Оқиға

Ақмола облысында ұшақ құлады

© Sputnik / Виталий Аньков / Медиабанкке өтуСамолет Ан-2
Самолет Ан-2 - Sputnik Қазақстан
Жазылу
Ан-2 ұшағы елордадан 125 шақырым жердегі егістік алқабында химиялық өңдеу жұмыстарын жүргізіп жатқан 

НҰР-СҰЛТАН, 20 маусым – Sputnik. Ақмола облысында Родина ауылының маңында Ан-2 ұшағы құлады, деп хабарлайды Төтенше жағдайлар комитетінің баспасөз қызметі. 

"20 маусымда сағат 10:00 шамасында Ақмола облысы Целиноград ауданына қарасты Родина ауылынан 10 шақырым жерде химиялық өңдеу кезінде Ан-2 ұшағы құлады. Апат салдарынан әуе кемесінің командирі қаза тапты, жарақат алған екінші ұшқыш пен техник–көмекші ауруханаға жеткізілді", - деп хабарлады комитеттегілер. 

Ұшақ апатының себебі анықталып жатыр. 

"Ұшқыш оқиға орнында қаза болды. Оның кім екені анықталып жатыр", - деп хабарлады Sputnik Қазақстан тілшісінен төтенше жағдайлар комитетінде. 

Ан-2 (Ауызекі тілде "Кукурузник" деп айтылып жүр) — жеңіл ұшақ, ол жергілікті әуе желісінде жолаушы және жүк көлігі ретінде пайдаланылады. 

Айта кетсек, биыл сәуір айында Қарағандыда жеңіл авиация ұшағы "Балапан" аэродромында құлаған болатын.  FK-14 "Polaris" оқу-жаттығу жұмыстарын жүргізіп жатқан.

Өткен жылдың қазанында азаматтық авиация комитеті шұғыл түрде 17 ұшақ – 14 Ан-2 және үш Tecnam-мен ұшу тоқтатылғанын хабарлады.

Жаңалықтар
0