НҰР-СҰЛТАН, 20 тамыз — Sputnik. Батыс Қазақстан облысы Ақжайық ауданында ер адам 13 жасар баланы зорлады деген күдікке ілінді.
Болған жайтты Ақжайық ауданы әкімдігі растады, деп хабарлайды "Мой город" жергілікті порталы.
"Иә, ондай жағдай тіркелді. Алайда бұған қатысты түсініктеме бере алмаймын, себебі тергеу амалдары жүріп жатыр", - деді Ақжайық ауданының әкімі міндетін атқарушы Тілекқабыл Ғабдұшев.
Тағы оқыңыз: Видеоға түсіріп, бопсалаған: Шымкентте оқушы қызды сыныптастары зорлады
Батыс Қазақстан облысы сотының баспасөз қызметі берген мәлімет бойынша, күдікті ҚР Қылмыстық кодексінің 121-бабы 3-бөлімі (Кәмелеттік жасқа толмаған тұлғаға қатысты сексуалдық сипаттағы зорлық-зомбылық әрекеттері) бойынша 2 айға қамауға алыныпты.
Егер ер адамның кінәсі дәлелденсе, ол үш жылдан бес жылға дейін бас бостандығынан айырылуы мүмкін.
