Архивтегі фото

Туысы бөлшектеп тастаған: Алматы облысында аса ауыр қылмыс ашылды

4344
(Жаңартылды 12:29 08.06.2019)
Ер адамның бөлшектелген мәйіті қоқыс тастайтын жердің аумағынан табылды

ТАЛДЫҚОРҒАН, 8 маусым — Sputnik. Алматы облысында бірнеше күн бұрын із-түзсіз жоғалып кеткен фермерді өлтірді деген күдікпен 41 жастағы ер адам ұсталды. Бұл туралы өңірлік полиция департаментінің баспасөз қызметі хабарлады. 

Бірінші мауысым күні Көлбай ауылында тұратын зейнеткер Алакөл ауданының полициясына 66 жастағы күйеуі жоғалып кеткенін хабарлаған. Жоғалған адам шаруа қожалығының иесі болған, мал өсірумен айналысқан. 

Фермерді іздеу жұмыстары бірнеше күнге жалғасты, ақыр соңында, полицейлер оның жоғалуының мән-жайын тексере келе, кісі өлтіру бойынша қылмыстық іс қозғауға шешім қабылдады.   

"Алғашқы іздестіру жұмыстары нәтиже бермеді, алайда тауда жасырынбақ болған 41 жастағы туысы күдікке ілініп, ұсталып, аудандық полиция бөліміне жеткізілді. Тергеу барысында ол жәбірленушіні өлтіргенін мойындады", - деп хабарлады полиция.

Ведомство сондай-ақ күдікті қылмыс істегенін мойындағанына қарамастан, мәйітті өзенге тастап жібердім деп өтірік айтып, тергеуді шатастыруға тырысқанын атап өтті.

"Күдікті тергеушілерге берген жауабында мәйітті Лепсі өзеніне тастап жібергенін айтты. Полиция қызметкерлері мен сүңгуірлер жағалаудағы бірнеше шақырым жерді, өзеннің түбін қарап шықты. Алайда ер адамның бөлшектелген сүйегі Көлбай ауылына жақын маңдағы қоқыс тастайтын жерден табылды", - деп хабарлады облыстық полиция.

Тағы оқыңыз: Атырау тұрғыны күйеуін бөлшектеп, үстіне бетон құйып тастаған

Күдікті қамауға алынды. Алакөл ауданының полиция қызметкерлері кісі өлтіру фактісі бойынша алдын ала тергеуді бастады.

Қанды қылмысқа ер адамдар арасындағы ескі дау-дамай себеп болуы мүмкін. Қылмыстық істі тергеуді облыстық полиция департаменті бақылауына алды.

4344
Кілт сөздер:
қылмыс, мәйіт, Алматы облысы
Тақырып бойынша
Ақтау тұрғыны сүйіктісінің көңілдесін өлтіріп, бөлшектеп тастады
Журналисті өлтірді деген күдікті қолға түсті: Есіл жағасындағы үйде жасырынған
Атырау тұрғынын қыздары мен әйелі өлтіріп, үстіне бетон құйып тастаған
"Бөлшектеп, пакетке тыққан": досын асқан жауыздықпен өлтірген Шымкент тұрғынына үкім шықты
Нұра өзені

Қазақстанда үш күнде 15 адам суға батып кетті 

58
(Жаңартылды 12:58 07.07.2020)
Суға батқандардың жартысынан көбі ересектердің қарауынсыз қалған балалар. Төтенше жағдайлар комитеті қауіпсіздік ережелерін сақтауды сұрайды

АЛМАТЫ,7 шілде – Sputnik. Қазақстанда 4-6 шілде аралығына 15 адам суға батып кетті. Оның ішінде жеті бала бар. Бұл жайында төтенше жағдайлар комитетінің баспасөз қызметі хабарлады.

"Өткен демалыс және мереке күндері шомылуға болмайтын орындарда суға түскен 15 адам, соның ішінде 7 бала суға батып кетті. Балалардың барлығы ересек адамдардың қарауынсыз қалған", - делінген ресми ақпаратта.

Жеті балаға қатысты қайғылы жағдай Ақтөбе, Атырау, Алматы, Шығыс Қазақстан, Батыс Қазақстан, Қостанай, Қызылорда облыстарында болды.

Бұдан бөлек 4 шілдеде Павлодар облысы Шарбақты ауданының Есілбай ауылында ересек адамдардың қарауынсыз қалған 2018 жылы туған ер бала құдыққа құлап кетті. Жеке тұрғын үйге қарама-қарсы тұрған құдықтың тереңдігі үш метр, оның бір жарым метрінде су толы болған. Бала тұншығып қалды.

Тағы оқыңыз: Ыстықкөлде жоғалған қазақстандық не жағдай болғанын айтып берді 

Ішкі істер министрлігінің төтенше жағдай комитеті азаматтарды қауіпсіздік ережелерін сақтауға шақырады.

 

58
Кілт сөздер:
Қазақстан, адам, су
Тақырып бойынша
Атырау полициясы суға батып жатқан жасөспірімдер қалай құтқарылғанын көрсетті – видео
"Сіңіріңіз тартылса...": суға батпау үшін не істеу керек?
Полицей Қазақстанның туын алу үшін суға түсті – видео
Карантин кезінде суға шомылатындар нені ескеруі тиіс
Талдықорғанда суға батқан көлік жүргізушісін оқиға куәгері құтқарды
Күшік

Атырауда тоңазытқыш есігімен итті азаптаған видеоға қатысты іс тоқтатылды

239
(Жаңартылды 09:50 03.07.2020)
Облыстық полиция департаментінің өкілдері итке екі рет сараптама жасалып, ешқандай жарақат анықталмағанын айтады

НҰР-СҰЛТАН, 3 шілде – Sputnik. Әлеуметтік желілерде тез таралып, қолданушылардың ашу-ызасын тудырған даулы видео қатысты қылмыстық  іс тоқтатылды.

Ал желіде қызу талқыланған видеода ер азамат иттің мойнын мұздатқыш есігіне қыстырып, азаптаған. Оның осы әрекетіне байланысты құқық қорғау органдарының өкілдері қылмыстық іс қозғаған болатын.

Атырау облыстық полиция басқармасы өкілдерінің түсіндіруінше, күдіктінің іс-әрекетінде Қылмыстық кодекстің 316-бабы (жануарларды азаптау) бойынша қылмыс белгілері болған.

"Алайда, қазір қылмыстық істің тоқтатылғандығы белгілі болды", - деп хабарлайды "Мой город" порталы.

Полицейлердің мәліметінше, азаптаудан кейін итке екі рет сараптама жүргізілгенімен ешқандай жарақат байқалмаған.

"Осы сараптама негізінде қылмыстық іс тоқтатылды", - делінген Атырау облыстық полиция департаментінің хабарламасында.

Оқи отырыңыз: Алматы облысында итті тірідей өртегендер ұсталды
Айта кетейік, итті азаптаған Еркінқала ауылының тұрғыны Марғұлан Жұматаев өз әрекеті үшін көпшіліктен кешірім сұрады. 

Посмотреть эту публикацию в Instagram

Публикация от kris_p_brothers (@kris_p_brothers_official)

239
Кілт сөздер:
ит, Атырау облысы
Тақырып бойынша
Жасөспірім қызға тиіспек болған педофил итке талана жаздады
Петропавл тұрғыны итті төртінші қабаттан лақтырып жіберді
Сүйіктісін итке жегізген: түрмеге қамалған атақты спортшылар
Итке шалынып құлаған әйел саусақтарынан айырылды
Қаршыға итке бас салды: соңында ешкім күтпеген оқиға болды – видео
Қасым-Жомарт Тоқаев

Тоқаев үкіметтің бастамасы туралы: жағдайды қиындатып жіберуі мүмкін

0
Қазіргі кезде үкіметте бюджеттің кіріс бөлігін арттыру мәселелесі талқыланып жатыр. Президент бұл бюджетке түсетін қаржыны көбейтудің ең қарапайым тәсілі екенін айтты

НҰР-СҰЛТАН, 10 шілде – Sputnik. Мемлекет басшысы Қасым-Жомарт Тоқаев  жекелеген салықтардың мөлшерлемесін арттыруға қатысты пікір білдірді, деп хабарлайды Sputnik Қазақстан тілшісі. 

Президенттің айтуынша, қазіргі кезде үкіметте бюджеттің кіріс бөлігін арттыру мәселелесі талқыланып жатыр. Соның ішінде жекелеген салық түрлерінің, оның ішінде корпоративтік табыс салығы мен қосымша құн салығының мөлшерлемесін арттыру мәселелері қарастырылуда. 

"Бюджетке түсетін қаржыны көбейтудің ең қарапайым тәсілі осы болғандықтан, үкіметті түсінуге болады. Бірақ экономиканы жандандыру керек деп, салықты ойланбай, біржақты арттыру онсыз да күрделі әлеуметтік-экономикалық жағдайды қиындатып жіберуі мүмкін. Сондықтан аталған мәселені барынша ақылға салып шешу қажет", - деді Тоқаев үкіметтің бүгінгі кеңейтілген отырысында. 

Мемлекет басшысы бюджет тұрақтылығын қамтамасыз ету үшін тиімсіз шығындарды қысқарту қажеттігін жеткізді. Бүгінде экономика үшін тиімділігі аз салықтық жеңілдіктердің есебінен қосымша резервтерді қарастыру ұсынылып отыр.

0
Тақырып бойынша
Тоқаев биліктің қалай өзгеретінін айтты
"Ұпай жинайсыз деді": Тоқаев үкіметті неге отставкаға жібермегенін ашық айтты
Президент қандай шешім жедел қабылдануы тиіс екенін ескертті
Дәрігер дене қызуы көтеріле бастағанда не істеу керектігін айтты
Локдаун режимі: демалыс күндері тағы қандай облыста карантин күшейтіледі?