НҰР-СҰЛТАН, 20 маусым - Sputnik. Ақмола облысында Ан-2 ұшағының апатқа ұшырау себебін анықтау мақсатында арнайы комиссия құрылды, деп хабарлайды ҚР инустрия және инфрақұрылымдық даму министрлігінің баспасөз қызметі.
Бейсенбі, 20 маусым күні, сағат он шамасында Ақмола облысы Целиноград ауданында әуе апаты болды - АН-2 ұшағы апатқа ұшырады. Ұшақтың әуеден химиялық өңдеу жұмыстарын жүргізгені анықталды.
"Апат салдарынан әуе кемесінің командирі қаза тапты, жарақат алған екінші ұшқыш пен техник ауруханаға жеткізілді", - деп хабарлады министрліктің баспасөз қызметі.
Әуе кемесінің апатқа ұшырау себебін анықтау үшін тергеу жұмыстары басталды.
Қаза тапқан ұшқыштың кім екені анықталып жатыр.
Тағы оқыңыз: "Канелоның" жекпе-жегінен қайтып келе жатқан жанкүйерлер мінген ұшақ құлады
