Кісен, архивтегі фото

Алматыда заңсыз митингіге дайындалған адамдар ұсталды

373
(Жаңартылды 15:58 04.07.2019)
Қылмыстық істі тергеу барысында ұсталғандардың төртеуі де үйқамақта болған, бірақ оны өтеу ережесін бұзған

АЛМАТЫ, 4 шілде — Sputnik. Алматы полиция департаментінің қызметкерлері Қазақстан аумағында экстремистік ұйым деп танылған ДВК* қозғалысының төрт белсендісін қамауға алды.

Олар қалада рұқсат етілмеген митинг өткізуге дайындалған, деп хабарлады полиция.

Қылмыстық іс бойынша төрт айыпталушы: Жазира Демеуова, Оксана Шевчук, Гүлнәр Жаукерова, Әнуар Әшірәлиев үйқамақта болу ережесін бұзып, билік өкілдері рұқсат бермеген митингіге дайындалуды жалғастырып жатқаны туралы ақпарат шыққаннан кейін бұлтартпау шарасы өзгертілді.

Подготовка несанкционированных митингов
© Photo : Предоставлены пресс-службой ДП города Алматы
Тінту барысында ірі көлемде ақша тәркіленді

"Жедел және тергеу іс-шаралары кешенін өткізу кезінде бұл ақпарат расталды. Жоғарыда аталған азаматтардың, сондай-ақ тыйым салынған ұйымның басқа да қатысушыларының тұрғылықты жерін тінту кезінде экстремистік мазмұндағы плакаттар мен парақшалар, түтіндету құтылары, дауыс зорайтқыштар, аэрозоль сыр бүріккіш баллондар, компьютерлер, байланыс құрылғысы табылды. Сондай-ақ, ірі көлемде ақша тәркіленді, тергеушілердің болжамынша, бұл қаржыны олар заңсыз акцияны ұйымдастыру мақсатында жұмсамақ болған", - деп жазылған Алматы полиция департаменті баспасөз қызметінің ресми хабарламасында.

Ведомство сондай-ақ, бұған дейін қамауға алынғандардың әрқайсына экстремистік ұйымның қызметіне қатысудың салдары түсіндіріліп, профилактикалық әңгіме жүргізілгенін хабарлады.

  • Рұқсат етілмеген митингілерге дайындық
    Рұқсат етілмеген митингілерге дайындық
    © Photo : Предоставлены пресс-службой ДП города Алматы
  • Рұқсат етілмеген митингілерге дайындық
    Рұқсат етілмеген митингілерге дайындық
    © Photo : Предоставлены пресс-службой ДП города Алматы
  • Рұқсат етілмеген митингілерге дайындық
    Рұқсат етілмеген митингілерге дайындық
    © Photo : Предоставлены пресс-службой ДП города Алматы
1 / 3
© Photo : Предоставлены пресс-службой ДП города Алматы
Рұқсат етілмеген митингілерге дайындық

"Қазіргі таңда осы қылмыстық іс бойынша тергеу шаралары жалғасуда. Кейбір күдіктілер кінәсін мойындады. Сонымен қатар тыйым салынған экстремистік қозғалыстың басқа қатысушыларына қатысты әкімшілік шаралар қабылданды", - деп хабарлады полиция.

Ұсталғандарға қатысты сотқа дейінгі тергеу Қылмыстық кодекстің 405-бабына (Экстремистік ұйымның қызметіне қатысу) сәйкес жүргізілуде.

 

373
Кілт сөздер:
Алматы, митинг
Тақырып бойынша
"Қамауда 3 адам қалды": Тұрғымбаев митинг кезінде ұсталғандар туралы айтты
"Көлікпен әдейі қақты": Полицейлер митингіде қалай жарақат алғанын айтты
Қазақстанда митинг кезінде 300-ден аса полицей зардап шекті – министр 
Митинг кезінде 4 мыңға жуық адамның ұсталғаны белгілі болды
"Бар шындықты айтамыз": елорда мен Алматыда рұқсат етілген митинг өтті
Архивтегі фото

Ақтауда парашюті ашылмай қалған әскеридің секірген сәті видеоға түсірілген

4075
(Жаңартылды 17:12 12.08.2020)
Видеодан әскери қызметшілердің кезек-кезек парашютпен секіріп жатқанын көруге болады. Оған дейін зардап шеккен жігіт камераға қарап, қолын көтереді  

НҰР-СҰЛТАН, 12 тамыз – Sputnik. Ақтауда парашюттің толық ашылмауынан ауыр жарақат алған әскери қызметшінің анасы қорғаныс министрлігінің уәжімен келіспейтінін мәлімдеді. Күлжахан Жамауова ұлының ұшақтан секірген кездегі видеосын Lada.kz басылымына ұсынды. Оны бірге болған әскерилер түсіріп алған.

Видеодан әскери қызметшілердің кезек-кезек секіріп жатқанын көруге болады. Күлжахан Жамауованың ұлы бірінші болып секіреді. Оның алдында камераға қарап, қолын көтереді. Сосын айқай салып, өз-өзіне жігер береді.  

Бұған дейін қорғаныс министрлігі оқиғаның мән-жайын түсіндірген. Ресми мәліметке сәйкес, әскери қызметші жерден берілген командаларға жауап бермеген. Қосалқы парашютті де ашпаған. Соның салдарынан жерге қатты құлаған. Күлжахан Жамауова министрліктің түсініктемесімен толығымен келіспеймін дейді.

"Осы оқиғаға қатысты әскерилердің ұстанымымен толығымен келіспеймін. Жерден команда беретін әскерилер мегафонды қолдануы қажет. Ондай құрылғы болған жоқ. Сосын ұлымның парашютінде бір ілмек болмады. Парашюттің өзі тергеушінің кабинетінде әлі жатыр. Сараптама басталған да жоқ", - дейді Жамауова.

Сарбаз қолы мен көзінен айырылды: қорғаныс министрлігі түсініктеме берді 

Оның айтуынша, ауыр жарақат алған ұлына портативті multiFiltrate атты гемодиализ аппараты керек болған. Оны тек үш күннен кейін ғана тапқан. Енді, дәл осы құрылғымен жұмыс істейтін кәсіби мамандар табылай жатыр.  

"Балама ота жасағаннан кейін аппаратқа қосты. Осы аппаратпен бір күн емдеуге 500 мың теңге кетеді. Билік тарапынан ешқандай көмек жоқ. Бәрін туған-туыстар мен ұлымның достары арқасында өзіміз көтеріп жатырмыз", - дейді Жамауова.

Айта кетейік, оқыс оқиға 5 тамызда болған. Парашютпен секіру жауынгерлік даярлық жоспарына сәйкес орындалған. Әскерилердің бірінің парашюті толық ашылмаған. 8 тамыз оған хирургиялық ота жасалды. Әскери қызметшінің ауруханаға түскен кездегі жағдайы ауыр болған.

4075
Кілт сөздер:
видео, Ақтау
Тақырып бойынша
Жарылыс салдарынан 10 әскери қызметкер зардап шекті - қорғаныс министрлігі
Жамбыл облысындағы жол апаты: 17 әскери қызметкер зардап шекті
Қорғаста әскери қызметшіні ұрған ер адам қамауға алынды
Маңғыстауда қолы мен көзінен айырылған сарбаз миллиондаған айыппұл төлеуі мүмкін
Есенбек Сиғуатов

Атыраулық чемпионның өліміне қатысты тың дерек шықты

78
(Жаңартылды 17:12 12.08.2020)
Қазіргі кезде Қылмыстық кодекстің 99-бабы бойынша сотқа дейінгі тергеу амалдары жүргізіліп жатыр

АЛМАТЫ, 12 тамыз – Sputnik. Атырау облысында тоғызыншы тамызда төбелес кезінде танымал атыраулық спортшы, грепплингтен Азия чемпионы Есенбек Сиғуатов көз жұмды. Кісі өліміне қатысты күдікті уақытша ұстау изоляторына қамалды, деп хабарлады өңірлік "Мой город" басылымы.

Атырау облысы полиция департаментінің хабарлауынша, 9 тамызда сағат 3.10-да Дамба ауылының екі тұрғыны арасында қақтығыс туған.

"Жанжал барысында бір адамға оқ тиген. Содан кейін ол ауруханаға жеткізілді. Алған жарақатынан ер адам көз жұмды", - делінген полиция ақпаратында.

Полиция қызметкерлері күдіктіні ұстады. Ол уақытша ұстау изоляторына қамалды. Тиісті сараптамалар тағайындалды.

Аталған факті бойынша Қылмыстық кодекстің 99-бабы "адам өлтіру" бойынша сотқа дейінгі тергеу амалдары жүргізіліп жатыр.

Оқи отырыңыз: Атырау басшысы әкімдіктің алдында болған келеңсіз оқиға үшін кешірім сұрады

Айта кетейік, қайғылы оқиға тоғызыншы тамызда Дамба мен Құрманғазы ауылының жігіттері арасындағы төбелес кезінде болды. Оқ чемпионның жүрегіне тиген. Есенбек Сиғуатов бір апта бұрын 18-ге толған еді.

78
Кілт сөздер:
күдікті, Атырау облысы, спортшы
Тақырып бойынша
Тоқаев Атырау облысына қандай көмек көрсетілетінін айтты
Атырау облысында болашағынан үміт күттірген үш боксшы қаза болды  
"Жағдай қиындап кетті ": Атырау ауруханасында орын жоқ
Атырау тұрғындарын шошытқан қара түтіннің не екені анықталды
Итті тоңазытқыштың есігімен азаптаған Атырау тұрғынына қатысты іс қайта қозғалды
iPhone, архивтегі фото

Нұр-Сұлтанда ірі техника дүкенінде жарық сөнгенін пайдаланып қалғандар ұсталды

0
Тұрмыстық және электронды техника сататын дүкеннің қызметкерлері 6 миллион теңгенің ұялы телефондарын ұрлаған

НҰР-СҰЛТАН, 12 тамыз – Sputnik. "Sulpak" дүкенінің екі қызметкері бірнеше ұялы телефон ұрлағаны үшін айыпталып отыр, деп хабарлайды Sputnik Қазақстан Нұр-Сұлтан қалалық полиция департаментіне сілтеме жасап.   

Тергеу материалдарына сәйкес, 28 шілдеге қараған түні екі жас қызметкер түнгі ауысымда жұмыс істеген. Сол кезде жарық сөніп қалған. Олар соны пайдаланып, дүкен қоймасынан қымбат ұялы телефондарды алып шыққан. Атап айтқанда,  9 iPhone мен 11 Samsung-ті қолды еткен. Ұрланған мүліктің жалпы сомасы 6 миллион теңгені құрады.

Оқи отырыңыз: Арыста танысының үйінде қонақта болған жігіт ұятқа қалды  

Тергеу кезінде екеуі де ұрлық жасағанын мойындады. Ал ұялы телефондар олардың пәтерінен табылды. Екеуі бір пәтерді жалдап тұрған.  

"Қазіргі кезде Қылмыстық кодекстің 188-бабы (Ұрлық) бойынша сотқа дейінгі тергеу шаралары басталды. Оған сәйкес, ірі көлемде айыппұл салудан бастап бес жылға дейін бас бостандығынан айыру жазасы қарастырылған", - дейді полицейлер.

Айта кетейік, 2020 жылдың басында ұрлық ауыр қылмыстардың санатына қосылған болатын. Енді ондай әрекеттер үшін 3-7 жылға бас бостандығынан айыру жазасы қолданылады. Оған қоса, кінәлі адамдардың мүлкі тәркіленеді. Екі жақтың татуласуына рұқсат жоқ.

0
Кілт сөздер:
Нұр-Сұлтан, ұрлық, ұялы телефон
Тақырып бойынша
Белгісіз біреулер 13 миллион теңгені ұрлау үшін Нұр-Сұлтан тұрғынын аңдыған
Ақтөбеде полиция тергеушісі ноутбук ұрламақ болды
Банк қызметкері 87 миллион теңгені қымқырып, шетелге қашып кетті
Банк қызметкері үйлену тойын жасау үшін бес жарым миллион теңге ұрлаған