Иллюстративті фото

Жылап, сөйлей алмаған: Алматыда көшеден бала табылды

2139
(Жаңартылды 13:07 17.09.2019)
Алматыда полицейлер көшеден бала тауып алды, бала мамандандырылған интернаттан қашып кетіп, анасына барғысы келген

АЛМАТЫ, 17 қыркүйек – Sputnik. Дүйсенбі, 16 қыркүйек күні Алматыдағы арнайы интернаттардың бірінің сегіз жастағы тәрбиеленушісі анасын іздеуге өз еркімен кетіп қалған.

Бала адасып қалады, оны полицейлер Достық даңғылы мен Оспанов көшесінің қиылысында тауып алған. Бала жылап, тәртіп сақшыларына ештеңе түсіндіре алмаған.

"Біз баланың сөйлеу қабілеті бұзылғанын түсіндік. Алдымен оны тыныштандыруды ұйғардық: оны құшақтап, су, тәттілер сатып алып беріп, ес жиғанын күттік", - дейді жол-патрульдік полициясы қауіпсіздік қызметінің аға инспекторы Елдос Айнақұлов.

Бала полицейлерге "Жас қанат" шағынауданында тұратынын хабарлаған. Тәртіп сақшылары кезекшіге хабарласып, бала жоғалғаны туралы ақпарат бар-жоғын анықтады. Оны ешкім іздемегені белгілі болды.

Тағы оқыңыз: Түркістандық жасөспірім анасын іздеп елордаға кетіп қалған

"Біз сол шағын ауданға баруды ұйғардық. Сол жерде бала өзі тұратын пәтерді көрсетті. Есікті анасы ашты, ол баласының интернаттан кетіп қалғанын білмеген", - деп хабарлады ведомствоның баспасөз қызметі.

Әйел баласының арнайы интернатта оқып жатқанын, оны үйге тек демалыс күндері алып кететінін айтты.  

2139
Кілт сөздер:
Алматы, бала
Тақырып бойынша
"Таң ата хабар жетті": Сағынтаев жоғалған қазақстандықтарға қатысты жазба жариялады
Жиырма жыл бұрын жоғалған қыз ата-анасымен қауышты – видео
Үйден қашып кеткен: Алматы облысында із-түзсіз жоғалған екі бала табылды
"Қайда болғанын білмейді": Павлодарда жұмбақ жағдайда жоғалған жігіт табылды
"Қайтаршы деп жалындым": өлі табылған 3 жасар баланың әжесі оқиғаның қалай болғанын айтты
Ан-2 ұшағы

Қазақстанның шығысында ұшақ өртенді

846
Семей – Үржар бағыты бойынша санитарлық рейс орындаған ұшақ әуежайға қонғаннан кейін жана бастаған

НҰР-СҰЛТАН, 30 мамыр – Sputnik. Қазақстанның шығысында Үржар әуежайында Ан-2 ұшағы өртенді, деп хабарлайды азаматтық авиация комитеті.

Оқиға сағат 15:31-де, әуе кемесі қонғаннан кейін алты минуттан соң болды. Санитарлық рейс орындаған ұшақ Үржарға Семейден ұшып келген.

Өрт шыққан кезде ұшақ бортында адамдар болмаған. Сағат 15:50-де өрт сөндірілді. Зардап шеккендер жоқ.

Ұшақ "Тараз Жаңа Әлем" жекеменшік әуе компаниясына тиесілі.

Тағы оқыңыз: Қарағанды түбінде апат: әскери ұшақтың құлаған сәтінің видеосы жарияланды

Бұл факті бойынша индустрия және инфрақұрылымдық даму министрлігі авиациялық оқиғалар мен оқыс оқиғаларды тексеру басқармасы тергеу жүргізіп жатыр.

Жеңіл моторлы Ан-2 ұшақтары ауыл шаруашылығында, әдетте алқаптарға  тыңайтқыштар мен пестицидтер шашу үшін пайдаланылады.

846
Кілт сөздер:
өрт, ұшақ
Астанадағы жедел жәрдем автокөлігі

Атырау облысында жедел жәрдем бригадасы көз жұмды

4676
Исатай ауданы дәрігерлік амбулаториясының екі медицина қызметкері мен жедел жәрдем көлігінің жүргізушісі мерт болды

НҰР-СҰЛТАН, 30 мамыр – Sputnik. Атырау облысында жол апатынан жедел жәрдем бригадасы қаза болды, деп хабарлайды ҚазАқпарат.

Оқиға Исатай ауданы Зинедин ауылының маңында болған.

Құрылысы былтыр басталған Астраханға баратын тас жолда жедел жәрдем әскери "КамАЗ"-бен соқтығысқан.

"Исатай ауданының дәрігерлік амбулаториясына тиесілі жедел жәрдем көлігінде жүргізуші мен екі медицина қызметкері болған. Олардың барлығы да ажал құшты", - мәлімдеді өңірдің полиция департаментінің баспасөз қызметінен.

Тағы оқыңыз: Түркістан облысында жантүршігерлік жол апаты төрт адамның өмірін қиды

ІІМ Батыс өңірлік әскери-тергеу басқармасы "КамАЗ" рөлінде мерзімді әскери борышын өтеп жүрген 20 жастағы сарбаз болғанын нақтылады.

Тергеу амалдары жүргізілуде.

4676
Кілт сөздер:
жедел жәрдем, Атырау облысы, жол апаты
Тақырып бойынша
Көкшетау түбінде жол апатынан үш адам көз жұмды
Батыс Қазақстанда жантүршігерлік жол апатынан 12 адам зардап шекті
Тоқтап үлгермеген: 18 көлік соқтығысқан жол апатынан 29 адам зардап шекті – фото
Ақмола облысында жол апатынан екі адам қаза тапты, біреуі – сәби
Мысық балық жеп жатыр

Коронавирус Уханьдағы базардан тараған жоқ Қытай ғалымдары

0
Сарапшылар Қытайда коронавирус жұқтырған алғашқы он үш адамның базарға еш қатысы жоқ екенін дәлелдеді

НҰР-СҰЛТАН, 31 мамыр – Sputnik. Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді.

Мамандар Ухань базарындағы өнімдерден COVID-19 табылмағанын айтты.  Ғалымдар инфекция адамға жарқанаттан жұқты деген болжамды растап, вирус теңіз өнімдері базарында болған науқастан тарала бастады деген пайымға келді.

Алайда сарапшылар вирус алғашқы адамға базарда емес, басқа жерде жұқты деп отыр.

Ғалымдар Қытайда ең алғаш тіркелген 13 адамның Уханьдағы базарға еш қатысы жоқ екенін дәлелдеді, деп жазады The Sun.

0
Кілт сөздер:
Қытай, коронавирус
Тақырып:
Коронавирус эпидемиясы