестілеу орталығындағы шу: білім министрі отставкаға кете ме?

Эльмира Суханбердиева туралы не білеміз

Эльмира Суханбердиева әл-Фараби атындағы Қазақ ұлттық университетін тәмамдаған, психология ғылымдарының кандидаты. Еңбек жолын 1989 жылы Ақтау мектебінде тарих пәнінің мұғалімі болып бастады.

2000 жылы Алматы облысы Іле ауданы әкімі аппаратының ұйымдастырушылық-кадр жұмысының бас маманы болды. Алматыда "Ай-Нұр" жекеменшік лингвистикалық гимназиясының атқарушы директоры, кейін Алматы облысы Іле ауданы №7 орта мектебінің директоры болып жұмыс істеді.

2007-2009 жылдар аралығында Алматыдағы "Қазақстан" республикалық телерадиокорпорациясында басқарушы лауазымдарды атқарды.

Тағы оқыңыз: Вице-министр ісінің тестілеу орталығындағы шуға қатысы бар ма?

2013-2016 жылдары Астананың (қазіргі Нұр-Сұлтан) білім басқармасын басқарды. 2016 жылдың сәуірінде білім және ғылым министрінің орынбасары болып тағайындалды.

Сондай-ақ, Эльмира Суханбердиева – бесінші шақырылымдағы елордалық мәслихаттың депутаты, білім саласының құрметті қызметкері атағы да бар.

Менеджмент және басқаруға қатысты бірқатар мақаланың авторы: "Білімдегі жаңалықтар", "Білім", "12-жылдық білім", "Білім ұйымы жетекшісінің анықтамалығы", "Қазақстан мектебіндегі тарих", "Қазақ ұстазы", "Астана" және тағы басқалары.

28263
Кілт сөздер:
пара, Эльмира Суханбердиева
Тақырып бойынша
Министр Дәленов отставкаға кетуге дайын екенін мәлімдеді
20-дан астам кеден қызметкеріне пара алды деген айып тағылды - ҰҚК
Нұр-Сұлтанда департамент басшысының орынбасары 9 жылға сотталды
Маңғыстау облысында департамент басшысының орынбасары сотталды
Таразда бұрынғы түрме бастығы жеті жылға сотталды  
Ту тұғыр

Атырауда 203 миллион теңге бөлінген ту тұғырдың құлау себебі анықталды

54
(Жаңартылды 11:56 14.08.2020)
Облыстық прокуратура құрылыс басқармасы заңнама талаптарын бұзып, ту тұғырды ауыстыруға өз бетінше келісім бергенін анықтады

АЛМАТЫ, 14 тамыз – Sputnik. Атырауда өткен жылы қатты желден құлаған ту ілетін тұғырға сметада көрсетілген сомадан үш есе аз ақша жұмсалған. Бұл туралы "Ақ Жайық" газеті хабарлады.

"Жобалық-сметалық құжаттама талаптарына қарамастан, мердігер авторлық бақылаушының келісімінсіз ту орнатқаны анықталды. Оның құны сметада көрсетілген 203 миллион теңгеден үш есе аз. Облыстың құрылыс басқармасы заңнама талаптарын бұзып, ту тұғырды ауыстыруға өз бетінше келісім берген", - деп мәлімдеді Атырау облысының прокуратурасы.
Флагшток рухнул в Атырау. Фото с места события
Атырау қаласында құлаған ту тұғыр.

Бұл жағдай адамдардың өмірі мен денсаулығына қауіп төндірген. Енді аса ірі көлемде қаржы жымқыру фактісі бойынша материалдар сотқа дейінгі тергеу жүргізу үшін экономикалық тергеу департаментіне жолданды.

Ал қалпына келтіру жұмыстарын мердігер өз қаражатына жүргізеді.

Оқи отырыңыз: Қазақстанның бас туы қалай көтеріледі – егемендік рәмізінің құпиясы

Айта кетейік, 2019 жылы желтоқсанның соңында Атыраудағы Республика алаңында тұрғызылып жатқан биіктігі 91 метрлік құрылым қатты желге шыдас бермей құлаған болатын.

54
Кілт сөздер:
ту тігу, Атырау
Тақырып бойынша
Терезеге ілінген көк ту: даулы іс Жоғарғы сотқа дейін жетті
Мемлекеттік ту көтерілді: Елорда күнін тойлау басталды
Қазақстандағы ең үлкен ту төмен түсірілді – фото
Жаңа ту бекітілді деген ақпарат жалған – Қазақстанның қорғаныс министрлігі
Енді VR-жобаның көмегімен Рейхстагқа Ту тігуге болады
Төбелес, иллюстративті фото

Екі қолын жұлып, көзін ағызып жіберген: Оралда сұмдық оқиғаға қатысты сот басталды

1872
(Жаңартылды 10:22 14.08.2020)
Осы іске қатысы бар деп айыпталып отырғандардың бірі – екі жыл бұрын шымкенттік бейтаныс қызға бүйрегін тегін берген азамат

НҰР-СҰЛТАН, 14 тамыз – Sputnik. Оралда жеке күзет агенттігінің қызметкерлері айықтырғышқа жеткізілген адамды қорлап өлтірген. Марқұмның туыстары кінәлілердің кейбірі бостандықта жүргенін айтады.

Күзетшілердің соты онлайн-форматта қайта жалғасты. Ал сот отырысына себепкер жаға ұстататын қанды оқиға былтыр желтоқсанда болған еді. Жаңажылдық корпоративтік кештен "көңілді" шыққан жігітті полиция наркологиялық диспансерге жеткізген, деп хабарлайды "Астана" арнасы.

Ол жабық мекемеде бүлік шығарған соң, көмекке шақыртылған күзетшілер жігітті өлімші етіп, тепкінің астына алады. Бейнебақылау камерасына түсіп қалған видеода бес жігіт бір адамға жабылып жатқаны анық көрінеді.

"Күзетшілер інімнің екі қолын қайырып, тепкінің астына алды. Жағын сындырып, көзін ағызып жіберген. Біз оны мәйітханаға барғанда танымай қиналдық. Сот кезінде күзет агенттігінің қызметкерлері лицензияны сатып алғандарын, жұмыс кезінде мас болғандарын мойындады", - дейді марқұмның туысы Бақыт Ахметова.

Ахметова інісінің жанталасып сыртқа қашып шыққанын айтады. Темір қоршаудан секіріп өте алмай жатқан жігітті қуғыншылар аяғынан ұстап, кері тартқан. Сол кезде, қолтықтарын қаңылтыр кесіп өтіпті. Марқұм осыдан кейін қансырап өлді, дейді апасы. 

"Інімнің өліміне кінәлілердің бәрі жауапқа тартылуы тиіс. Бұл істе полицияның да айыбы бар. Олар інімнің ақшасын тартып алып, өзін диспансерге тастап кетіпті. Інім сыртқа қашып шығып, жанармай құю бекетінен көмек сұрағанда да, ондағылар қол ұшын бермеген. Кейін жедел жәрдемді шақырған кезде бәрі де кеш болды. Сот осы жәйттерді ескерсе екен", - дейді ол.

Айта кетейік, адам өлтірді деп айыпталғандардың бірі - осыдан екі жыл бұрын шымкенттік бейтаныс қызға бүйрегін тегін берген Абзал Әділов. Ол осы отадан кейін күзет агенттігіне жұмысқа орналасқан екен.

Оқи отырыңыз: Нұр-Сұлтандағы мемлекеттік мекемеде не үшін төбелес болды – видео

Ал марқұмның туыстары "айран ішкен құтылып, шелек жалаған тұтылды", дейді. Өйткені, жігітті соққыға жыққан 6 күзетшінің 2-уі ғана айыпталушы орындығында отырғанын айтады. Қалғандары "куәгер" ретінде көрсетілген.

1872
Кілт сөздер:
оқиға, сот, Орал
Тақырып бойынша
Маска тағудан бас тартқан 22 жастағы алматылық қыз сот алдында жауап береді
Министрлік Қордайдағы жаппай төбелес қалай басталғанын айтып берді
Жұдырық ала жүгірді: Ақтаудағы төбелес видеоға түсіп қалды
Шымкентте жаппай төбелес кезінде ауыр жарақат алған жігіт қайтыс болды
Нұр-Сұлтанда жаппай төбелес видеоға түсіп қалды – полиция түсініктеме берді

АҚШ-тың мемлекеттік хатшысы Ресейге қоқан-лоқы жасады

0
АҚШ-тың мемлекеттік хатшысы егер Ресейдің тәлібтермен байланысы расталса, оның құны жоғары болатынын айтты

Бұл оқиға маусымда The New York Times басылымында шыққан мақаладан басталды. Америкалық газеттің авторлары Мәскеу АҚШ әскерилерін өлтіру үшін Ауғанстандағы террористерге ақша төлейді деп мәлімдеді. Алайда мақалада нақты дәлелдер болған жоқ. Тек аты аталмаған арнайы қызметтің ақпаратына негізделіп жазылған. Ресейдің сыртқы істер министрлігі The New York Times мақаласының жалған екенін айтып, АҚШ-тан дәлел келтіруін талап етті.

0