Құжаттар, архивтегі сурет

Арыстағы жарылыстарға қатысты қылмыстық іс қозғалды

5002
(Жаңартылды 18:50 24.06.2019)
Қылмыстық кодекстің 462-бабының 1-бөлігі бойынша екі жылға дейін бас бостандығынан айыру қарастырылған

НҰР-СҰЛТАН, 24 маусым — Sputnik. Арыс қаласындағы жарылыстардан кейін қару, басқаларға қауіп тудыратын заттар мен нәрселерді сақтау ережесін бұзу бабы бойынша қылмыстық іс қозғалды. Ақпаратты ішкі істер министрлігі растады, деп хабарлайды Sputnik Қазақстан. 

"Осы факті бойынша ІІМ-нің оңтүстік өңірлік әскери-тергеу басқармасының Шымкент бөлімі Қылмыстық кодекстің 462-бабының 1-бөлігі (қару, сондай-ақ басқаларға қауіп тудыратын заттар мен нәрселерді сақтау ережесін бұзу)  бойынша қылмыстық іс тіркеді. Барлық жағдай ішкі істер органдарының қадағалауында", - делінген жазбада.

Бұл заңбұзушылық кезінде екі мың айлық есептік көрсеткішке (1 АЕК – 2525 теңге) дейінгі мөлшердегі айыппұл немесе не сол мөлшерде түзеу жұмыстарымен тарту көзделген. Екi жылға дейiнгi мерзiмге бас бостандығын шектеу немесе сол мерзімге бас бостандығынан айыру жазасы да қолданылуы мүмкін. 

Оперативный штаб открыт после взрыва в Арыси
© Photo : Пресс-служба МВД РК
Арыстағы жарылыстардан кейін жедел штаб құрылды

Арысқа қанша полицей аттанды

Қоғамдық тәртіпті сақтап, эвакуацияланған азаматтардың мүлкін күзету үшін Арыс қаласына полиция қызметкерлері тартылды. Жалпы, жеке құрамның 463 қызметкері мен Ішкі істер министрлігі бөліністерінің 53 техникасы Арыс қаласынан көшірілгендерге көмек көрсетуде.

"Мұның ішінде 193 қызметкер және 23 техника азаматтық қорғау органдарына тиесілі. Сондай-ақ, 270 қызметкер мен 30 техника полиция бөліністерінен тартылды", - деп жазылған ІІМ таратқан баспасөз хабарламасында.

Сондай-ақ, қаладағы қоғамдық тәртіпті қадағалау үшін Ұлттық ұланның әскери бөлімінен 500 жауынгер аттанды.

Министрлік әлеуметтік желілерде Арыс қаласында балалардың жоғалуы туралы ақпаратқа қатысты түсініктеме берді. Қазіргі уақытта бұл ақпарат тексеріліп жатыр. Оқиға орнынан көшірілгендердің орналасқан жерін анықтау шаралары жүргізіліп жатыр.

Тағы оқыңыз: Арыстағы жарылыстан зардап шеккендердің саны 40 адамнан асты  

Ішкі істер министрлігі тұрғындарды үрейге бой алдырмай, ресми ақпараттарға ғана сүйену қажеттігін ескертеді.

Шымкент қаласының төтенше жағдайлар департаментінде "Қауырт желі" ашылған. 8 (7252) 44-94-72 нөмірі бойынша кез келген ақпаратты тәулік бойы алуға болады.

5002
Кілт сөздер:
қылмыстық іс, жарылыс
Тақырып:
Арыстағы жарылыс (86)
Тақырып бойынша
Арыстағы жарылыс: қорғаныс министрі бір адам қаза тапқанын хабарлады
Арыстағы жарылыстан зардап шеккендердің саны 40 адамнан асты  
Арыстағы жарылыс кезінде алты жасар қыз жоғалып кетті
Соңғы 10 жылда Арыста қанша жойқын жарылыс болды – хронология
Арыстағы жарылыс: Қазақстандағы қару-жарақтың жартысы Кеңес одағынан қалған
Загрузка...