жансақтау бөлімі

Шамалғандағы трагедия: дәрігерлер автобуста қалып қойған екі баланың жағдайын айтты

1239
(Жаңартылды 16:10 16.09.2019)
Қарасай аудандық ауруханасының дәрігерлері бір балаға ота жасалып, екіншісін дәрі-дәрмекпен емдеп жатқанын айтты

НҰР-СҰЛТАН, 16 қыркүйек – Sputnik. Алматы облысы Қарасай ауданы ауруханасының дәрігерлері Шамалғандағы апатта зардап шеккендердің жағдай туралы айтты, деп хабарлайды Sputnik Қазақстан тілшісі.

Аурухана директорының бірінші орынбасары Бақыт Жамековтың айтуынша, қазір 33 жастағы Эльвира Жәнібекованың жағдайы қалыпты. Ал оның екі баласы жансақтау бөлімінде жатыр.

"Кеше облыстан мамандар келіп, 2014 жылы туған қызға ота жасады. Бас сүйегіне трепанация жасалды. Ал 2016 жылы туған қызға консервативті ем беруге, яғни дәрі-дәрмекпен емдеуге шешім қабылданған болатын. Қазір екеуі де жансақтау бөлімінде. Екеуі де аппаратпен дем алып жатыр", - деді Жамеков Sputnik Қазақстан тілшісіне берген сұқбатында.

Дәрігердің айтуынша, балалардың анасы есін жиды. Қазір жағдайы бірқалыпты. Апат кезінде оң қолы және қабырғалары сынып, миы шайқалған.

"Қазір анасы есін жиған, сұрақтарға жауап береді. Бізге облыстық балалар ауруханасынан және көпбейінді клиникалық ауруханадан мамандар келіп, көмек беріп жатыр. Бұл жағдай облыс әкімі мен денсаулық сақтау министрінің тікелей бақылауына алынды", - деп атап өтті Жамеков.

Шамалғандағы көлік апаты

Айта кетейік, кеше 15 қыркүйек күні кешкі сағат 19.08-де Ақсеңгір-Шамалғанның теміржол өткелінде "Алматы-Қостанай" бағытындағы жолаушылар пойызы мен "Алматы-Қаскелең" бағытындағы рейстік автобуспен соқтығысқан. Желіде бірден куәгерлер түсірген жантүршігерлік апаттың видеосы тараған болатын.



Ал әлеуметтік желілерде апаттың жақын жерден түсірілген кадрлары жарияланды.

Посмотреть эту публикацию в Instagram

Публикация от Алматы | Almaty | Крисп (@almaty_dtp_rezerv)

Оқиғаның мән-жайы

Бүгін астанада өткен баспасөз мәслихатында министрлер осы апаттың мән-жайын айтып берген болатын.
Ішкі істер министрі Ерлан Тұрғымбаевтың айтуынша, автобус өткелден асамын дегенде көлік кептелісіне тіреліп қалған. Көлік жүргізушісі алыстан келе жатқан пойызды көріп, бірден артқы есікті ашқан.

"16 адам автобустан сыртқы шығып үлгерген. Апат кезінде көліктің ішінде төрт адам болған. Жүргізушісі және бір әйел екі баласымен. Автобус жүргізушісі оқиға орнында қайтыс болды. Қалған үш адам Қарасай аудандық ауруханасында ауыр жатыр. Дәрігерлер олардың өмірін сақтау үшін барлық күшін салып жатыр", - деді Тұрғымбаев астанада өткен баспасөз мәслихатында.

Тағы оқыңыз: Шамалғандағы апат: министр пойыздың неге тоқтамағанын түсіндірді

Ал индустрия және инфрақұрылымдық даму министрі Роман Склярдың сөзіне қарағанда, пойыз 2 434 метрге жақындағанда теміржол өткелінде автоматты түрде сигнализация қосылды. Дыбыс сигналы берілді. Сол жердегі бағдаршамның қызыл түсі жанды. Алайда шлагбауым толығымен түскен жоқ. Себебі өткелде көліктер тұрған.

Бас кезінде пойыздың жылдамдығы сағатына 97 шақырым болған. Өткелге 500 метр қалғанда машинистр автобустың тұрғанын көріп, шұғыл тежегішті басты. Алайда жол-көлік апатының алдын алуға мүмкіндік болмады. Себебі норматив бойынша пойыз тек 712 метр қалғанда тоқтай алады. Автобуспен соқытығысқанда пойыздың жылдамдығы сағатына 55 шақырым болған.

Тағы оқыңыз: Тоқаев Алматы облысындағы апатқа қатысты мәлімдеме жасады

"Пойыздың ішінде зардап шеккендер жоқ. Ал автобустың жүргізушісі қайтыс болды. Көліктің ішінде болған үш адам жарақат алды. "Setra" маркалы автобус 1990 жылы шығарылған болатын. Техникалық қараудан өту мерзімі 16 шілдеде аяқталған. Одан кейін техникалық қараудан өткен жоқ. Тасымалдаушы – Қаскелеңнің автобус паркі", - деп атап көрсетті Скляр.

1239
Кілт сөздер:
балалар, дәрігерлер, Шамалған
Тақырып бойынша
Пойыз апаты: министр автобуста қалып қойған әйелдің аты-жөнін жариялады  
Енді Нұр-Сұлтанда: елордада автобус тепловозбен соқтығысты – видео
Шамалған станциясындағы апат: әкімдік қаза болғандар туралы хабарлады
Теміржол

Оралда әйелді пойыз басып кетті

169
Құқық қорғау органдары аталған дерек бойынша тергеу басталғанын хабарлады. Оқиғаның мән-жайы әзірге белгісіз

НҰР-СҰЛТАН, 22 қыркүйек – Sputnik. Оралда теміржол өткелінде қайғылы оқиға болды – әйелді пойыз басып кетті. Бұл туралы "Мой Город" басылымы хабарлады.

ҚТЖ пойызы
© Sputnik / Серикжан Ковланбаев
Оқиға Желаев тасжолы аумағында түскі уақытта болған. Батыс Қазақстан облысының денсаулық сақтау басқармасы жедел жәрдем диспетчеріне қоңырау 22 қыркүйек  күні сағат 13.15-те түскенін хабарлады.

Оқиға орнына келген жедел жәрдем дәрігерлері белгісіз әйелдің мәйітін тауып алған.  

Олар марқұмның жасы шамамен 50-де болғанын айтады. Дәрігерлер зардап шегушінің аяқ-қолы кесіліп қалғанын жеткізді.

Оқиғаға көліктегі полиция департаментінің баспасөз қызметі де түсініктеме берді. Олар қылмыстық заңнамаға сәйкес пойыз қағу дерегі бойынша сотқа дейінгі тергеу басталғанын хабарлады.

Қалған ақпарат Қазақстан Қылмыстық-процессуалдық кодексінің 201-бабына сәйкес жария етілмейді.

169
Кілт сөздер:
Орал, пойыз
Тақырып бойынша
Жамбыл облысында екі адамды пойыз басып кетті
Қарағандыда оқушы қыз жұмбақ жағдайда қаза болды
Көкшетауда теміржолды кесіп өтпек болған ер адамды пойыз басып кетті
Теміржолда тұрған 59 адамды пойыз басып өлтірді
"Әйелім қалып қойды": жүріп кеткен пойызды тоқтатқан астаналық айыппұл төледі
Үрейде отырған қыз, иллюстративті фото

Ақтөбе облысында сыныптасын соққыға жыққан қыздардың видеосы желіде тарап кетті

1205
(Жаңартылды 11:43 22.09.2020)
Қазіргі кезде кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізуде

НҰР-СҰЛТАН, 22 қыркүйек – Sputnik. Ақтөбе облысында сыныптасын соққыға жыққан оқушы қыздардың видеосы желіде тарап кетті, деп хабарлайды Sputnik Қазақстан.

Видеода екі қыздың ұстасып тұрғанын көруге болады. Одан кейін монтаждалған нұсқасы жалғасады. Ол жерде бір қыз екіншісін шашынан сүйреп, ұрып жүр. Ал екінші видеода капюшон киген тағы бір қыз жерде жатқан қызды тізесімен басып отыр.

"Сонда қыздардың проблемасын ағаң шешіп бере ме? Ағасы қатты екен", – дейді сары капюшон киген қыз. Арғы жағында "түсіріп ал, түсіріп ал" деп жылаған адамның дауысы естіледі. 

Посмотреть эту публикацию в Instagram

Публикация от AKTOBE Zello - НОВОСТИ АКТОБЕ (@aktobe_zello_)

Бұл оқиға Ақтөбе облысының Темір ауданына қарасты Шұбарши кентінде болған. Аудандық полиция бөлімі кәмелетке толмағандардың өз сыныптасын ұрып-соғу фактісі бойынша тексеріс жүргізуде.

"Алдын ала мәліметтер бойынша 9-сыныптың үш оқушысы әдепсіз қарым-қатынасқа байланысты сыныптасын ұрып-соққан. Сөйтіп, болған оқиғаның бәрін ұялы телефонның камерасына түсірген", – дейді полицейлер.

Құқық қорғаушылардың айтуынша, қазіргі кезде кәмелетке толмағандар ісі жөніндегі инспекторлар ауданның оқу орындарында профилактикалық әңгіме жүргізіп жатыр.

Оқи отырыңыз: Оқушы мұғалімді сабақ үстінде соққыға жықты: оқиғаның мән-жайы

1205
Кілт сөздер:
жасөспірімді соққыға жығу, жасөспірімдер
Тақырып бойынша
Нұр-Сұлтанда спортшы 4 жасар қызды соққыға жықты - видео
Соққыға жығылған Бурабайдың бұрынғы әкімі көз жұмды
Шымкентте автобус жүргізушісін соққыға жықты – полиция бұзақыны ұстады
Қордайдағы оқиға: ақсақалдың екі ұлын соққыға жыққандар ұсталды
Көкшетауда 3 әйел ер адамды жабылып соққыға жықты - оқиға немен аяқталды
Дәлізде жүрген дәрігерлер

Тоқаевтың тапсырмасы орындалмай жатыр: мәжіліс министрді есеп беруге шақырды

42
Депутаттың айтуынша, Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 475 өтініш түскен

НҰР-СҰЛТАН, 23 қыркүйек – Sputnik. Денсаулық сақтау министрі Алексей Цой мәжіліс депутаттарына президенттің коронавирус жұқтырған медицина қызметкерлеріне төлем төлеу туралы тапсырмасының орындалуы жөнінде есеп береді, деп хабарлайды Sputnik Қазақстан тілшісі.

Мәжілісмен Зәуреш Аманжолова үкімет басшысына жолдаған депутаттық сауалында коронавирус жұқтырған медицина қызметкерлеріне төлемнің уақытылы төленбеу мәселесін қозғады.

Депутат денсаулық сақтау министрлігінің деректерін келтірді. Оған сүйенсек, 22 қыркүйектегі жағдай бойынша Қазақстанда 12 830 медицина қызметкері індетке шалдыққан. Ал мемлекеттен төлем алуға небәрі 2 475 өтініш түскен, бұл ауырғандардың жалпы санының 19%-ін ғана құрайды. Ал біржолғы әлеуметтік төлем тек 1 830 адамға немесе вирус жұқтырғандардың 14,3%-не төленген.

"Коронавирустан қайтыс болған дәрігерлердің отбасына өтемақы төлеу жұмысы мүлде нашар. Бүгінге дейін індеттен 197 медицина қызметкері көз жұмса, денсаулық сақтау министрлігінен төлемге тек 38 өтініш қана түскен. Ал өтемақыны алғандар саны небәрі – 25 немесе марқұм болғандардың жалпы санының 12,7%-і", – деді Аманжолова.

Оның айтуынша, министрлік қызметкерлерінің баяулығынан президенттің тапсырмасы дер кезінде орындалмай жатыр.

"Денсаулық сақтау және еңбек министрліктері өзара іс-қимыл алгоритімін уақытылы пысықтамаған. Салдарынан осындай проблемалар туындап отыр. Осы айтылғандарды ескеріп, сізден бұл мәселені жеке бақылауға алуды сұраймыз", – деді депутат.

Мәжіліс төрағасы Нұрлан Нығматулин жақын арада денсаулық сақтау министрі Алексей Цой осы мәселе бойынша мәжіліске шақырылатынын айтты.

"Келіп есеп берсін. Президенттің тікелей тапсырмасы жарты жыл бойы орындалмай жатыр. Бұған не себеп? Медицина қызметкерлері алғы шепте жүрді, қиын жағдайда жұмыс істеді. Біреулерінің денсаулығы сыр берді, енді бірі қайтыс болды. Ал тапсырма әлі орындалған жоқ. Таяуда Nur Otan фракциясы министрді шақырып, осы мәселені қарастырады", – деді спикер.

Оқи отырыңыз: 51 медицина қызметкері COVID-тан көз жұмды – 10 млн теңге қалай беріледі 

Еске сала кетсек, мемлекет басшысы 30 наурызда COVID-19 жұқтырған дәрігерлерге 2 миллион теңге, ал қайтыс болған жағдайда отбасына 10 миллион теңге өтемақы төлеуді тапсырды.

Президенттің тапсырмасын орындау үшін 9 сәуірде еңбек және халықты әлеуметтік қорғау министрлігі мен денсаулық сақтау министрлігінің Мемлекеттік әлеуметтік сақтандыру қорынан біржолғы төлем төлеу тәртібі туралы бірлескен бұйрығы шықты.

42
Кілт сөздер:
сақтандыру өтемақысы, өтемақы, коронавирус
Тақырып:
Коронавирус эпидемиясы
Тақырып бойынша
Дәрігерлерге тиесілі үстемеақы төлеу кезінде қателік жіберілді
Еңбек министрлігі төлемдерге қатысты ақпарат берді
Төтенше жағдайда қашықтан жұмыс істейтін қызметкерлердің жалақысы қалай төленеді
Індет жұқтырған 1 364 медицина қызметкеріне өтемақы төленді – министрлік
Солтүстік Қазақстанда ауру өршіп тұр: бір тәулікте 180 мың құс қырылып қалды