Бала

Мас жігіт терезеден тастап жіберген 3 айлық баланы куәгер қағып алды  

9115
Кездейсоқ өтіп бара жатқан жүргінші терезеге жүгіріп барып, баланы қағып үлгерген

НҰР-СҰЛТАН, 11 маусым — Sputnik. Оқыс оқиға Ресейдің Свердловск облысында болды, куәгер мас жігіт терезеден лақтырып жіберген бөбекті құтқарып қалды. 

6 маусым күні кешке жас жігіт қонаққа келіп, ішімдікке сылқия тойып алғаннан кейін танысының үш айлық ұлын бірінші қабаттың терезесінен лақтырып жіберген. Бұл туралы Ресей Федерациясының Свердловск облысы бойынша тергеу комитетінің сайты хабарлады.  

Оқиға болған кезде баланың анасы дүкенге шығып кеткен, ол сәбиді ішкен еркекпен бірге қалдырған.

Окно квартиры, из которого выбросили младенца
Баланы тастап жіберген пәтердің терезесі

Кездейсоқ сол маңнан өтіп бара жатқан жүргіншінің арқасында бала жарақат алмады. Қырық төрт жастағы ер адам терезенің шағылған дауысын естіп, не болғанын білу үшін жүгіріп келген. Ол жас жігіттің бірінші қабаттағы пәтердің терезе алды тақтайына шығып, қолындағы баланы тастайын деп тұрғанын көрген. Куәгер терезеге қарай жүгіріп, сәбиді қағып үлгерген. Әрі қарай баланы ауруханаға жеткізген, сәби еш жарақат алмағандықтан үйіне шығарылды.

Тағы оқыңыз: Әкесі терезеден лақтырып жіберген сәби хәл үстінде жатыр

Баланы тастап жіберген жас жігіт ұсталды. Оған РФ Қылмыстық кодексінің "Баланы өлтіруге оқталу" бабы бойынша айып тағылды. Тергеу ер адамның неге мұндай қадамға барғанын анықтауға кірісті. 

Сондай-ақ қазір баланың отбасында одан әрі қалып-қалмау мәселесі қаралып жатыр. Бөбекті құтқарған ер адамға сыйлық жасау жоспарлануда.

9115
Кілт сөздер:
бала, терезе
Тақырып бойынша
Қостанайда көпқабатты үйдің терезесінен сәби құлап кетті
Ақтау тұрғыны терезеден оқ жаудырып, оны видеоға түсіріп алған
26-қабаттан құлап түскен бүлдіршін үстін қақты да, кете барды – жантүршігерлік видео
Көшеде келе жатқан жігіт 5-қабаттан құлаған сәбиді қағып алды – видео
Таудағы қойшы

Жамбыл облысында екі әйелді айуандықпен өлтірген қойшының денесі табылды

2761
(Жаңартылды 10:55 02.07.2020)
Кісі қолынан қаза тапқан екі әйелдің жақындары қылмысты жалғыз адамның істеуі мүмкін емес деп болжайды

НҰР-СҰЛТАН, 2 шілде – Sputnik. Жамбыл облысының полицейлері екі әйелді асқан айуандықпен өлтірген Өзбекстан азаматының денесін тапты. Бір ай бойы іздеуде болған қандықол қылмыскер асылып өлген, деп хабарлады КТК арнасы.

Ресми мәліметке сәйкес, қаскөйдің денесі оқиға болған ауданнан табылды. Тергеушілер оны жеке заттары арқылы кім екенін анықтаған.

"Жедел-іздестіру шаралары кезінде Тұрар Рысқұлов ауданынан өзіне қол жұмсау белгілері бар мәйіт табылды. Жеке заттарын қарай келе, оның қожалықтағы қылмысты жасаған күдікті екені анықталды. Марқұмның нақты неден қаза тапқанын анықтау үшін бірқатар сараптамалар тағайындалды", – дейді облыстық департаменттің баспасөз хатшысы Гүлсара Мұхтарқұлова.

Айта кетейік, жантүршігерлік қылмыс мамыр айында Тұрар Рысқұлов ауданының Мамай ауылында болған. Таудағы қожалықта бірнеше ай бойы малшы болып жұмыс істеген 54 жастағы Өзбекстан азаматы екі әйелді бауыздап өлтіріп, мәйіттерін тапшанның астына жасырған. Марқұмдардың бірі – 50, екіншісі – 38 жаста.

Оқи отырыңыз: Жамбыл облысында екі әйелді өлтірді деген күдікке ілінген малшы табылмай жатыр

Қылмыс болған қожалық жергілікті учаскелік полицей мен оның анасына тиесілі болған. Бірақ бұл оқиғадан соң тәртіп сақшысы іле-шала өз еркімен жұмыстан шығыпты. Сондай-ақ, ол жұрттың жағасын ұстатқан оқиға болған жерден бүкіл малын алып кеткен. Ал екі әйелдің жақындары қылмысты жалғыз адамның істеуі мүмкін емес деп болжайды.

2761
Кілт сөздер:
оқиға, Жамбыл облысы
Тақырып бойынша
Алай-түлей бораннан кейін малшы сиырларын қар астынан күреп шығарып жатыр - видео
Тараздағы қанды оқиға: бір отбасыны қырып салған малшыға үкім шықты
Шетелдіктер қазақтың қаны мен шашын зерттеп, неге аласұрып жүр?
"Кетпеңізші деп жалынамыз": кәсіпкер депутаттар алдында жанайқайын жеткізді
"Погондыларды тергесе, күдіктілер көбейеді": тұрғындар полицейлерге сенуден қалды
Дәр-дәрмек

Парацетамол ұрлаған: Атырауда дәріхана тоналды

337
Дәріхана есігін бұзып кірген белгісіз адам дәрілер мен қоса ноутбук пен памперсті қолды еткен

НҰР-СҰЛТАН, 2 шілде – Sputnik. Атырауда дәрі таба алмай әбден ашынса керек, әлдебіреулер орталық көшелердің бойындағы дәріханаларды тонай бастады, деп хабарлайды КТК арнасы.
Дәріхана есігін бұзып кіргендер қазір ел таппай сандалып іздеп жүрген аспирин, парацетамол және балаларға қажет жөргектерді ұрлап кеткен.

Ұры алысқа ұзамай ұсталыпты. Дегенмен тәртіп сақшылары оның әрекетін амалдың жоқтығынан емес, "кәнігі ұрының қанға сіңген қасиеті" деп отыр.

Дәріхананың ішіне кірген белгісіз адам дәрілермен қоса ноутбук пен памперстерді қолды еткен. Полиция қызметкерерлері 1994 жылғы туған азаматты анықтап, құрықтады.

"Одан айғақ заттар табылып, барлығы тәркіленді. Тексеру кезінде ол азаматтың бұдан бұрын бірнеше рет өзгенің мүлкін ұрлағаны анықталды. Қазір ол қамауға алынды", – дейді Атырау облыстық полиция департаменітнің баспасөз хатшысы Гүлназира Мұхтарова.

Оқи отырыңыз: Парацетамолды күніне неше рет ішуге болады – денсаулық министрлігі кеңес берді

337
Кілт сөздер:
ұрлық, дәрі-дәрмек
Тақырып бойынша
ДСӘДМ ескертеді: министр ғаламторда дәрі-дәрмек жарнамалаған жоқ
Нұр-Сұлтанда қарт адамдарға дәрі-дәрмек үйге жеткізіліп жатыр
Ресейлік дәрі-дәрмек пен медтехника қазақстандықтарға аурудан айығуға көмектеседі
Тоқаев дәрі-дәрмек туралы: импортқа тым тәуелдіміз
Нұр-Сұлтан дәріханаларында дәрі-дәрмек сатуға лимит қойылады
Ресейдің СІМ ғимараты

"Бізге дәлел қажет": Ресей New York Times мақаласына баға берді

0
Таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады

АЛМАТЫ, 2 шілде – Sputnik. Ресейдің сыртқы істер министрлігі Ресейдің тәлібтермен "сөз байласқанына" қандай да бір дәлел бар екеніне қатысты түсініктеме берді. Ресей Федерациясы президентінің Ауғанстандағы арнайы өкілі, Ресей СІМ екінші Азия департаментінің директоры Замир Кабуловтың айтуынша, мақалада тек бос айыптаулар жазылған.

"Бізге дәлел қажет, ал олар жоқ. Бұл бос пайымдау ғана", - деп мәлімдеді Кабулов Sputnik радиосына. 

Ол сондай-ақ, мақалада есімі аталатын контрабандист Рахмат Азизи жайлы ешқашан естімегенін айтты. Басылымның мәліметі бойынша, ол екі тараптың арасында бас делдал болған.  

Сонымен қатар Кабулов мақаланы оқып отырған кезде жауаптан гөрі сұрақ көп туындайтынын атап өтті.

"Жалған дүниені де мұқият дайындау қажет",- деп толықтырды ойын Кабулов. 

Айта кетейік, таяуда New York Times басылымы Ауғанстандағы Ресей мен тәлібтердің "келіссөзіндегі" "делдалды" атаған мақаласын жариялады. Мақала авторының айтуынша, делдал – контрабандист Рахмат Азизи деген азамат.

Бұған дейін NYT басылымы атауы көрсетілмеген арнайы қызметтерге сілтеме жасап, Ауғанстандағы америкалық сарбаздарға шабуыл жасағаны үшін Ресейдің тәлібтермен байланысы бар жауынгерлерге сыйақы ұсынғаны жайлы мақала жариялады. Алайда мақалада ешқандай дәлел көрсетілмеген.

"Талибан" қозғалысының өкілі Забиулл Муджахид америкалық басылымның бұл сөзін жоққа шығарды. Ал Трамп бұл мақаланы тапсырыспен жазылған болуы мүмкін деп бағалады.

0